1. Inicio

Ciencia

Mª Isabel Fernández García falará o 9 de marzo en Ourol do seu libro "Pioneiras da ciencia en Lugo".

Etiquetas:
Ourol, Mulleres, Ciencia
05/03/2023

A catedrática de Química Inorgánica da Facultade de Ciencias da Universidade de Santiago de Compostela, Mª Isabel Fernández García, estará en Ourol o vindeiro día 9 de marzo ás 18:00 h para falar do seu libro “Pioneiras da ciencia en Lugo” e sobre todo de tres mulleres de Ourol pioneiras en ciencias: Remedios Vázquez García, Segunda Vázquez García e Aurora Chao Quintana.

Neste libro recóllese a vida académica e laboral de 62 mulleres pioneiras no eido da ciencia que foron abrindo camiño para as que viñeron despois. Con este traballo a autora pretende visibilizar a situación da muller na universidade e sobre todo nas ciencias e poñer en valor o seu traballo e a súa contribución para acadar a igualdade da muller.

Este encontro será no Edificio Multiusos de Ourol.

Do 4 ao 6 de abril terá lugar no IES de Ribadeo a XXIV Feira da Ciencia, que organiza o Departamento de Física e Química do centro.

Etiquetas:
Ribadeo, Feira, Ciencia
03/04/2018

Mañá, mércores 4 de marzo, terá lugar o comezo da XXIV edición da Feira da Ciencia de Ribadeo, no IES de Ribadeo Dionisio Gamallo.  Nela participarán boa parte dos estudantes do IES como expositores dos seus propios traballos, dende os cursos iniciais que son impartidos no IES ós finais. Os traballos versarán sobre temas de Bioloxía, Xeoloxía, Física e Química.

Estará aberta mércores, xoves e venres en horario de mañá, de 9:20 a 13:10, cun pequeno descanso entre 11 e 11:30.

 

O 6 de agosto haberá unha Xornada de Ciencia en Ourol. Está organizada polo grupo de mozos e mozas Ourelo.

Etiquetas:
Xornada, Ciencia, Ourol
31/07/2016
O 6 de agosto haberá unha Xornada de Ciencia en Ourol. Está organizada polo grupo de mozos e mozas Ourelo.
 
O grupo Ourelo coa colaboración do Concello de Ourol e a través do programa iniciativa Xove, organiza o 6 de agosto unha Xornada da Ciencia.
 
Dará comezo ás 16:00 horas na praza do Concello, e haberá sinxelos experimentos científicos que os nenos e nenas poderán realizar, xogos, fósiles, fluídos non newtonianos, experimentos con xeo seco, foguetes, efectos especiais, química do amor, coche de hidróxeno e moitas cousas que descubrirán a parte máis divertida da ciencia.
 
A entrada é libre e de balde. En caso de choiva a xornada celebrarase no Pavillón municipal.

Do 6 ao 8 de abril celébrase a XXII Feira da Ciencia de Ribadeo, que organiza o IES Dionisio Gamallo Fierros.

Etiquetas:
Ciencia, Feira, Ribadeo
05/04/2016
Do 6 ao 8 de abril celébrase a XXII Feira da Ciencia de Ribadeo, que organiza o IES Dionisio Gamallo Fierros.
 
Este mércores, 6 de abril, ten previsto o seu inicio a XXII edición da Feira da Ciencia de Ribadeo, que abrirá as súas portas ata o venres 8 no IES de Ribadeo Dionisio Gamallo. O horario de apertura será de mañá, de 9:20 a 11 e 11:30 a 13:10 (excepto venres) e a entrada, libre.
 
Está organizada a visita do alumnado propio do centro, así como están invitados outros centros veciños e acollerase a calquera visitante que queira achegarse.
 
A feira ocuparaá parte das plantas primeira e segunda do centro educativo, e nela participará boa parte do alumnado do mesmo, tratando as exposicións de temas tan diferentes como...
leer más