Lourenzá
A Xunta de Galicia anuncia que colabora coas festas do Conde Santo, de Lourenzá, que se desenvolverán desde este xoves, 27 de agosto, ata o próximo luns, 31 de agosto, cunha programación que “combina os actos máis tradicionais con música e propostas para todos os públicos”. O delegado territorial da Xunta, Alfonso Villares, participou na presentación das actividades xunto con representantes da asociación cultural C onde Santo, encargada da organización. A Xunta destaca que a representación da Lenda do Conde Santo é “un dos actos máis emblemáticos destes festexos”. O claustro do Mosteiro de San Salvador acollerá a partir das 21,30 horas a tradicional cea, así como os concertos de Pantera Rosa e Grande Osso. Os organizadores animan aos asistentes a acudir ataviados con traxes de época.
Alfonso Villares puxo en valor o “carácter singular...
leer más
A cuarta edición da Concentración de Camións en Lourenzá celebrarase este sábado, día 29 de agosto.
A partir das 08:00 horas concentraranse os vehículos no recinto feiral de Vilanova e ás 12:00 horas comezará a ruta polo val de Lourenzá. Tamén haberá sesión vermú e comida. Durante a tarde sortearanse agasallos.
Vilanova de Lourenzá prepárase para vivir as súas festas patronais do Conde Santo, que se celebrarán do xoves 27 ao luns 31 de agosto. As actividades comezarán este xoves, 27 de agosto, con actuacións do Mago Antón ás 13:30, 18:30 e 20:00 horas na praza César Chavarría. E ás 21:00 horas no claustro terá lugar o pregón das festas a cargo de Pepe de Garrafín.
O venres 28 haberá o Día da Bicicleta con saída ás 17:00 horas desde a praza do Conde Santo cara á Cazolga. Ás 20:00 no Cantón terá lugar o espectáculo Solpores de circo, unha gala para público familiar con pallaso, maxia, malabares, acrobacias aéreas e outros números circenses, con entrada de balde ata completar aforo. E ás 21:30 horas comezará no Mosteiro de San Salvador a cea Lenda do Conde, coa música de Pantera Rosa e Grande Osso.
O sábado 29 ás...
leer más
Este xoves, día 27 de agosto, dentro do programa Verán na Praza, volve a Lourenzá o Mago Antón, que chegará coa súa xira 50, coa que celebra os seus cincuenta anos de carreira artística. Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo.
A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Lourenzá converterase entre os días 20 e 26 de agosto nun punto de encontro para persoas interesadas na danza, o movemento e o contact improvisación coa celebración do X Festival Internacional de Contact Improvisación, unha proposta cultural que chega por primeira vez á localidade para achegar ao público unha disciplina baseada na improvisación, o contacto corporal, a escoita e o movemento compartido, anuncia a alcaldesa, Rocío López García.
O festival está organizado por Asturias Contact Festival e Almaiara Project, promovido pola Asociación Oficina Galega de Outros Asuntos do Movemento, de Marina Ural e Uxía Pedreira, e conta coa colaboración do Concello de Lourenzá. A cita reunirá participantes procedentes de diferentes puntos da xeografía española, entre eles Galicia, Valencia, León, Asturias, Valladolid, Madrid, Barcelona ou Euskadi,...
leer más
O programa Verán na Praza, impulsado polo Concello de Lourenzá, continúa esta semana cunha nova proposta “pensada para gozar do verán, facer actividade física e compartir un bo momento en comunidade”. Este mércores, día 19 de agosto, ás 20:00 horas, a Praza do Conde Santo acollerá unha sesión de zumba ao aire libre, “unha actividade dinámica e divertida aberta a todos os públicos”, anuncia a alcaldesa, Rocío López García.
O Concello de Lourenzá explica que “baixo o lema Baila, desfruta e sente a enerxía!, a proposta combina música, movemento e exercicio físico nun ambiente ao aire libre, convidando á veciñanza e ás persoas que visitan o municipio a participar e desfrutar dunha tarde diferente. Non é necesario ter experiencia previa: a actividade está pensada para todos os públicos e permite participar ao ritmo de cada persoa”....
leer más
O Concello de Lourenzá anuncia a creación no municipio dunha asociación de mulleres rurais: “compartimos con moita ilusión a presentación da Asociación de Mulleres Rurais de Lourenzá, unha nova iniciativa que nace coa vontade de crear un espazo de encontro, participación e comunidade para as mulleres da nosa vila”.
A alcaldesa de Lourenzá, Rocío López García, explica que “a asociación propón un amplo programa de actividades para compartir experiencias, aprender, desfrutar do tempo libre e fortalecer os lazos entre veciñas, con propostas como: arranxos florais, memoria e benestar, cociña e repostería, merendas e encontros, bingo e xogos, charlas de interese, excursións e saídas, rutas e cultura, e moitas máis ideas que irán xurdindo entre todas”. E destaca que é “unha magnífica nova para Lourenzá, que contribúe a seguir fortalecendo o noso...
leer más
A programación do Verán na Praza continúa este venres, día 14 de agosto, cunha proposta pensada para gozar do verán, da piscina e da música: a Festa na Piscina Party, organizada pola Asociación Conde Santo, coa colaboración do Concello de Lourenzá.
A actividade desenvolverase na piscina municipal de Lourenzá, que contará cun horario especial de 15:00 a 23:00 horas. Entre as 17:00 e as 20:00 horas haberá inchables acuáticos e animación, “convertendo a piscina nun espazo de diversión para todas as idades”, anuncia a alcaldesa, Rocío López García, que engade “a festa contará tamén con comida e bebida durante todo o día e a partir das 00:00 horas a música dos DJ’s poñerá o broche final á xornada”.
Desde o Concello de Lourenzá agradecen “unha vez máis á Asociación Conde Santo a súa implicación e compromiso coa...
leer más
O programa Verán na Praza continúa coa súa programación cultural cunha nova proposta vinculada á historia e ao patrimonio local. Nesta ocasión, a Asociación Patrimonio Laurentino organiza a presentación do libro titulado Lope Sánchez de Moscoso, un vizconde no tempo de Enrique IV de Castela. Estudo histórico, análise e colección de documentos, do investigador e autor Manuel Canosa Trillo. A presentación terá lugar este sábado, día 15 de agosto, ás 19:30 horas no Salón de Actos do Concello de Lourenzá, e “permitirá achegar ao público unha obra que afonda na figura de Lope Sánchez de Moscoso e no contexto histórico no que desenvolveu a súa actividade, contribuíndo así a coñecer mellor a nosa historia e o noso patrimonio”, explica a alcaldesa de Lourenzá, Rocío López García.
Desde o Concello de Lourenzá agradecen especialmente á...
leer más
O grupo Uganda Sticks e os Grandes Tambores de Ruanda ofrecerá a súa única actuación na Mariña este xoves, día 13 de agosto, en Lourenzá. Será ás 20:30 horas no Claustro do Mosteiro, pero en caso de choiva trasladarase ao Multiusos Ponte de Cuñas, no recinto feiral.
O Concello de Lourenzá explica que será unha “festa africana con viño, bebidas e pinchos. Auténtica danza e percusión e única actuación na Mariña”.
O prezo da entrada é de 15 euros e véndense anticipadamente en Cabaleiros Xardín, Bar Aturuxo (Lourenzá), Bar Rincón (Mondoñedo) e na web www.giglon.com e unha hora antes do espectáculo.
O Concello de Lourenzá destaca que é unha “actuación solidaria a beneficio da ONG Música para salvar vidas, orfanato de Uganda. Un proyecto de ayuda a niños y...
leer más