San Ciprián

04/01/2023

Os Reis Magos farán mañá unha parada no camiño para ver aos /ás nenos/as do concello de Cervo.
 
Cabalgata de San Ciprián: partirá ás 17:30 horas do Pavillón da Veiga, e ao remate do percorrido pola vila haberá recepción Real no Auditorio da Casa da Cultura.
 
Cabalgata de Cervo: ás 19:30 horas, con saída da Casa do Concello (NON DAS ESCOLAS VELLAS, COMO ERA HABITUAL) ata a carpa da Praza do Souto, onde haberá recepción Real; organiza Airiños do Xunco coa colaboración do Concello.
 
A continuación haberá a actuación do pallaso Popín e  cantos de Nadal con Cordenaia Cantareiras

 

Etiquetas:
25/12/2022

Tres anos despois regresa o Callo Fest, organizado por Amigos da Troula en colaboración co Concello de Cervo e Seiramar. O festival celébrase o último venres do ano dende 2017 co fin de despedir o ano ao ritmo de rock.

Os concertos comezarán as 19:00H na carpa instalada na Praza dos Campos de San Ciprián e rematarán ben entrada a noite co reparto de callos para todos os alí presentes.

O cartel deste ano esta formado polo grupo galego Broken Peach, que ofrece un toque persoal ás típicas versións de rock, funky, gospel e pop, fusionando música e espectáculos extravagantes e Mileth, unha banda que xorde na Mariña Lucense co obxetivo de combinar folk e pagan metal nacido das raíces máis fondas do folclore e do enxebrismo galegos.

Contarase tamén con Mi rollo es el rock, un clásico da comarca...

leer más
10/11/2022

Cervo protagoniza a nova campaña de lotería de Nadal que se presentou este mesmo xoves e que se compón de tres historias, unha delas rodada neste municipio.

Baixo título “Tres Orquídeas” o anuncio que se emite desde hoxe mesmo, conta unha fermosa historia chea de xenerosidade que xira en torno ao Faro de San Ciprián. 

A gravación levouse a cabo durante a fin de semana do 22 e 23 de outubro e entre as localizacións escollidas están o Faro da Atalaia, o Bar Aquelarre ou Efectos Navais Rubio.

Tal e como precisou Villares, “é un orgullo que o noso municipio fose o escollido para rodar un dos anuncios máis agardados do ano”. Desde o Concello tentamos facilitar na medida do posible a rodaxe –precisou- porque entendemos que é unha oportunidade protagonizar o spot por excelencia do ano.

... leer más
30/10/2022

No marco do ciclo de Concertos do Xacobeo, chegan a Cervo Tanxugueiras o 4 de novembro e Roi Casal o 5 de novembro.

O concerto de Tanxugueiras, que tivera que aprazarse por mor do mal tempo hai semanas, dará comezo ás 20.00 horas na Praza dos Campos, en San Ciprián. Será o vindeiro venres, 4 de novembro.

E  no mesmo escenario, na Praza dos Campos, actuará Roi Casal ao día seguinte, o 5 de novembro, a partir das nove da noite.

A entrada para ambos concertos é libre. Desde o Concello de Cervo animan a asistir: “non podedes perdervos esta gran homenaxe á Cultura Galega”.

Etiquetas:
06/10/2022

En cinco establecementos hostaleiros de San Ciprián (Bar Aquelarre, Mesón A Bodega, Pizzería Las Titas, Terraza O Noso Lar e Bar O Faro) desenvólvese a ruta de tapas SanciTapeando todos os xoves desde o 6 de outubro ata o 15 de decembro. O prezo por tapa é de 2,50 euros.

Entre os participantes na ruta sortearanse dous premios: vales de 200 e de 100 euros para gastar nos locais participantes.

Este evento gastronómico organízase coa colaboración do Concello de Cervo. 

 

25/08/2022

O Concello de Cervo e o C.D. San Ciprián organizan a !ª Carreira Popular Península da Paz que terá lugar o domingo 4 de setembro en San Ciprián, coa colaboración da Xunta de Galicia.

A cita deportiva foi presentada na pista de atletismo da Veiga –de onde partirá a carreira- polo rexedor, Alfonso Villares, o edil de Deportes e a concelleira de Cultura, David Rodríguez e Dolores García Caramés, respectivamente, polo xefe do servizo provincial de Deportes, Manuel Otero, e en representación do C.D. San Ciprián, por Olga Vicente, que dirixe a sección de atletismo do club, e pola directiva Cristina Barreira.

A proba infantil será ás 11:00 horas e o percorrido de 5.500 metros será íntegro na pista de atletismo. Pola súa banda, a proba absoluta partirá ás 12:00 horas da mesma pista e discorrerá por todo o perímetro...

leer más
11/08/2022

En San Cipirán celebrarase o 13 de agosto a Maruxaina, unha festa declarada de interese turístico galego que está baseada nunha antiga lenda protagonizada pola Maruxaina.

O sábado terán lugar os actos principais, pero xa o venres, 12 de agosto, se poderá desfrutar da festividade. Comezará as 19:00 horas co gran chupinazo na prazoleta, ao quel sigue a concentración de Maruxain@s onde haberá unha degustación de empanadas galegas e bolos preñaos. O último do día será as o nomeamento d@ Maruxain@ de honra, a cargo da Asociación Amigos da Maruxaina, ás 21:00 horas.

O 13 de agosto tamén comezará co gran chupinazo, haberá un pasarrúas con charangas e gaiteiros, seguido dunha xuntanza na Prazoleta as 12:00 horas para comezar un paseo pola vila, amenizado por as charangas Os Atrevidos, Santa Compaña, TNT e Rolling Band...

leer más
Etiquetas:
07/08/2022

Do 8 ao 29 de agosto pódese visitar na Casa da Cultura en San Ciprián unha mostra pictórica de Blanca Dacal. Denomínase Luz de Balea. 

Podéra visitarse de luns a venres en horario de mañá de 9:00 a 14:30 horas, pero fóra deste horario poderase concertar unha cita para visitala no teléfono 659 05 36 35 (Blanca Dacal)

Trátase dunha homenaxe que lle fai a artista á balea, un animal fascinante moi vencellado á historia de San Ciprián!

En palabras de Blanca Dacal: “Con Luz da Balea pretendo rescatar a presenza das baleas da memoria colectiva, así como o vínculo coa iluminación do faro noutros tempos, e surcar xunto a elas os océanos no sono do máis profundo da imaxinación”.

 

06/08/2022

Desde este domingo e ata o mércores, 10 de agosto, na praza dos Campos en San Ciprián haberá tobogáns acuáticos con entrada de balde. 

Os tobogáns selva acuática e X-treme estarán abertos de 16:30 a 20:00 horas, agás o mércores que tamén funcionarán en horario de mañá. Para gozar desta proposta inscriben no mesmo lugar no que se atopan instalados. 

 

03/08/2022

O Desfile de Entroido de Verán terá lugar este venres, 5 de agosto, en San Ciprián, da man da asociación Amigos da Maruxaina, coa colaboración do Concello de Cervo.
 
A saída do desfile está prevista desde a Casa do Mar, ás 20:00 horas. Haberá premios en distintas categorías e ao remate terá lugar unha sesión disco da man de DJ OVO na Praza dos Campos.
 
As persoas interesadas en participar poden anotarse ata mañá xoves na Casa da Cultura en horario de mañá.