Actividades
O Concello de Ribadeo, coa colaboración da Xunta de Galicia, Acisa e a Asociación Provincial de Cociñeiros de Lugo impulsa o proxecto Gastropraza, unha iniciativa de dinamización da Praza de Abastos que busca poñer en valor o produto local, a hostalaría e o comercio de proximidade a través dun completo programa de actividades gastronómicas, educativas e divulgativas. A primeira delas será este sábado, 18 de abril, a partir das 12:00 horas. O protagonista será o tofu natural.
A iniciativa, que naceu hai un ano, terá continuidade ao longo dos vindeiros meses, convertendo a Praza de Abastos nun espazo vivo de encontro, aprendizaxe e degustación, onde se levarán cabo actividades para estudantes, degustacións e obradoiros onde se poderán aprender e poñer en práctica estilos e receitas de cociña centradas no produto de proximidade e de calidade...
leer más
A UNED de Foz inclúe na súa programación para o vindeiro mes de abril oito actividades: sete cursos e a presentación dun libro.
A Aula da UNED de Foz presenta a súa programación de actividades para o mes de abril, cunha “oferta formativa diversa que abrangue ámbitos como a eficiencia enerxética, o desenvolvemento sostible, a preparación de oposicións, o benestar físico, a comunicación ou a educación”.
A programación comezará co curso Eficiencia enerxética no ámbito laboral, que se desenvolverá do 8 ao 29 de abril, en horario de 17:00 a 19:30 horas, en modalidade online. Do 13 ao 16 de abril terá lugar o curso sobre o Estatuto de Autonomía para opositores, en horario de 15:45 a 19:45 horas. “Entre as propostas máis destacadas tamén se atopa o curso Reconectar para Conectar: o poder da...
leer más
O Concello de Burela presenta unha nova edición de Pascua con Gaia, un programa de actividades para a infancia e as familias que se desenvolverá os días 31 de marzo e 1 de abril en distintos espazos do municipio.
O martes 31 de marzo ás 11:30 horas no Parque Rosalía de Castro terá lugar unha busca de ovos de Pascua, “pensada para a cativada e que promove o xogo ao aire libre e o contacto coa contorna natural”.
O mércores 1 de abril, ás 11:00 horas, a Casa da Cultura acollerá o obradoiro Crea a túa mona de Pascua de feltro, dirixido a persoas adultas ou a nenos e nenas acompañados, fomentando a creatividade mediante materiais e actividades manuais. A participación nesta actividade require inscrición previa no correo electrónico gaia@burela.org ou no teléfono...
leer más
O Concello de Burela presenta a súa programación de actividades culturais e turísticas con motivo da Semana Santa deste ano que inclúe rutas xeolóxicas e visitas guiadas ao patrimonio histórico e natural do municipio.
Os días 2, 3 e 4 de abril concentrarán o maior número de propostas. “Como novidade este ano, o venres 3 de abril ás 16:30 horas terá lugar unha visita guiada gratuíta ao Molde do Faro. Durante a actividade, as persoas asistentes poderán coñecer a historia da baliza de Pena Burela e acceder ao interior do molde para contemplar a obra artística realizada por David Catá. Para asistir é necesario facer unha reserva previa na oficina de turismo”, anuncia o Concello de Burela, que engade: “as rutas xeolóxicas, xa consolidadas na programación turística do municipio, volverán ofrecer dúas propostas guiadas e interpretadas por unha...
leer más
A área de Rural da Vicepresidencia da Deputación de Lugo bota a andar a quinta edición do programa Da Escola á Granxa, que promove actividades educativas en granxas, producións agrarias e proxectos de emprendemento no rural. As asociacións de nais e pais de centros de infantil e primaria poden solicitar ata vindeiro 15 de abril a participación no programa, que ofrece subvencións -entre 300 e 1.100 euros- para financiar o desprazamento e o desenvolvemento das actividades recollidas no catálogo do programa, integrada por 45 granxas e proxectos agroalimentarios repartidos por toda a provincia.
A Vicepresidencia da Deputación explica que “Da Escola á Granxa ampliou e diversificou un ano máis a súa proposta educativa coa incorporación de 7 granxas novas respecto á última edición, ofrecendo un catálogo con producións diversas...
leer más
O día 10 de marzo ábrese o prazo de inscrición para participar nas actividades que organiza o Concello de Ribadeo para a rapazada durante a Semana Santa.
O concelleiro de Deportes e Mocidade, Francisco José Silvent, explicou que “haberá Pequemultiaventura de Primavera, tres días para xogar sen parar con xogos superdivertidos, deporte e movemento, obradoiros creativos, etc… serán o 30 e 31 de marzo e o 1 de abril no Ceip Gregorio Sanz para nenas e nenos desde os 4 anos en horario de 10 a 14 horas. Contaremos con servizo de conciliación entre as 8 e as 15 horas”.
O edil ribadense seguiu a relatar que “o verán empeza en abril en Ribadeo. Teremos Activa Mente, corpo e creatividade. Será o adestramento oficial para vivir un verán épico con xogos dinámicos e retos en equipo, deporte e movemento para activar corpo e...
leer más
O Concello de Alfoz conmemorará o 8 de marzo, Día Internacional da Muller, cunha campaña institucional que este ano leva por lema Igualdade real, tamén no rural, unha mensaxe que reivindica “a necesidade de seguir avanzando na igualdade de dereitos e oportunidades para as mulleres tamén nos territorios rurais”.
Con motivo desta data, a Casa do Concello de Alfoz tinguirase de violeta, “como símbolo de apoio e recoñecemento a todas as mulleres e como mostra do compromiso institucional coa igualdade”.
Ademais o Concello de Alfoz publicará a terceira edición da iniciativa Mulleres de Alfoz, unha serie de infografías que poñen en valor a traxectoria e a experiencia vital de mulleres do municipio. “A través destas publicacións preténdese dar visibilidade ao papel fundamental que desempeñan na sociedade...
leer más
O Concello de Foz conmemora o 8M con actividades que se desenvolverán os días 8, 9 e 11 de marzo.
A delegación de Muller e Igualdade do Concello de Foz conmemora o día 8 de marzo, Día Internacional das Mulleres, co lema Agora máis coeducación ca nunca, “apostando por unha convivencia en igualdade de todas as nenas e nenos, independentemente da súa identidade de sexo ou de xénero. Sendo necesario eliminar estereotipos ou calquera mecanismo discriminatorio nos centros educativos, para garantir un desenvolvemento integral e igualitario, fomentando a educación no sexista, o respecto e a prevención da violencia. A pretensión con esta transformación social é crear un cambio social, derivando nunha sociedade máis xusta e pacífica. É un día para a denuncia e a reivindicación por todo o que queda por facer, pero tamén para celebrar os avances acadados”, anuncia a concelleira...
leer más
O Concello de Burela conmemora o 8 de marzo, Día Internacional da Muller, cun programa de actividades “aberto á veciñanza e dirixido a diferentes idades, que combina actos institucionais, propostas culturais e accións educativas ao longo do mes”. Serán os días 8, 12 e 13 de marzo
O acto central terá lugar o domingo 8 de marzo ás 17:30 horas no Parque Rosalía, onde se fará a lectura do Manifesto Institucional. A continuación, desenvolverase a actividade participativa Sementando Igualdade, que segundo explicou a concelleira de Igualdade, Sandra Fernández, “consistirá na plantación de flores lilas como xesto simbólico no parque onde xogan as nosas crianzas, unha maneira de lembrar que o futuro tamén se constrúe educando en igualdade dende os primeiros anos”.
A programación incluirá dúas proxeccións abertas...
leer más
O Concello de Viveiro desenvolverá os días 7 e 13 de marzo unha programación especial con motivo do Día Internacional da Muller. Proporá varias actividades “orientadas á visibilización da historia das mulleres, á convivencia e á reflexión arredor da igualdade”.
A programación comezará este sábado, día 7 de marzo, ás 12.00 horas, na Sala Multiusos do Concello, coa presentación da nova edición do Roteiro en feminino e coa lectura do manifesto do 8M. A continuación terá lugar a actividade Ruta en feminino, un percorrido polas rúas de Viveiro para poñer en valor a historia das mulleres da vila. A ruta contará co acompañamento de Carlos Nuevo Cal, cronista oficial de Viveiro, e desenvolverase en colaboración coa Asociación Mulleres en Igualdade Viveiro e con Antonio Lage Seara. A xornada do 7 de marzo completarase cunha comida...
leer más