Actividades
En Alfoz celebraranse actividades do programa denominado Cultura Pequeniña, dirixido a nen@s de 3 a 12 anos, os sábados 23 e 30 de setembro.
A organización explica que serán dous días “dedicados aos nenos e nenas con obradoiros na Biblioteca e unha proposta cultural de teatro, contacontos, monicreques ou maxia. Para nen@s de 3 a 12 anos, con inscrición previa na biblioteca, onde estarán dispoñibles a solicitudes a partir do 13 de setembro. O tema será o coidado do medio ambiente. O sábado 23 de setembro de 17:00 a 19:00 horas quedamos na Biblioteca para facer arte con materiais reciclados e da natureza no obradoiro ReciclARTE. E ás 19:00 horas no Salón de Actos teremos a representación O galo Quirico e os seus amigos, de Seisdedos, incluída no programa Ler conta moito, da Xunta de Galicia, para público infantil e familiar”.
... leer más
O Concello de Cervo convida a asistir do 21 ao 25 de agosto ás actividades programadas na semana cultural de Airiños do Xunco. Todas elas desenvolveranse na Praza do Souto.
Para comezar o luns 21 de agosto arrinca cun espectáculo circense da man de Lila Star ás 20 horas. Seguidamente, o martes 22 tamén ás oito da tarde o grupo Pakolas ofrecerá un concerto para toda a familia.
O mércores, 23 de agosto, terá lugar unha actividade máis física xa que poderá desfrutarse de inchables dende ás 18 horas. E o xoves 24, celebrarase a festa da auga ás 18 horas.
Para pechar, o venres 25 ás 18 horas ofrecen un concurso co nome “Master Chef Cervo”, ao máis puro estilo do clásico concurso televisivo gastronómico.
Desde o Concello insisten en que non falte ninguén nesta tradicional cita de verán do Cervo.
O Concello de Trabada organiza diferentes eventos para toda a familia durante o mes de agosto dentro da súa programación de verán. Ademais conta coa colaboración da Xunta de Galicia e da Deputación de Lugo.
Por unha banda, terán lugar os Seráns culturais con tres actividades repartidas entre os días 14, 15 e 16 de agosto. Todas elas serán ás 18 horas na Praza do Concello. Tratarase da obra de teatro “Ghop!” da man de Teatro ó Cubo o luns 14 de agosto, Pakolas actuará con “Rockeando con Ramona Pequena” o martes 15 e Uxía Lambona e a banda molona traerá “Un soño é” o mércores 16.
Por outra banda, o sábado 26 de agosto a partir das 11:30 horas haberá actividades fluviais na Ría de Abres.
Un ano máis os máis pequenos de Alfoz teñen o programa de actividades Ludiverán-Xogando en igualdade, que organiza o Concello. É desde o 3 de xullo ata o 25 de agosto de luns a venres laborables para nenos e nenas nados entre 2011 e 2020.
As prazas son limitadas e o prazo de inscrición está aberto ata o 27 de xuño na Oficina de Rexistro do Concello ou a través da Sede Electrónica.
Un verán máis, desde o Concello de Barreiros, poñen en marcha o programa #MoVernosNoVerán2023.
Trátase dun programa que conta con tres propostas distintas, pero combinables entre si e co que sumar actividade física entre a mocidade (maiores de 12 anos) e as persoas adultas.
Son: espalda saudable, que se impartirá os xoves ás oito e media da tarde nos colexios vellos de San Miguel; e os luns ás dez e media da mañá no centro sociocultural San Cosme; ximnasia de mantemento os mércores ás dez e media en San Miguel e os martes á mesma hora en San Cosme; e ioga os luns ás sete e media da tarde en San Miguel e os mércores ás oito e media da tarde en San Cosme.
O xeito para #anotarse vai ser de maneira presencial no Rexistro do Concello de Barreiros desde este luns,19 de xuño, (de 8:30 a 15:30...
leer más
O Concello de Viveiro informa dos cursos deportivos para o próximo verán. Para os adultos ofértase unha ampla variedade de actividades, mentres que a rapazada poderá gozar de cursos de natación.
Dunha banda, os nenos/as nados entre os anos 2009 e 2018 poderán inscribirse nun curso intensivo de iniciación á natación.
Os grupos serán de luns a venres: ás 10:30 horas para nenos e nenas nados entre 2009 e 2015, e ás 11:30 horas os anos 2016, 2017 e 2018. Os cursos serán do 10 ao 28 de xullo ou do 31 de xullo ao 18 de agosto.
Doutra banda, o Concello de Viveiro oferta variadas actividades para adultos durante o mes de xullo. Concretamente, ofértanse actividades de aquagym, intervalos, TRX, ciclo indoor e natación (niveis iniciación, medio e avanzado). Cada actividade ten o seu propio horario,...
leer más
O alcalde de Xove, Demetrio Salgueiro, e a concelleira de Xuventude, Crisitna Iglesias, presentaban hoxe o programa Verán Xove 2023.
As actividades que se van desenvolver darán comezo o día 13 de xuño, con rutas a San Antonio da Rigueira. O prazo para anotarse remata o 12 de xuño. Ademais haberá Encontros para Saúde: Obradoiro de Memoria, dirixido a persoas maiores de 60 anos que se levará a cabo dos días 3 ao 31 de xullo. As inscricións para esta actividade poden facerse entre o 15 e o 28 de xuño.
Tamén se celebrará un Obradoiro Tecnolóxico de Verán sobre informática, dirixido a nen@s de 1º de Primaria ata 4º de ESO, do 4 ao 10 de agosto. As inscricións, ata o 28 de xuño, deben facerse na OMIX.
As actividades deportivas inclúen o programa Móvete no Verán, adicado a nen@s e rapaces...
leer más
Cervo celebra as Letras Galegas con varias actividades os días 17 e 19 de maio.
Mañá, día 17, ás 12 do mediodía na Praza do Souto terá lugar unha lectura da viva e obra de Francisco Fernández del Riego; despois actuará o grupo Cordenaia; e haberá a representación teatral de “Asdomare”, a cargo de Rilo & Penadique. Estas actividades están organizadas por Airiños do Xunto coa colaboración do Concello de Cervo.
Xa pola tarde ás 18:00 horas na Escola de Rúa actuarán os Acordeonistas da Mariña. Organizan: As Espalladoras. Colabora: Concello de Cervo.
E xa o venres, día 19, a Casa da Cultura de San Ciprián acollerá unha charla sobre Del Riego na que participarán Paco Rivas e Bernardo Penabade. Tamén será presentado o poemario “Posdata: Quérote”, de Paco Rivas, seguido dunha lectura...
leer más
Vilanova de Lourenzá acollerá numerosas actividades ata o día 17 deste mes para conmemorar o Día das Letras Galegas dedicado ao laurentino Francisco Fernández del Riego. Este programa de actos está organizado polo Concello e a Mesa Coordinadora Don Paco.
Este venres, día 5, terá lugar a entrega ao colexio Juan Rey do primeiro premio do concurso de carteis convocado pola Secretaria Xeral de Política Lingüística.
O sábado 6 presentarase o libro Francisco Fernández del Riego, lembranzas e reflexións, escrito por Héitor Mera, José Luis Abalo e Xan Leira. Será no centro social de San Xurxo ás 19:00 horas.
Para o día 7, domingo, está programada a andaina Cosme Barreiros-Salvador Lorenzana. A saída será desde Vilamartín Grande ás 10:00 horas e a recepción no Concello de Lourenzá está prevista...
leer más
As Concellarías de Igualdade, Ensino e Mocidade organizan actividades de verán para a rapazada. Trátase de campamentos urbanos, Aventura en Igualdade e o III Orienta Ribadeo.
A concelleira de Igualdade, Mónica Freire, e máis o concelleiro de Mocidade, David Rivas, comentaron que “a programación de verán é unha iniciativa para que a mocidade ribadense empregue o seu tempo libre estival participando en actividades de educación non formal de carácter lúdico, cultural, deportivo, formativo, etc, e un recurso de conciliación da vida familiar e laboral”.
Freire Rancaño sinalou que “mantemos os campamentos urbanos durante o mes de xullo, Orienta Ribadeo no mes de setembro e como novidade recuperamos a oferta de anos anteriores, ofrecendo fóra do municipio, o campamento Aventura en Igualdade, dirixido a rapaces e...
leer más