Libro

Etiquetas:
16/03/2024

O venres, 22 de marzo, ás 20:30 horas estará na Libraría Bahía a escritora Berta Dávila “coa que teremos un coloquio arredor da súa última novela A ferida imaxinaria”, explican desde a organización.

Esta actividade encádrase dentro da programación do Club de Lectura A carón dos libros, que promove a  libraría focense. Trátase dunha proposta aberta para todo o público que queira asistir.
 
Berta Dávila é unha das voces máis orixinais dentro da nova narrativa galega tanto nos temas que aborda como nas técnicas de escrita que escolle. Foi merecente do premio nacional da crítica en 2019 pola novela Carrusel e do premio Xerais de narrativa 2021 por Os seres queridos. Ademais de narrativa tamén é autora do poemario a Raíz da fenda, polo que acadou o premio nacional da crítica en 2013. A ferida imaxinaria é a súa última novela que ven...

leer más
Etiquetas:
15/03/2024

O Presidente da Deputación de Lugo, José Tomé Roca, e o Alcalde de Ourol, José Luis Pajón Camba, asinaron este venres no Pazo de San Marcos un convenio de colaboración para a edición do libro A imaxinería nos cemiterios de Ourol: dous canteiros, que ten por obxectivo dar a coñecer e poñer en valor o patrimonio indiano para impulsar o turismo cultural no concello e no conxunto da Mariña. 

A institución provincial achega 4.000€ para a edición desta publicación, obra de Anxo Vázquez Pernas, e que recupera a historia e o traballo de dous grandes canteiros na zona da Mariña Occidental: Xaquín de Gato e Francisco Veiga, máis coñecido como Pena de Miñotos. 

O libro consta de 25 capítulos, que percorren a época de maior auxe destes dous artistas, desde a elaboración de cruceiros na que destaca a influencia dos Carboeira...

leer más
Etiquetas:
12/03/2024

A artista arxentina Ticiana Ghiglione Darriba presentará en Ribadeo o seu libro titulado “Non apartes a mirada do espello”. Será este venres, 15 de marzo, ás 20:15 horas na Casa do Viejo Pancho. O acto será conducido polo ribadense Antonio Gregorio Montes.

Ticiana Ghiglione Darriba naceu en Bos Aires en vive en Galicia desde 1992. É licenciada en Belas Artes pola Universidade de Vigo. Filla de nai artista e pai artesán, desde moi pequena sentiuse atraída polo arte, participando en numerosas actividades relacionadas con la creación. Neta de galegos por parte de nai, vive en Galicia desde os 10 anos de idade.

“Non apartes a mirada do espello” é un libro que recolle dez relatos ilustrados, escritos en galego e castelán.

Etiquetas:
28/02/2024

O libro titulado 'A tribo do mar', de Lois Pérez, será presentado na sala de conferencias do Concello de Burela este venres, día 1 de marzo, ás 18:00 horas.

Neste acto intervirán xunto ao autor o profesor e escritor Bernardo Penabade e a capitá do Pescados Rubén Burela de fútbol sala feminino e xogadora internacional, Daniela Domingos.

Etiquetas:
28/02/2024

A cantautora galega coñecida artisticamente como Bea a de Estrella presentará o seu libro disco titulado Mareira o 6 de marzo, mércores, en Foz. Será na Librería Bahía ás 20:30 horas.

“A música será protagonista na libraría o vindeiro mércores, día 6 de marzo, da man de Bea a de Estrella e o seu libro disco Mareira”, anuncia Librería Bahía.

O acto será presentado por Teresa Nécega.

Etiquetas:
15/02/2024

Edicións Positivas presenta o libro titulado “Chorente, unha aldea no tempo dos soños”, escrito por Xosé Henrique Rivadulla Corcón, en San Cibrao (Cervo) e Arroxo (Lourenzá) os días 23 e 24 de febreiro, respectivamente.

Sobre a presentación programada para o día 23, venres, ás 20:30 horas, anuncian que será “no porto de San Cibrao, acollidos pola lúa, a viruxe a as tabernas que resisten”.

E sobre a prevista para o día 24, sábado, ás 12:30 horas, din que se desenvolverá “na biblioteca Maravilhas, na escola de Arroxo, en Lourenzá. Ver este espazo e esta biblioteca que descoñecemos ha de ser emocionante”.

O libro trata sobre “unha aldea que cre no soño para construír un mundo mellor, e que os mellores soños son os imposibles. Este é o pensamento dos habitantes de Chorente. E non é para eles...

leer más
Etiquetas:
14/02/2024

Librería Bahía, de Foz, acogerá el 23 de febrero, viernes, la presentación de la novela titulada “Muerte en el meridiano”, escrita por Carlota Suárez, que estará acompañada en el acto por el espeleólogo Gonzalo Villarmea Carreiras. El acceso es libre hasta completar aforo.

“O 23 de febreiro agardámosvos para compartir con vós a novela desta muller asturiana moi vencellada a Foz. Unha novela policíaca que ten ao mundo editorial como protagonista”, explican desde Librería Bahía.

 

Etiquetas:
14/02/2024

Este venres, 16 de febreiro, ás 20:00 horas, en Ribadeo, concretamente na Casa do Viejo Pancho, será presentado o libro titulado “Galicia latente”, escrito por Eduardo de Martís.

Ademais do autor, no acto intervirán Claudia del Pino, en representación da Mancomunidade de Concellos da Mariña; Elvira Posada, de Muiñeiras de Requiande; e a axente turística Noemi Díaz.

O libro recolle unha escolma de fotografías coas que o autor pretende achegarnos un retrato dunha Galicia diversa e moderna, así coma as novas formas de tecido cultural que están contribuíndo a conformar comunidade.

 

Etiquetas:
26/01/2024

O Salón de Actos do Centro Cívico de Xove acollerá o mércores, 31 de xaneiro, ás 20:00 a presentación do libro “Fanzines en Galiza. Unha breve e intensa historia da autoedición galega” de Ramón Mariño Fernández e editado por Laiovento. Trátase da presentación do primeiro libro integramente en galego sobre as publicacións autoeditadas en Galicia durante os últimos corenta anos. Neste traballo recóllense propostas de toda a xeografía galega aínda que con maior interese naquelas que proceden de ámbitos menos urbanos.

Os fanzines foron publicacións que autoeditaban persoas con inquietudes culturais, sociais e políticas. A súa aparición supuxo un pulo para os diferentes movementos xuvenís que se estaban dando a coñecer en Galicia durante os 80, 90 e comezos do século XXI. Grupos de música hardcore, punk, mesmo experimental e electrónica, así...

leer más
Etiquetas:
15/01/2024

Este xoves, día 18 de xaneiro, ás 20:30 horas estará en Libraría Bahía, de Foz, o escritor Pedro Feijoo para falar da súa última novela titulada “Ninguén contará a verdade”, editada por Xerais.

Desde Libraría Bahía explican: “podemos afirmar que Pedro Feijoo é na actualidade o máis popular dos autores de novela negra en Galicia. Con esta a súa última novela gañou o ano que vén de rematar o premio Xerais de novela. A historia presenta unha trama de corrupción en Galicia na que están implicados todos os poderes: o mundo da empresa, a banca, a información, a política… Unha historia de ficción nuns contextos que podemos recoñecer facilmente e que desnuda as tramas do poder”.