Cervo
O Ciclo de Teatro Afeccionado da Vicepresidencia da Deputación de Lugo, levará novas obras aos concellos de Trabada, Cervo e O Vicedo os días 7 e 8 de novembro.
O grupo teatral do Colectivo Cultural Ollomao representará a obra titulada Dona Clara este sábado, día 7 de novembro, ás 21 horas na Casa da Cultura de Trabada. É para público adulto e a sinopse é a seguinte: “esta obra trata do regreso da multimillonaria Clara Zahanassian á vila da súa infancia, na que os seus veciños viven pobremente e están endebedados, a diferenza das vilas da contorna que si progresaron. Clara parece mostrarse xenerosa e ofrece mil millóns ao seu pobo natal para que solucione os seus problemas, pero cunha condición difícil de cumprir. Clara Zahanassian (o apelido é una combinación de Zacharoff, Onassis e Gulbenkian) non representa a xustiza, nin o...
leer más
O Concello de Cervo anuncia que “volven os encontros de Arruguiñas Charlando. O vindeiro venres, 30 de outubro, ás 18:00 horas celebramos a primeira charla da nova tempada do Programa Integral de Envellecemento Activo Municipal. Nesta ocasión, abordaremos un tema de grande interese: Diagnóstico e manexo das enfermidades neurodexenerativas. A sesión estará impartida por Diego Santos García, neurólogo e presidente da Fundación Degén, quen afondará no coñecemento destas enfermidades, no seu diagnóstico e nas claves para afrontar o seu manexo”. Será no Local Social da Asociación Terramar (Casa do Mar).
“Unha actividade aberta á poboación en xeral, pensada para compartir coñecementos, resolver dúbidas e seguir apostando pola información e o benestar das persoas”, explica o Concello de Cervo, que engade: “esta actividade conta coa...
leer más
O Concello de Cervo anuncia que os días 30 e 31 de outubro, venres e sábado desta semana, haberá actividades para celebrar o Samaín en Cervo e San Ciprián.
“Cervo prepárase para vivir un Samaín de medo! Este venres e sábado temos unha fin de semana chea de diversión, sustos e moita maxia en Cervo!”, comenta o Concello, que especifica: o venres 30 de outubro ás 17:30 horas nas Escolas Vellas de Cervo haberá festa con taller de Samaín e a actuación infantil Latexos, de K’Paparota. É unha actividade organizada por Airiños do Xunco coa colaboración do Concello de Cervo. E o sábado 31 ás 17:30 horas na Casa do Mar de San Ciprián terá lugar un espectáculo infantil con baile, pintacaras e chocolate con churros “para gozar dunha tarde terrorificamente divertida”.
“Animádevos a vir disfrazados coas vosas...
leer más
O Concello de Cervo anima á veciñanza a participar no II Magosto Musical, “unha cita festiva que combina música tradicional, gastronomía e convivencia veciñal” e que terá lugar este sábado, 24 de outubro, a partir das 18:00 horas, no pavillón de San Román.
A cita está organizada pola asociación Fol do Raxal, coa colaboración do Concello de Cervo e da Comunidade de Montes Veciñais de San Román de Vilaestrofe.
A xornada contará coas actuacións de Caxoto Contacontos, Pandeireteiras da Sementeira, O Arco da Vella e Fol do Raxal. Ademais as persoas asistentes poderán gozar de comida, bebida e castañas de balde, anuncia o Concello de Cervo, que engade: ao rematar as actuacións a festa continuará cunha foliada libre, aberta á participación de todas as persoas que queiran sumarse e compartir a música e a tradición.
... leer más
A Casa da Cultura acolleu a inauguración da exposición de pintura titulada Arte neofuturista, do artista Xosé López Losada, coñecido como Xolo, nun acto “cargado de emoción no que a cor e a creatividade se converteron nas grandes protagonistas”, explica o Concello de Cervo.
A alcaldesa, Dolores García Caramés, e a concelleira de Servizos Sociais, Pilar Armada, estiveron presentes nesta inauguración, acompañando o artista, respaldado por varios dos seus compañeiros e compañeiras da asociación Saúde Mental A Mariña. “Un dos momentos máis especiais da xornada chegou cando o artista agasallou a alcaldesa con dúas das súas obras, nun xesto cheo de afecto que engadiu aínda máis emoción a esta inauguración”, engade o Concello de Cervo e a alcaldesa agradeceu a Xolo que “quixese compartir con todos nós o seu talento e a súa obra”,...
leer más
O Concello de Cervo colabora co Club Xadrez San Roque, de Viveiro, na organización de clases de xadrez que se desenvolverán os mércores, de 16:45 a 18:00 horas, na Casa do Mar.
A presentación da actividade correu a cargo da alcaldesa, Dolores García Caramés, acompañada por Aitor López, presidente do Club Xadrez San Roque e mestre desta disciplina, que será o encargado de dirixir as clases.
O Concello de Cervo explica que esta iniciativa “ofrece ás nenas e nenos do municipio a oportunidade de achegarse ao xadrez, aprender e mellorar as súas habilidades nunha actividade que fomenta a concentración, a memoria, a paciencia, o razoamento lóxico e a toma de decisións”.
A alcaldesa, Dolores García Caramés, destacou a importancia de apoiar propostas deportivas e de lecer dirixidas á infancia e á...
leer más
O Concello de Cervo organiza para o luns 19 de outubro unha andaina popular polo Día Mundial Contra o Cancro de Mama. A saída será ás 17:30 horas desde o peirao de San Ciprián.
Ademais os edificios municipais iluminaranse de cor rosa “para sensibilizar á poboación sobre a importancia da detección precoz, para mellorar o prognóstico e a supervivencia das pacientes que padecen esta enfermidade”, explica o Concello de Cervo.
O Concello de Cervo anuncia que este xoves, día 15 de outubro, a hostalería de San Ciprián “volve poñerse en modo tapeo coa iniciativa Sanci Tapeando, unha proposta que ofrece cada xoves unha oportunidade para gozar da gastronomía local a un prezo accesible e nun ambiente de proximidade”.
A iniciativa, que conta coa colaboración do Concello de Cervo, reúne aos establecementos Cervecería A Penúltima, Cervecería Las Titas, Bar Maruxaina, Bar O Faro, Terraza O Noso Lar, Bodega De Ana e Bar La Habana. Todos os xoves cada local ofrece unha tapa diferente e elaborada, ao prezo único de 3 euros. Ademais as persoas que participen na ruta gastronómica poderán optar ao sorteo mensual presencial, que irá rotando polos 7 locais participantes, explica o Concello de Cervo.
As persoas interesadas poden seguir semana a semana...
leer más
O Concello de Cervo colabora na organización da xornada divulgativa titulada Entre o mar e o abismo, organizada polo Espeleoclube Villaamil e Castro e Pozo Azul Project, que se desenvolverá este domingo, 11 de outubro, na Sala Cultural Xosé Vizoso, no edificio das Carboeiras, en Sargadelos, cun programa de dúas conferencias abertas ao público.
Na presentación da iniciativa participaron a alcaldesa de Cervo, Dolores García Caramés, e Gonzalo Villarmea, en representación do Espeleoclube, que destacaron “a relevancia desta proposta para achegar á veciñanza o coñecemento do patrimonio natural e das exploracións subterráneas, tanto na costa da Mariña como noutros lugares de referencia internacional”.
A xornada comezará ás 18:00 horas coa conferencia As Furnas da Costa da Mariña, a cargo de Xurxo...
leer más
A parroquia de San Román de Vilaestrofe celebrará os vindeiros días 11 e 12 de outubro, domingo e luns, as súas festas na honra á Virxe do Pilar e á Virxe do Carme, cun programa que “combina tradición, actos relixiosos e música para desfrutar destas xornadas festivas”, anuncia o Concello de Cervo.
O programa foi presentado pola alcaldesa de Cervo, Dolores García Caramés; o concelleiro de Zona Rural, Adrián Arias; e representantes da comisión organizadora, a Comunidade de Montes de Vilaestrofe.
As celebracións arrancarán o domingo, 11 de outubro, ás 13:00 horas, cunha misa solemne na honra á Virxe do Carme, cantada polo Coro Parroquial de Cervo. A continuación terá lugar a sesión vermú co grupo Fénix. Xa pola noite, a partir das 22:30 horas o Pavillón de Deportes de San Román de Vilaestrofe acollerá unha verbena...
leer más