Mexillón

21/02/2019

O sábado, 23 de febreiro, terá lugar a XXVI Festa do Mexillón, con tapas protagonizadas por este molusco que se servirán nos locais hostaleiros de San Ciprián, durante toda a xornada.

Tradicionalmente esta festa celebrábase na Semana Santa, pero decidiuse cambiala de datas porque agora o produto é de moi boa calidade.

Xa pola tarde-noite o grupo local A Rebolaxe amenizará a festa polos diferentes establecementos.

 

21/01/2019

A tradicional Festa do Mexillón, de San Ciprián, no concello de Cervo, celebrarase este ano o día 23 de febreiro, sábado. Durante esa xornada os establecementos hostaleiros participantes neste festexo gastronómico ofrecerán tapas e racións de mexillóns en diferentes preparacións.

O evento foi presentado cun acto no que estiveron o alcalde cervense, Alfonso Villares; a concelleira de Turismo, Mali Méndez, e representantes do sector hostaleiro de San Ciprián.

 

Etiquetas:
29/05/2018

O Motoclub al Corte de Ribadeo organiza o vindeiro sábado, 2 de xuño, as III Xornadas Gastronómicas do Mexillón.

Darán comezo ás 12:00 horas e terán lugar na praciña de José María López, coñecida como plazoleta da Fontenova.

Serviranse mexillóns ao vapor, con salsa vinagreta e con salsa picante.

Colaboran co Motoclub al Corte na organización deste evento os bares Cienfuegos e Maloserá.

09/04/2017

O Concello de Cervo, en colaboración coa hostalería local, organizará o Sábado Santo, a XXIV edición da Festa do Mexillón, todo un clásico xa na Semana Santa do municipio.

Deste xeito, durante todo o día, os diferentes establecementos da vila ofertarán tapas que terán como denominador común o mexilón, en todas as súas variedades e en múltiples combinacións e receitas: en empanada, croquetas, ao vapor, en vinagreta, en pizza…

O rexedor, Alfonso Villares e a edil de Turismo, Manuela Méndez, presentaron, acompañados dos representantes da hostalería de San Ciprián, o cartel da festa.

Deste xeito, Villares sinalou que “o que pretendemos coa Festa do Mexillón é ofrecerles un aliciente máis as veciños que se quedan na localidade nestes días de Semana Santa, sabedores, claro está, de que as...

leer más
22/03/2016
A Festa do Mexillón celebrarase este sábado, 26 de marzo, en San Ciprián. Bares e restaurantes ofrecerán racións e tapas deste produto.
 
A tradicional Festa do Mexillón, de San Ciprián, celebrarase este sábado, día 26, en San Ciprián. Hoxe presentouse o cartel deste evento gastronómico, acto no que estiveron o alcalde de Cervo, Alfonso Villares; a concelleira de Turismo, Manuela Méndez; e Georgina Pérez, en representación do bar Maruxaina, que é un dos establecementos hostaleiros que participarán no festexo.
 
Bares e restaurantes de San Ciprián ofrecerán racións e tapas de mexillóns elaboradas en diferentes preparacións durante o Sábado Santo, que é o día no que se celebra cada ano este evento gastronómico que ten como principais obxectivos exaltar o mexillón e ofrecer un atractivo máis para os veciños desta zona e para os turistas que a visitan durante a Semana Santa. 
 
Etiquetas:
02/10/2015
Dezaoito establecementos hostaleiros participarán na Festa do Mexillón que organiza o CCA de Foz do 10 ao 12 de outubro, durante a ponte do Pilar.
 
A Festa do Mexillón que organiza o Centro Comercial Aberto (CCA) de Foz desenvolverase en 18 establecementos hostaleiros da vila durante a ponte do Pilar, do 10 ao 12 de outubro.
Neste evento gastronómico participan A Bolera, A Funcional, A Soalta, A Viela, Bar 78, Cafetería Pastelería Anduriña, Cafetería Restaurante Xoyma, Cervecería Portovello, Hostal O Norte, Marexada, O Muelle Bar, O Náutico, O Tangarte Mariñeiro, O Tangarte Mesón, Pescadería Cetárea Mar Cantábrico, Pizzería Xoiña, Restaurante Dandy e Restaurante Fina.
Desde o Centro Comercial Aberto animan “á xente que nos visite eses días e aos veciños e veciñas de Foz e da comarca da Mariña a achegarse a saborear este produto, que atoparán preparado de diversas maneiras”. A...
leer más
02/04/2015
Concello e hostalería de San Ciprián convidan a veciños e visitantes a participar na festa do mexillón que se celebra o 4 de abril.
 
O Concello e os bares e restaurantes de San Ciprián deron a coñecer hoxe o programa e o cartel da Festa do Mexillón, que se celebra o próximo sábado, 4 de abril. Unha nova edición na que a hostalería preparará este produto galego en variadas receitas, dende as máis tradicionais ata as máis innovadoras co obxectivo de “exaltar el mejillón y al mismo tiempo convertirlo en un reclamo turístico durante las vacaciones de Semana Santa”, asegura a edil de Turismo, Begoña Alonso. 
A Festa do Mexillón faise coincidir todos os anos co Sábado Santo, de forma que se ofrece unha “opción más de ocio degustando un producto de sabor casi universal, y que admite todo tipo de ingredientes y acompañamientos”, explica Alonso.
A edil de Turismo aproveitou para agradecer aos bares e...
leer más