Mostra

Etiquetas:
08/09/2022
O Deputado de Participación Cidadá, Roberto García Pernas, o Alcalde de Foz, Francisco Cajoto, e o presidente da Asociación Empresarial Galega de Centros Especiais de Emprego sen Ánimo de Lucro(Cegasal), José Antonio Vázquez Freire, inauguraron no Centro de Interpretación da Mariña (CENIMA) a mostra  itinerante Cegasal, unha asociación de persoas para as persoas, centrada na inserción laboral das persoas con discapacidade. Esta exposición, impulsada pola institución provincial en colaboración con Cegasal, conta con 24 imaxes realizadas polo fotógrafo coruñés Diego Silva.
 
Roberto García Pernas destacou no acto a importancia de apoiar iniciativas dende a institución provincial que permitan “dar visibilidade e poñer en valor o traballo que levan a cabo as persoas con discapacidade nas empresas, pero tamén...
leer más
Etiquetas:
31/08/2022

Onte foi inaugurada nas Escolas Vellas de Cervo a mostra fotográfica Os Camiños de Casares, que se poderá visitar de luns a venres, ata o 15 de setembro, en horario de 11:00 a 14:00 horas.
 
No acto participaron o rexedor, Alfonso Villares, as edís de Cultura e Medio Ambiente, Dolores García Caramés e Mali Méndez, respectivamente, e o autor das instantáneas, Xurxo Lobato; ademais de membros da asociación Airiños do Xunco, a quen desde o Concello lle agradecen a cesión do local municipal, pero que está xestionado por esta entidade.
 
A exposición recolle 40 fotografías de gran formato inspiradas en textos de Carlos Casares sobre o Camiño de Santiago. A actividade forma parte do programa o Teu Xacobeo da Xunta de Galicia, e está promovida pola Fundación Carlos Casares, coa colaboración do Concello de Cervo.

 

Etiquetas:
18/08/2022

Ata o 4 de setembro pódese visitar na rúa San Roque, de Ribadeo, a exposición Os nosos océanos, de Afundación. A mostra foi inaugurada este mediodía. Ao acto asistiron as concelleiras de Cultura e Servizos Sociais, Pilar Otero e Mónica Freire, xunto ao alcalde en funcións, Pablo Vizoso, así como a responsable de Relacións Institucionais en Ourense e Lugo de Afundación, Obra Social de Abanca, Beatriz Fernández, e representantes da entidade bancaria en Ribadeo e na Mariña. 

O rexedor declarou: “estamos moi agradecidos á obra social de Abanca por traer esta exposición fotográfica de carácter itinerante, que vai estar dispoñible ata o 4 de setembro para o disfrute de todos os ribadenses e de todas as persoas que teñan a ben visitarnos. É unha mostra que trata sobre a riqueza mariña, sobre a conservación dos nosos mares e océanos e que mostra...

leer más
Etiquetas:
10/08/2022

O salón de actos do Conservatorio de Música de Viveiro acolle ata o día 31 de agosto unha exposición de homenaxe a Luis Cebreiro polo centenario do naufraxio do ‘Santa Isabel’.

Nun acto celebrado no Teatro Pastor Díaz antes da inauguración da mostra, a alcaldesa de Viveiro, María Loureiro, destacou que “Luis Cebreiro, nado en Ferrol pero vivariense de adopción, é sen dúbida un dos persoeiros da nosa vila no século XX”.

“Benefactor, héroe da Marina, impulsor dos estudios marítimos e do servizo de salvamento marítimo, foi o marino mercante máis condecorado do século pasado; pero máis aló da súa traxectoria profesional, Luis Cebreiro será sempre lembrado pola súa forma de ser, deixou unha fonda pegada en todos aqueles que tiveron a sorte de coñecelo”, engadiu.

A exposición, comisariada por...

leer más
Etiquetas:
09/08/2022

O deputado Efrén Castro, o tenente alcalde de Foz Xavier Fanego, a concelleira de Mocidade de Foz Gema Méndez e o presidente da Fundación Rosalía de Castro Anxo Angueira inauguraron este mediodía a mostra “A Casa de Galicia. 50 anos da Casa Rosalía”, que se poderá ver  na Praza de Galicia ata o vindeiro 22 de agosto.

A exposición, promovida pola Fundación Rosalía de Castro, celebra o medio século da apertura como museo da Casa da Matanza de Padrón, onde a escritora pasou os últimos anos da súa vida, en xullo de 1971, como resultado dun esforzo colectivo que  implicou milleiros de persoas e institucións do país e da emigración en pleno franquismo.

 "Un esforzo colectivo que uniu a todas e todos os galegos hai cincuenta anos e que nos debe seguir unindo" expuxo o presidente da Fundación Rosalía de Castro, Anxo...

leer más
Etiquetas:
07/08/2022

Do 8 ao 29 de agosto pódese visitar na Casa da Cultura en San Ciprián unha mostra pictórica de Blanca Dacal. Denomínase Luz de Balea. 

Podéra visitarse de luns a venres en horario de mañá de 9:00 a 14:30 horas, pero fóra deste horario poderase concertar unha cita para visitala no teléfono 659 05 36 35 (Blanca Dacal)

Trátase dunha homenaxe que lle fai a artista á balea, un animal fascinante moi vencellado á historia de San Ciprián!

En palabras de Blanca Dacal: “Con Luz da Balea pretendo rescatar a presenza das baleas da memoria colectiva, así como o vínculo coa iluminación do faro noutros tempos, e surcar xunto a elas os océanos no sono do máis profundo da imaxinación”.

 

Etiquetas:
05/08/2022

Nas últimas horas foi inaugurada no Forte San Damián unha exposición de pintura de Vicente Barreira, que se poderá visitar ata o 27 de agosto. 

A concelleira de Cultura, Pilar Otero, contou que “ata o 27 de agosto ocupará as salas do Forte San Damián a obra do pintor valenciano nacido en 1947 Vicente Barreira, co título de Paisaxes”. 

A edil ribadense subliñou que “coma cada verán o Forte volve ser o seo da aposta expositiva en Ribadeo e desta volta as persoas que o desexen poderán visitar o espazo de luns a xoves de 17.00 a 20.30 horas e os venres, sábados, domingos e festivos ás mesmas horas polas tardes e ademais de 11.00 a 14.00 horas polas mañás”. 

Pilar Otero contou que “Vicente Barreira é fillo, neto e bisneto de artistas pintores, así que de forma natural continúa a vocación...

leer más
Etiquetas:
04/08/2022

O Complexo Cultural RegalXunqueira inaugurará o 5 de agosto as 20:00h a exposición titulada Os Catro Otero. Será na sala de exposicións e servirase un viño e algo de comer. 

Esta exposición é unha mostra multidisciplinar de obras de tres xeracións de artistas do clan vencellado ao Complexo RegalXunqueira, que pretenden darlle continuidade ao espazo creativo e de divulgación cultural desta instalación. 

En primeiro lugar está Alfonso Otero Regal, que presenta unha colección de murais cerámicos esquemáticos.Despois está a súa filla, Renata Otero Ramallal, cunha adaptación de “Palabras para Xulia” de Paco Ibáñez a un feito autobiográfico. E por último os seus netos, Leo Espiña Otero, cunha instalación sobre o arte urbano e o colaxe, e Alén Espiña Otero con varias fotografías naturalistas.

...

leer más
Etiquetas:
04/08/2022

Comezou a conta atrás para que regrese unha das Festas máis importantes de Cervo: A QUEIMADA POPULAR da que a veciñanza e os visitantes volverán gozar grazas ao traballo altruísta da asociación Airiños do Xunco.
 
Trátase dunha festa con máis de 40 anos de historia...que sempre vai da man dunha iconografía única que non deixa indiferente a ninguén! E é que cada cartel da Queimada é unha obra de arte...E o responsable non e outro que Xosé Vizoso.
 
Durante este mes de agosto será posible facer unha viaxe pola historia da Queimada a través dos carteis que a representaron, obra do talento deste artista con maiúsculas.

A mostra 40 anos de carteis da Queimada de Cervo estará aberta durante do 5 ao 31 de agosto nas Escolas Vellas de Cervo en horario de 10 a 13 horas. 

Etiquetas:
03/08/2022

A sala de exposicións do CENIMA de Foz acolleata o 30 de agosto, a mostra titulada Catro por Catro con obras de Ángel Picos, Diego Pérez Dopico “J. Peak”, Serge Sozonov e Otero Regal.

A exposición, organizada polo Complexo Regalxunqueira, mostra pinturas do coruñés Ángel Picos, especializado no estilo impresionista e que nos seus traballos mestura imaxes relacionadas coas tradicións e paisaxes galegos.

Nesta exposición tamén o viveirense Diego Pérez Dopico “J. Peak” presenta retratos, paisaxes ou temas de denuncia social nuns cadros que son máis complexos do que a primeira vista pode parecer.

Ademais o moscovita afincado en Galicia Serge Sojonov mostra unha obra artística co dominio da técnica que implica ter coñecemento da forma, a proporción, a liña, a perspectiva, o espazo, a textura,...

leer más