Outubro

Etiquetas:
25/10/2023

Burela acollerá o vindeiro martes, 31 de outubro, unha Noite das Ánimas para celebrar o Samaín, organizada pola ACM Arume.

O evento terá lugar na praza de Abastos de Burela a partir das 17:00. Haberá actividades para todos os públicas, e dende a organización animan á veciñanza a acudir ás mesmas cos disfraces temáticos propios da ocasión.

Haberá un obradoiro para preparar cabazas, para o cal será necesario que cada participante traia a súa de casa. Estas cabazas serán empregadas no posterior “Desfile das Ánimas”.

Tamén haberá contacontos, chocolatada, e o “Canto da Sinistra Compaña”. Todas as actividades son de balde, debendo estar a cativada menor de 6 anos acompañada sempredunhapersoa adulta.

O Concello colabora un ano máisna realización desta actividade...

leer más
Etiquetas:
12/10/2023

A mostra de teatro feita por persoas con diversidade funcional propón ademais das funcións un amplo programa de actividades de convivencia e sensibilización

O Concello de Viveiro celebra entre os días 16 e 22 de outubro a 5º edición de Superarte, a mostra de teatro feita por persoas con diversidade funcional. 

“Superarte é xa un sinal de identidade do noso goberno local, un piar desde o que construír paso a paso un Viveiro máis inclusivo; o certame cumpre a súa quinta edición como un referente na visibilidade das persoas con diversidade funcional”, sinala a alcaldesa de Viveiro, María Loureiro. 

A mostra adícase este ano ao dano cerebral adquirido e conta como en cada edición coa colaboración dunha asociación. Para este ano, o Concello de Viveiro implicou á Asociación de Pais de Persoas...

leer más
Etiquetas:
10/10/2023

Éxito da nova edición de A Mariña en Ruta, que daba comezo o pasado sábado. Este proxecto está promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro están programadas 16 actividades, unha por cada concello que conforma o xeodestino e onde a artesanía da comarca ten un papel destacado. 

Xa están esgotadas as prazas para as actividades que se desenvolverán os días 12 e 14 de outubro. O vindeiro xoves día 12 Sofía López guiará un percorrido por San Miguel de Reinante: comercio, indianos e fidalgos (Barreiros). E o sábado 14 de outubro con Boris Vilar e o artesán ferreiro JOMACA (José Mario Cabo) os asistentes coñecerán de preto Riotorto, a terra dos ferreiros. Xa o sábado, día 15, Carmen Delia Díaz (La Guiateca) e o artesán Daniel Caxigueiro achegarán aos participantes...

leer más
Etiquetas:
04/10/2023

O mago Paco presentará o seu espectáculo Hocus Pocus no salón de actos da Casa da Cultura do Valaduro este sábado, 7 de outubro, ás 20:00 horas con entrada de balde.

É un espectáculo de maxia cómica incluído no programa Ler Conta Moito da Rede de Bibliotecas Públicas de Galicia.

O Concello do Valadouro anuncia que “Hocus Pocus é un espectáculo versátil, aberto e adaptado a calquera espazo de representación. Está guiado por unha peculiar personaxe, O mago Paco, que fai de cada xogo un momento diferente, no que @s nen@s son os verdadeiros protagonistas, creando así un espectáculo propio dunha mente infantil: aloucado, ruidoso, dinámico e cheo de sorpresas”.

Etiquetas:
04/10/2023

A compañía OnBeat presenta este domingo, 8 de outubro, en Burela o espectáculo “Os 2000 - O Musical. Eu Quero Bailar”, un gran show onde se poderá gozar coas cancións e temas que nos fixeron bailar no novo milenio. 

O musical inclúe temas de artistas e formacións como El Canto del Loco, La Oreja de Van Gogh, Shakira, Beyonce, Mónica Naranjo, as e os artistas de Operación Triunfo, Carlos Baute, Fito y los Fitipaldis, etc..

A cita será este domingo, día, 8 ás sete da tarde no Auditorio Municipal de Burela. 

 

Etiquetas:
27/09/2023

Camiño Escena Norte, o proxecto de intercambio cultural a través das artes escénicas no que participan compañías teatro, danza e novo circo de Galicia, Asturias, Cantabria, Euskadi e Navarra, chega esta fin de semana a Melide e Ribadeo cunha dobre función do espectáculo Lear en las catedrales, unha peza de Ábrego Producciones. Ao finalizar as dúas representacións, os membros da compañía cántabra participarán nun encontro co público asistente. 

A montaxe de Lear en las catedrales está atravesada polo poema Lear en el claustro, de José Hierro, e reflicte a decadencia dun rei despoxado de todo e que implora ser amado pola súa filla Cordelia. A obra avanza armando o crebacabezas dunha memoria que tende a esvaecerse no esquecemento, engadindo capas, unhas feitas de realidade e vivencias da actriz e outras feitas de ficción, a das personaxes...

leer más
Etiquetas:
24/09/2023

A asociación cultural e xuvenil O Castelo, de Alfoz, organiza para o día 15 de outubro, domingo, unha andaina pola Fraga das Lerias, continuando polo Canal dos Canoura e rematando no curro de Santo Tomé.

É un ruta de 8 quilómetros con dificultade media e a organización recomenda levar botas de montaña.

A saída será desde a Casa do Concello de Alfoz ás 09:30 horas, haberá servizo de autobús gratuíto e a ruta comezará ás 10:00 horas. Ao final da andaina os participantes degustarán un aperitivo.

A data límite para anotarse é o domingo 8 de outubro e as inscricións poden facerse a través dos teléfonos 603.895.753 ou 617.299.798.

Para a organización desta actividade a asociación O Castelo conta coa colaboración do Concello de Alfoz.

 

Etiquetas:
17/10/2022

Boa acollida da nova edición de A Mariña en Ruta, que daba comezo o pasado 8 de outubro. A actividade está organizada pola Mancomunidade de Concellos da Mariña Lucense coa colaboración da Xunta de Galicia e da Deputación de Lugo. 

Desde a Mancomunidade explican que “nas tres rutas que xa tiveron lugar completáronse as prazas existentes, con xente en lista de agarda nas dúas primeiras”. E engaden que “para as dúas próximas rutas de outubro aínda quedan prazas, polo que animamos á xente a aproveitar esta oportunidade”. O día 22 será Bateando ouro en Alfoz, con Fran Canosa, e o 29 Burela: de asentamento castrexo a vila medieval, con Lidia de la Fuente.

Os asistentes á primeira das rutas, que tivo lugar o 8 de outubro por terras de A Pontenova, tiveron a oportunidade de visitar os  Fornos de Vilaodriz e o nivel cero...

leer más
Etiquetas:
11/10/2022

O Concello de Burela organiza cursos de bordado e de bolillos. O de bordado dará comezo o 17 de outubro e rematará o 17 de abril. Impartirase na Casa da Xuventude os luns e os mércores de 10 a 13 horas ou de 17 a  20 horas. Ao inscribirse no CIM as persoas asistentes poderán elixir quenda e día.

E o curso de bolillos será do 18 de outubro ao 16 de marzo. Tamén será impartido na Casa da Xuventude. O horario para elixir día e quenda será os martes e os xoves de 10:30 a 13:30 horas ou de 16:30 a 19:30 horas. 

O prezo da matrícula en ambos casos será de 30 euros. 

 

Etiquetas:
07/10/2022

A obra 337 km, do autor Manuel Benito e que trata sobre o síndrome de Asperger, estreouse en febreiro deste ano no teatro Quique San Francisco, de Madrid, onde recibiu moi boas críticas. A continuación empezou a xira e o día 15 deste mes, sábado, ás 20:00 horas representarase no auditorio municipal Hernán Naval, de Ribadeo. É unha produción da compañía madrileña La Belloch Teatro, o director é Julio Provencio e os intérpretes son os recoñecidos actores Lidia Navarro, Néstor Goenaga e Clemente García.

Lidia Navarro comezou a súa carreira artística en 1995 e desde entón participou en numerosas representacións teatrais e películas así como en series de televisión tan coñecidas como Farmacia de Guardia, El Comisario, Al salir de clase, Hospital Central, Amar en tiempos revueltos, Cuéntame como pasó, La que se avecina ou El secreto de Puente...

leer más