Rinlo

Rinlo acollerá a terceira festa gastronómica do mexillón o vindeiro 3 de abril. O evento foi presentado pola Asociación de Veciños o Cantal e polo Concello de Ribadeo. 

Conchita González, presidenta de O Cantal, comentou que “dende a Asociación de Veciños O Cantal, vimos de presentar, e como non a animarvos a que nos acompañes na terceira edición da festa gastronómica do mexillón. O vindeiro 3 de abril temos unha cita imprescindible en Rinlo, un fermoso pobo mariñeiro, coñecido polo seu carácter tradicional, polas súas cetarias e pola excelente gastronomía ligada ao mar. Nesta ocasión volve ser o gran protagonista o mexillón, un produto estrela que poderedes degustar nun ambiente festivo e mariñeiro único”.

E relatou que “para acompañar esta xornada gastronómica contaremos coa actuación dos Festicultores e coa...

A parroquia ribadense de Rinlo celebrará unha festa gastronómica dedicada aos callos este domingo, día 30 de novembro, desde as 14:00 horas. É para colaborar coa comisión organizadora das festas patronais, na honra a San Pedro.

A asociación de veciños O Cantal, de Rinlo, anuncia: “este domingo, 30 de novembro, ás 14:00 horas na Escola Vella de Rinlo temos planazo! Anímate a vir ao noso almorzo especial, onde gozaremos duns callos feitos con moito agarimo, todo cun obxectivo precioso: colaborar coa Comisión de Festas de San Pedro. Ademais contaremos coa presenza do gran DJ Alejandro Martínez, que nos fará mover o esqueleto durante toda a tarde! E ás 18:00 horas chega o momento máis doce: chocolate con biscoito, rosquillas caseiras e algunha que outra sorpresa!”.

A parroquia ribadense de Rinlo celebrará as festas na honra a San Pedro e á Virxe do Carme os días 4 e 5 de xullo, venres e sábado.

As actividades comezarán o venres ás 21:00 horas cunha churrascada que terá lugar nunha carpa cuberta. A continuación haberá festa verbena coa orquestra Salsarena.

E o sábado ás 13:00 horas celebrarase misa solemne e despois procesión. Ás 14:00 horas empezará a sesión vermú coa orquestra Salsarena e con degustación gratuíta de xamón cocido. Desde as 17:30 horas haberá actos para os nenos con festa da espuma, inchables e outras actividades. E a partir das 22:00 horas a verbena estará amenizada pola orquestra Salsarena e o dúo La Hora Bruja.

A cociñeira e mariscadora de Rinlo Concepción Losada Fernández, tamén coñecida como Concha, xubilouse o pasado domingo e foi homenaxeada polos seus compañeiros do restaurante ribadense A Horta de San Roque, durante unha cea celebrada onte, luns, no establecemento Delira Gastronómica, de Ribadeo.

Concha Losada, que naceu na parroquia ribadense de Rinlo, exerceu o marisqueo -sobre todo como percebeira- desde moi nova e compaxinou ese labor co de cociñeira en hostalería desde os 17 anos ata agora, cando rematou a súa ampla traxectoria en A Horta de San Roque. Antes traballou en varios establecementos dos municipios de Ribadeo e de Barreiros nos que destacou pola elaboración de arroces, que son a súa gran especialidade. Como din os que a coñecen ben, “o mar e a cociña son moi importantes na vida de Concha”.

Na cea con...