Cervo
A cita foi presentada pola rexedora, Dolores García Caramés, e por membros da Asociación Cultural e Recreativa O Raxal, como entidade organizadora
A programación para o sábado, 8 de xullo, será a seguinte:
Misa na honra de San Pedro e a Virxe do Carme ás 13:00 horas, seguida de procesión con Fol do Raxal e Cordenaia de Airiños do Xunco.
A continuación, sesión vermú co Grupo Mar D'AROUSA
Á noite, Gran Verbena amenizada polo Grupo Mar D'AROUSA e a Dismo Móbil Chocolate, a partir das 22:30 horas.
A piscina de Río Cobo abre o 4 de xullo.
A instalación permanecerá operativa de martes a domingo, en horario de 15:00 a 20:00 horas
A parroquia de Santa Isabel de Lieiro, celebrará esta fin de semana, desde o venres 30 de xuño, ata o luns 3 de xullo, as Festas na Honra da Santa Isabel.
A tradicional cita, que abre o calendario festivo de verán en Cervo, foi presentada este mediodía, pola rexedora, Dolores García Caramés, polo concelleiro Alfredo Fernández, e por varios dos membros da organización.
O programa arrincará o venres, 30 de xuño, ás 22.30 horas, coa celebración da Festa da Xuvente con Conxuro discomóvil, Yo Lataba en EGB e os Dj Frisco e Marcos Peón.
O sábado, 1 de xullo, a xornada comezará ás 10.00 horas cunha ruada a cargo do grupo Mistura de Lieiro. Ás 12.30 horas celebrarase a misa solemne cantada pola Coral Terra Mar e ás 13.30 horas dará comezo a sesión vermú a cargo da orquestra La Favorita.
... leer más
A sala das Carboeiras, no Conxunto Histórico Artístico de Sargadelos, “está chea de vida este días, con dúas magníficas mostras que non vos podedes perder”, sinalan desde o Concello de Cervo.
Trátase dunha exposición de escultura, obra de Eduardo Rodríguez Osorio, que se pode visitar ata o 22 de xullo.
E unha mostra de pintura e arte en vivo de Laura Doldán Canedo, que estará aberta ata o 31 de agosto.
Horario de apertura de luns a venres de 10:00 a 14:00 horas, e a fin de semana de 10:00 a 20:00 horas. Pódese solicitar cita previa fóra destes horarios no teléfono 623 41 61 08
A iniciativa enmárcase no programa “Avívate en Cervo VI” e está dirixida á rapazada maior de 18 anos
A inscrición é de balde, o prazo remata o 29 de xuño e as prazas son limitadas
O Concello de Cervo vén de abrir a convocatoria para un curso de monitor de tempo libre que se enmarca no programa Avívate en Cervo VI, dirixido a rapaces e rapazas maiores de 18 anos.
O curso, que é de balde, tivo unha gran acollida en anteriores edicións, tal e como apunta a alcaldesa Dolores García Caramés, polo que apostamos por seguir ofrecéndolle á nosa mocidade esta ferramenta formativa “que contribúe a dotalos da motivación e das habilidades precisas para o seu futuro, co obxectivo de contribuír a mellorar a súa empregabilidade nun mercado laboral cada vez máis competitivo”.
...
leer más
O Concello de Cervo vén de convocar o programa “Cervo a carón do voluntariado VI”, dirixido á mocidade de entre 16 e 30 anos.
O obxectivo xeral do proxecto de voluntariado xuvenil é poñer en práctica a implicación solidaria e o compromiso activo da comunidade moza coa sociedade a través do desenvolvemento cultural e social.
Ábrese a convocatoria para todos aqueles mozos e mozas que queiran participar como voluntarios/as nas diferentes actividades previstas durante todo o verán. As persoas interesadas poden recibir máis información no teléfono 691 65 66 00 e deben presentar a súa solicitude ata o 26 de xuño na Casa da Cultura de San Ciprián.
O proxecto de Acción Voluntaria prolongarase durante todo o verán, de xeito que cada voluntario ou voluntaria colaborará nas iniciativas propostas un...
leer más
O Concello de Cervo programa unha nova edición de “Cervo Concilia”, unha iniciativa municipal máis que consolidada –que na pasada edición reuniu a máis de 150 crianzas- que pretende ser “esa ferramenta de axuda á conciliación das familias, en épocas nas que pode resultar máis difícil como é o verán”.
O programa está dirixido ás crianzas do municipio de entre 3 e 12 anos e desenvolverase desde o 22 de xuño ata o 8 de setembro “cubrindo á totalidade o período das vacacións escolares, para beneficiar ao máximo ás familias e axudarlles na difícil tarefa de conciliar”, tal e como precisou o rexedor en funcións, Alfonso Villares.
Pola súa banda a edil de Educación en funcións, Dolores García Caramés, que coordina o programa, apuntou que o prazo de inscrición poderase formalizar ata o 19 de xuño na Casa do Concello o una Casa da Cultura....
leer más
Cervo celebra as Letras Galegas con varias actividades os días 17 e 19 de maio.
Mañá, día 17, ás 12 do mediodía na Praza do Souto terá lugar unha lectura da viva e obra de Francisco Fernández del Riego; despois actuará o grupo Cordenaia; e haberá a representación teatral de “Asdomare”, a cargo de Rilo & Penadique. Estas actividades están organizadas por Airiños do Xunto coa colaboración do Concello de Cervo.
Xa pola tarde ás 18:00 horas na Escola de Rúa actuarán os Acordeonistas da Mariña. Organizan: As Espalladoras. Colabora: Concello de Cervo.
E xa o venres, día 19, a Casa da Cultura de San Ciprián acollerá unha charla sobre Del Riego na que participarán Paco Rivas e Bernardo Penabade. Tamén será presentado o poemario “Posdata: Quérote”, de Paco Rivas, seguido dunha lectura...
leer más
O Concello de Cervo anima a veciños e visitantes a asistir este próximo sábado, 6 de maio, á VII Foliada e á Feira de Artesanía e Alimentación que terá lugar na Praza do Souto, desde as 10:00 horas, cando dará comezo un obradoiro de construción de pandeiretas con Sanín.
A cita foi presentada polo rexedor, Alfonso Villares, a edil de Cultura, Dolores García Caramés, xunto con representantes da A.C. Recreativa Fervenza de Sargadelos, da agrupación Fol do Raxal e A Morena, que organizan o evento, no que colabora o Concello de Cervo.
Ás 12:00 horas abrirá ao público a Feira de Artesanía e Alimentación e desde esa hora tamén se sucederán diferentes actuación de grupos de música e baile tradicional da contorna; será un pasabares a cargo de A Rebolaxe (San Ciprián), Amado Lar (Valadouro), Arume (Burela) e as Cantareiras...
leer más
O Encoro de Río Cobo acollerá este próximo sábado, 29 de abril, a primeira regata da Copa Deputación de Piragüismo, organizada polo Club Deportivo San Ciprián, coa colaboración do Concello de Cervo.
O edil de Deportes, David Rodríguez, e a concelleira de Medio Ambiente, Mali Méndez, xunto ao responsable da sección de piragüismo, Iván González, e o adestrador, Alejandro Gómez, presentaron a proba, no propio escenario onde se desenvolverá esta competición que marcará o inicio da Copa, e que arrincará ás 10:00 horas.
Na proba daranse cita, en representación da Mariña, e ademais da entidade anfitrioa, o Club de Piragüismo Altruán de Ribadeo, o Kayak de Foz e o club de piragüismo Viveiro Urban; ademais do Club de Piragüismo Cidade de Lugo e o Club Fluvial de Lugo.
Ao remate da competición, o...
leer más