Lourenzá
O Concello de Lourenzá activa un dispositivo especial de tráfico con motivo da 34ª Festa da Faba, que se celebra esta fin de semana, desde o venres 2 ata o domingo 4 de outubro.
É “unha das citas máis importantes do calendario festivo e gastronómico do municipio”, destaca o Concello, que engade: “o dispositivo foi elaborado e coordinado coa Garda Civil e Protección Civil, co obxectivo de garantir a seguridade durante o desenvolvemento das distintas actividades previstas e, ao mesmo tempo, facilitar a circulación e o acceso das persoas que se acheguen a Lourenzá durante estes días”.
A alcaldesa de Lourenzá, Rocío López García, explica que “entre as novidades deste ano destaca a modificación do percorrido previsto para os vehículos clásicos e o tren turístico, que circularán pola rúa Montero Villegas, Praza Linares...
leer másAs motos e coches clásicos volven a Lourenzá pola Festa da Faba esta fin de semana, 3 e 4 de outubro
A Vicepresidencia da Deputación de Lugo anuncia que colabora un ano máis coa organización deste evento, que se “afianzou no programa da festa gastronómica laurentina contribuíndo a dinamizar as rúas da vila coa presenza de ducias de coches e motos antigas chegadas desde distintos puntos de Galiza”. O deputado provincial Daniel García participou na presentación do Vespafaba & Clásicos Lourenzá, que se celebra esta fin de semana -3 e 4 de outubro- no marco da Festa da Faba. No acto, no que tamén participaron a alcaldesa, Rocío López; e Antonio Irimia e Borja Torrente, do club Vespafaba & Clásicos Lourenzá LU; Daniel García destacou a traxectoria da organización, que integrou as motos e os clásicos entre as imaxes icónicas da Festa da Faba” e destacou “a importancia de que os colectivos da vila sumen á programación dun evento que promociona a Faba de...
leer másA XXXIV Festa da Faba de Lourenzá celebrarase do 2 ao 4 de outubro e será pregoada por José Cuadrado
A XXXIV Festa da Faba de Lourenzá celebrarase do 2 ao 4 de outubro e será pregoada por José Cuadrado, presidente da Indicación Xeográfica Protexida (IXP) Faba de Lourenzá. Será o sábado 3 ás 12:00 horas.
Pero as actividades xa comezarán o venres: ás 20:00 horas haberá unha cata de viño comentada a cargo da adega Triay (D.O. Monterrei) no claustro do mosteiro; e desde ás 21:00 horas, verbena coa actuación de Toxo Guayaba e The Sound Project, no Campo dos bolos.
O sábado ás 11:00 horas será a apertura da XXXIV Festa da Faba, coas casetas de fabeiros na Praza do Conde Santo; stand Institucional do Concello de Antas de Ulla; demostración e exposición de artesáns e alimentación, en prazas e rúas da vila; inicio da XII Vespa Faba e Clásicos, na rúa Femández del Riego; e pasacalles coa Rondalla Mugardesa. Despois haberá...
leer más
A Asociación de Mulleres Rurais de Lourenzá ten as inscricións abertas ata o día 25 de setembro para unha viaxe á Televisión de Galicia (TVG) que farán o mércores 7 de outubro para asistir como público aos programas En compañía de Loli e A voltas co prato.
Anuncian que será “un día diferente para compartir, aprender e, sobre todo, pasalo ben xuntas!.
O prezo desta actividade é de 5 euros e as prazas están limitadas a 30 persoas.
O Concello de Lourenzá organiza unha festa para celebrar o remate do programa Verán na Praza. Será este venres, día 18 de setembro, ás 17:00 horas na Praza do Conde Santo.
A alcaldesa de Lourenzá, Rocío López, anuncia que “haberá Festa Holi, con cor música e moita diversión; merenda para tod@s, entrega de diplomas e moitas sorpresas e momentos especiais”.
O Concello de Lourenzá recomenda aos asistentes que leven roupa clara que se poida manchar e protección para os ollos. “E se tes 5 ou máis selos no teu pasaporte do Verán na Praza, non esquezas traelo: recibirás un agasallo sorpresa!”, destaca.
A rexedora municipal salienta “o éxito desta primeira edición do programa Verán na Praza, xa que as actividades contaron con moitos asistentes” e agradece a colaboración das asociacións que “...
leer másPresentado o cartel da XXXIV Festa da Faba de Lourenzá, unha creación do laurentino Chis Piña Balboa
Xa está presentado o cartel da XXXIV Festa da Faba de Lourenzá, “unha das citas máis destacadas do calendario festivo e gastronómico da localidade, que este ano conta cunha autoría especialmente ligada ao territorio: a do artista laurentino Francisco Piña Balboa, coñecido como Chis”, anuncia o Concello.
O acto de presentación contou coa presenza do propio autor, acompañado pola alcaldesa, Rocío López, e o concelleiro de Cultura, Manuel Arango, que puxeron en valor a elección dun creador local para dar imaxe a unha celebración tan representativa: “a elección de Chis Piña Balboa como autor do cartel supón un recoñecemento ao talento, á creatividade e á capacidade dos artistas da propia localidade, apostando por dar visibilidade ao traballo feito desde aquí. Ao mesmo tempo permite que a Festa da Faba estea este ano representada a través da...
leer más
O Concello de Lourenzá publica as bases para participar no VIII Certame de Teatro Afeccionado. As representacións dos grupos que sexan elixidos desenvolveranse durante o mes de novembro no edificio multiusos Ponte de Cuñas.
Nas bases explícase que “o Concello de Lourenzá, consciente do interese que o teatro esperta entre os laurentin@s e ao obxecto de incentivar a participación dos grupos no VIII Certame de Teatro Afeccionado Concello de Lourenzá 2026, establece as bases reguladoras para a participación no mencionado certame e os premios que se outorgarán”.
No documento tamén se indica que “poderán participar unicamente compañías ou grupos de teatro afeccionado e que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas...
leer más
A parroquia de San Adriano, no municipio de Lourenzá celebra as festas na honra a Santa Filomena desde este venres, día 4 de setembro, ata o domingo 6.
As actividades comezarán o venres a partir das 21:30 horas con pulpada e churrascada e verbena a cargo das orquestras Principal e Saudade.
O sábado celebrarase misa solemne ás 13:30 horas e despois haberá sesión vermú coa orquestra Magos, que tamén amenizará a verbena xunto á Trébol.
E o domingo celebrarase misa solemne ás 13:30 horas e a continuación haberá sesión vermú a cargo do grupo de baile da asociación cultural Osorio Gutiérrez, de Lourenzá, e da orquestra Pontevedra, que tamén actuará na verbena xunto ao dúo Epo-K.
A organización destaca que o campo da festa estará cuberto por unha gran carpa.
A Xunta de Galicia anuncia que colabora coas festas do Conde Santo, de Lourenzá, que se desenvolverán desde este xoves, 27 de agosto, ata o próximo luns, 31 de agosto, cunha programación que “combina os actos máis tradicionais con música e propostas para todos os públicos”. O delegado territorial da Xunta, Alfonso Villares, participou na presentación das actividades xunto con representantes da asociación cultural C onde Santo, encargada da organización. A Xunta destaca que a representación da Lenda do Conde Santo é “un dos actos máis emblemáticos destes festexos”. O claustro do Mosteiro de San Salvador acollerá a partir das 21,30 horas a tradicional cea, así como os concertos de Pantera Rosa e Grande Osso. Os organizadores animan aos asistentes a acudir ataviados con traxes de época.
Alfonso Villares puxo en valor o “carácter singular...
leer más
A cuarta edición da Concentración de Camións en Lourenzá celebrarase este sábado, día 29 de agosto.
A partir das 08:00 horas concentraranse os vehículos no recinto feiral de Vilanova e ás 12:00 horas comezará a ruta polo val de Lourenzá. Tamén haberá sesión vermú e comida. Durante a tarde sortearanse agasallos.