San Ciprián
Desde o Concello de Cervo explican que “desde este próximo domingo, 14 de maio, teremos nova exposición na Casa da Cultura. A artista Laura Doldán (Lume da Luma) compartirá a súa arte, a través dunha vintena de obras pintadas en acuarela inspiradas en San Ciprián e a súa conexión mariñeira”.
A apertura de portas está prevista para o domingo, ás 12:00 horas, e poderase visitar ata o 16 de xuño.
Os días 14 e 28 de maio, e o 11 de xuño, a artista realizará arte en vivo para as persoas asistentes.
Este próximo sábado, 22 de abril, Roi Casal, estreará a súa nova xira #AmbosMundos no municipio de Cervo.
Será cun concerto gratuíto na Praza dos Campos, de San Ciprián, que dará comezo ás 22:30 horas.
O Concello de Cervo acollerá o vindeiro sábado 8 de abril a Gran Festa das Xeracións, organizada polo club de trail local A Fume de Carozo, creado a principios deste ano, coa colaboración do Concello de Cervo.
A cita, que terá lugar na carpa instalada na Praza dos Campos, en San Ciprián, foi presentada polo rexedor, Alfonso Villares, pola edil de Cultura, Dolores García Caramés, e polos membros de A Fume de Carozo, Pepín, Beto e Alejandra.
A Fume de Carozo creouse como club en xaneiro deste ano, formado por un grupo de amigos aos que os une a paixón polo deporte ao aire libre, co obxectivo de “desfrutar xuntos da natureza pero tamén de compartir experiencia e pasar bos anacos entre amigos”, precisan. Así xurdiu esta Festa das Xeracións -apuntan-, como un complemento ás xuntanzas deportivas “coa intención de...
leer más
San Ciprián acollerá o sábado 1 de abril a VII Foliada Nordestía cun programa completo e variado pensado para todos os públicos, que se desenvolverá na carpa instalada na Praza dos Campos.
A cita, que non se celebraba desde o 2019, estáorganizada por A Rebolaxecoacolaboración económica e de material, do Concello de Cervo.
O rexedor Alfonso Villares, a edil de Cultura, Dolores García Caramés, e membros da asociación organizadora A Rebolaxe, presentaron o evento que encherá de vida e moita música San Ciprián durante todo o día.
O programa arrinca ás 12:00 horas con Cantos de Taberna polos diferentes locais de hostalería, ás 15:00 horas está previsto un xantar popular e xa pola tarde haberá xogos e animación infantil a cargo de Miudiño, e un obradoiro de baile, ás 19:00 horas.
... leer más
A XXX edición da Festa do Ourizo terá lugar o sábado 25 de marzo, en San Ciprián. Para ese día están programadas diferentes actividades que terán ao equinodermo como protagonista.
A cita foi presentada alcalde, Alfonso Villares, o edil de Turismo, David Rodríguez, polas concelleiras de Cultura e Medio Ambiente, Dolores García Caramés e Mali Méndez, respectivamente, e por representantes da hostalería local que participan neste evento declarado de Interese Turístico Galego.
Como en anteriores edicións, tamén se celebrará un concurso gastronómico que está aberto aos locais da hostalería de San Ciprián que participan na festa: O Noso Lar, As Titas, O Faro, A Bodega, Maruxaina e Aquelarre. O concurso será mañá, 17 de marzo, na Casa da Cultura. Os participantes deberán entregar as súas propostas –dúas como máximo- ás...
leer másEn San Ciprián celébrase o 4 de marzo a tradicional Festa do Mexillón. Haberá música e sesión vermú.
O concello de Cervo celebrará este vindeiro sábado 4 de marzo a Festa do Mexillón, que vai pola XXIX edición.
Ao longo da xornada os 8 locais participantes ofrecerán unha ampla degustación de tapas que terán no mexillón o seu denominador común. Participarán O Noso Lar, Las Titas, A Bodega, O Faro, Aquelarre, Maruxaina, O Trasgo e o CIT.
Tamén haberá venda de mexillón cocido na carpa da Praza dos Campos da man da asociación Amigos da Maruxaina desde o mediodía.
A festa estará amenizada pola Disco Móbil Conxuro durante a sesión vermú desde ás 13:30 horas, e repetirá pola noite tras a actuación da orquestra Fania Blanco Show prevista para as 22:30 horas.
Villares quixo salientar que “este tipo de festas gastronómicas contribúen a darlle vida á nosa vila e sempre...
leer más
Os Reis Magos farán mañá unha parada no camiño para ver aos /ás nenos/as do concello de Cervo.
Cabalgata de San Ciprián: partirá ás 17:30 horas do Pavillón da Veiga, e ao remate do percorrido pola vila haberá recepción Real no Auditorio da Casa da Cultura.
Cabalgata de Cervo: ás 19:30 horas, con saída da Casa do Concello (NON DAS ESCOLAS VELLAS, COMO ERA HABITUAL) ata a carpa da Praza do Souto, onde haberá recepción Real; organiza Airiños do Xunco coa colaboración do Concello.
A continuación haberá a actuación do pallaso Popín e cantos de Nadal con Cordenaia Cantareiras
Tres anos despois regresa o Callo Fest, organizado por Amigos da Troula en colaboración co Concello de Cervo e Seiramar. O festival celébrase o último venres do ano dende 2017 co fin de despedir o ano ao ritmo de rock.
Os concertos comezarán as 19:00H na carpa instalada na Praza dos Campos de San Ciprián e rematarán ben entrada a noite co reparto de callos para todos os alí presentes.
O cartel deste ano esta formado polo grupo galego Broken Peach, que ofrece un toque persoal ás típicas versións de rock, funky, gospel e pop, fusionando música e espectáculos extravagantes e Mileth, unha banda que xorde na Mariña Lucense co obxetivo de combinar folk e pagan metal nacido das raíces máis fondas do folclore e do enxebrismo galegos.
Contarase tamén con Mi rollo es el rock, un clásico da comarca...
leer más
Cervo protagoniza a nova campaña de lotería de Nadal que se presentou este mesmo xoves e que se compón de tres historias, unha delas rodada neste municipio.
Baixo título “Tres Orquídeas” o anuncio que se emite desde hoxe mesmo, conta unha fermosa historia chea de xenerosidade que xira en torno ao Faro de San Ciprián.
A gravación levouse a cabo durante a fin de semana do 22 e 23 de outubro e entre as localizacións escollidas están o Faro da Atalaia, o Bar Aquelarre ou Efectos Navais Rubio.
Tal e como precisou Villares, “é un orgullo que o noso municipio fose o escollido para rodar un dos anuncios máis agardados do ano”. Desde o Concello tentamos facilitar na medida do posible a rodaxe –precisou- porque entendemos que é unha oportunidade protagonizar o spot por excelencia do ano.
... leer másOs Concertos do Xacobeo chegan os días 4 e 5 de novembro a San Ciprián con Tanxugueiras e Roi Casal.
No marco do ciclo de Concertos do Xacobeo, chegan a Cervo Tanxugueiras o 4 de novembro e Roi Casal o 5 de novembro.
O concerto de Tanxugueiras, que tivera que aprazarse por mor do mal tempo hai semanas, dará comezo ás 20.00 horas na Praza dos Campos, en San Ciprián. Será o vindeiro venres, 4 de novembro.
E no mesmo escenario, na Praza dos Campos, actuará Roi Casal ao día seguinte, o 5 de novembro, a partir das nove da noite.
A entrada para ambos concertos é libre. Desde o Concello de Cervo animan a asistir: “non podedes perdervos esta gran homenaxe á Cultura Galega”.