Barreiros
Barreiros celebrará a gala final do Circuíto de Carreiras Populares +KmsBarreiros o domingo, 26 de novembro, ás 19:00 horas no centro sociocultural de San Cosme na que se repartirán 700€ en metálico para as categorías de adultos e,obsequio final máis diploma de recordo para todas as categorías e todas as persoas que completaran 4 ou máis probas; 3 no caso de menores.
O circuíto +KmsBarreiros 2023 chegou ao seu fin o pasado domingo 12 de novembro coa celebración da última proba, a V carreira Ao son do Masma. Tras esta última carreira, a clasificación xeral do circuíto de carreiras populares de Barreiros deixa como gañadora da categoría feminina absoluta a Romina Reimondo do Toxiza Clube de Montaña, quen este ano logrou revalidar o título; seguida da súa compañeira de clube, Fátima López, e de Julia Salvado do ACADE, quen logrou o terceiro...
leer más
Este sábado, 18 de novembro, continúa a programación cultural elaborada polo Concello de Barreiros coa actuación de Lilá Teatro representando a obra “Duncan de Palleiro”. Será ás 19:00 horas nos colexios vellos de San Miguel de Reinante.
Nesta obra “Duncan, o príncipe das corredoiras, non é un can calquera. Trátase dun can moi especial que pertence a unha raza mítica, lendaria e con moito prestixio, a de Palleiro. Alí onde vai leva consigo amizade, ledicia e unha grandísima sorpresa que non deixará ninguén indiferente”.
Está dirixida a un público infantil (maiores de 3 anos) e familiar con entrada de balde ata completar aforo.
O próximo 19 de novembro terá lugar a II Ruta BTT A.D. Augas Santas, unha proba non competitiva de bicicleta de montaña organizada pola Asociación Deportiva Augas Santas de Barreiros e que conta coa colaboración do Concello de Barreiros, da Área de Deportes da Vicepresidencia da Deputación de Lugo, da Secretaría Xeral para o Deporte da Xunta de Galicia e de varios patrocinadores máis.
O evento foi presentado este domingo coa presenza de Marta Castrillón, presidenta do clube organizador, Pablo Castrillón e Diego Carregal, membros da directiva, Dani García, deputado provincial e concelleiro de deportes do Concello de Barreiros, e ManuelOtero, xefe provincial de deportes da Xunta de Galicia.
A proba contará cun percorrido de 34 km.e un desnivel positivo de 1100 m. Dentro das novidades deste ano engádese a opción de...
leer más
O Concello de Barreiros continua programando actividades culturais de outono coa obra de teatro “O menciñeiro á forza” que será representada polo grupo de teatro de Alfoz “Os pícaros de Lagoa”.
A obra é unha coñecida adaptación elaborada nos anos 60 polo crego e escritor chairego Xosé Manuel Carballo Ferreiro. Trátase dun texto baseado na famosa comedia El médico a palos de Molière.
A representación teatral, que terá lugar o domingo 12 de novembro ás 19:00 horas no centro sociocultural de San Cosme, está enmarcada no circuíto de teatro afeccionado que a Vicepresidencia da Deputanción de Lugo puxo en marcha para manter o apoio ás artes escénicas así como ofrecer a asociacións e concellos a posibilidade de ampliar as súas axendas culturais.
O Concello de Barreiros e a Vicepresidencia da Deputación de Lugo organizan un ciclo de teatro no municipio barreirense que inclúe catro representacións. Serán os días 12 e 18 de novembro e 10 e 16 de decembro.
O domingo 12 de novembro ás 19:00 horas actuará “Os pícaros de Lagoa”, de Alfoz, no centro sociocultural de San Cosme.
O sábado 18 de novembro ás 19:00h actuará o grupo “Lilá Teatro”, de Lugo, nos colexios vellos de San Miguel.
Para o domingo 10 de decembro ás 20:00 horas será a quenda de “Lume escénico”, de A Pontenova, no centro sociocultural de San Cosme.
E xa para rematar este circuíto de teatro afeccionado e profesional 2023, o sábado 16 de decembro ás 19:00 horas o grupo “Ardora”, de Cervo, actuará no centro sociocultural de Barreiros.
O domingo 12 de novembro celebrarase a derradeira carreira do Circuíto +KmsBarreiros 2023: a quinta edición da proba Ao Son do Masma, na parroquia barreirense de Celeiro de Mariñaos, que é a carreira máis rápida do circuíto. Son 5,6 quilómetros de asfalto na categoría absoluta, que decidirá os campións e campioas do Circuíto nas distintas categorías. Tamén haberá unha andaina, que será desde as 10:30 horas, mentres que a carreira dos menores empezará ás 11:00 e a absoluta comezará ás 12:00 do mediodía.
Está organizada polo Concello de Barreiros e o Colectivo Cultural Ollomao. E as inscricións fanse a través da web www.maiskmsbarreiros.gal.
O Canteiro, en Benquerencia, acollerá o vindeiro sábado, día 28, unha conferencia homenaxe á científica e investigadora barreirense Aurora Sampedro Piñeiro, que será impartida por Manuel Rivero.
Aurora Sampedro naceu en 1913 e faleceu en 1996. Foi Licenciada en Ciencias Químicas, doutora na mesma disciplina e Académica de Ciencias Experimentais. Manuel Rivero defínea coma unha estudante exemplar e unha adiantada ao seu tempo: “desprazouse a Madrid no ano 1930, viviu na residencia de estudantes, alí completou os dous anos do bacharelato universitario, rama de ciencias, para poder matricularse en químicas, carreira que cursou na Universidade Complutense desde 1932 ata 1935. Durante o tempo que durou a Guerra Civil, (1936-1939), tivo que interromper os estudos. Finalizou a carreira na Universidade de Oviedo en xullo de 1941, coa...
leer más
Barreiros celebrou hoxe o Día das Bibliotecas poñendo en marcha un novo servizo para a súa veciñanza: a biblioteca rural de San Xusto.
No acto de inauguración a alcaldesa, Ana Ermida, manifestou “o orgullo de poder ir facendo realidade os soños colectivos e o convencemento da necesidade de sacar a cultura dos circuitos tradicionais para achegala a toda a veciñanza e a todos os lugares.” Incidiu igualmente no “agradecemento á veciñanza que acolle as ideas e as fai propias, como garantía de éxito no seu funcionamento e agradeceu, nomeadamente, á Asociación de San Xusto a súa implicación para a xestión da biblioteca.”
O concelleiro de Dinamización, Dani García, afondou nesta idea explicando que “a biblioteca que se inaugura hoxe é máis ca un espazo no que se gardan libros, é un espazo para a socialización e a...
leer más
Os Concellos de Barreiros e Lourenzá chegan a un acordo para potenciar e mellorar a formación das crianzas barreirenses que queiran practicar atletismo.
Mediante este acordo, o corpo técnico das EEDD de Lourenzá asumirá os adestramentos da modalidade de atletismo para as nenas e nenos de Barreiros, que contarán cun adestramento neste municipio, outro no de Lourenzá e un terceiro para o uso das pistas de atletismo de Cervo.
A alcaldesa barreirense, Ana Ermida, manifestou que "valoramos positivamente para este acordo o traballo e a metodoloxía que levan feito durante todos estes anos nas Escolas de Lourenzá, que nos servirá para seguir apostando pola base sen perder a nosa identidade como Escolas deportivas de Barreiros",e amosouse convencida da necesidade de aproveitar sinerxías entre Concellos para dar máis e...
leer más
O día 25 de novembro, sábado, a partir das 21:30 horas no pavillón polideportivo de San Cosme de Barreiros terá lugar unha cea baile organizada pola comparsa barreirense Habelas Hainas.
Haberá “comida, música, agasallos... e sobre todo moita festa”, anuncia a organización. O menú inclúe callos, costela asada, sobremesa e café. Sortearán regalos e o baile estará amenizado pola discoteca móbil The Sound Project.
Para reservar as entradas os teléfonos de contacto son 666.820.228 e
647.086.991. O prazo remata o 20 de novembro.