Barreiros

A parroquia de San Xusto, no concello de Barreiros, está de festas os días 6 e 7 de agosto, mércores e xoves.

Os festexos, na honra a San Xusto e San Pastor, comezarán o mércores ás 13:00 horas con misa solemne e despois procesión de 14 imaxes, acompañada polos gaiteiros de O Arco da Vella, de San Miguel, seguida de sesión vermú coa orquestra D´Noche, que tamén actuará na verbena xunto a orquestra Capitol.

E o xoves ás 13:00 horas celebrarase misa solemne con procesión de 14 imaxes, acompañada polos gaiteiros de O Arco da Vella, de San Miguel, seguida de sesión vermú co grupo Mar de Arousa, que tamén amenizará a verbena xunto ao Grupo Beatriz.

A organización destaca que o campo da festa estará cuberto con carpa e haberá amplos aparcamentos gratuítos.

O Concello de Barreiros, a través da súa aula CeMIT e, en colaboración co Colexio Profesional de Enxeñería en Informática de Galicia, acolle o programa Tech Kids: Argallando entre xeracións, un obradoiro creativo de 3 días de duración para espertar o talento dixital e a capacidade de innovación entre a mocidade. A formación terá lugar os días 11, 12 e 13 de agosto, en horario de 9:30 a 12:00 horas na aula CeMIT de Barreiros.

“Esta iniciativa, dirixida a mozos e mozas con idades comprendidas preferentemente entre os 12 e os 18 anos, ten dous obxectivos claros: por unha banda, familiarizar á rapazada coas tecnoloxías disruptivas que definen o presente e o futuro; e por outra, desenvolver competencias transversais como a resolución de problemas, o pensamento crítico e o traballo en equipo nunha contorna colaborativa. Durante o...

Será a partir das 21:30 horas no Campo de Fútbol das Valgas. Desde o Concello din: “se o clima o permite, o emprazamento non pode ser outro que o Campo de Fútbol das Valgas (en caso de choiva será no pavillón do CEIP San Miguel)”.

Na cuadraxésima segunda edición do Festival Folclórico Internacional do Emigrante daranse cita a Agrupación Santa Ana, de La Laguna (Tenerife); o Rancho Folclórico Lavradeiras de Vila Franca, de Viana do Castelo (Portugal); e a Agrupación Folclórica O Arca da Vella, de San Miguel de Reinante (Barreiros). 

Esta festa de interese turístico de Galicia está organizada polo Concello de Barreiros e polo Arco da Vella, que contan coa colaboración da Área de Cultura da Deputación de Lugo, ABanca, Xunta de Galicia, Iberia CF e Ceip San Miguel de Reinante. 

Este sábado, día 26 de xullo, terá lugar a II Festa do Mexillón, que organiza o Celta Barreiros. O evento, que dará comezo ás 19 horas no campo de fútbol O Cascabeiro, estará amenizado polo grupo ribadense En faldas y a lo loco e por un DJ.

José Manuel García, presidente do Celta Barreiros, anunciou: “teremos mexillóns, arredor de 500 ou 600 quilos. Serviremos racións de mexillóns e de lacón cocido acompañadas de pan, viño e auga. O prezo da ración será de 10 euros. E tamén contaremos con menú infantil, composto por salchichas e patacas”.

García Cela anima “á veciñanza de Barreiros e dos concellos da contorna como Ribadeo, Foz, Trabada, Mondoñedo ou Lourenzá, así como aos visitantes a achegarse este sábado ao campo de fútbol O Cascabeiro, en San Cosme de Barreiros, a desfrutar da II Festa do Mexillón. A primeira...