Cervo

Etiquetas:
26/06/2018

O Concello de Cervo, a través da delegación de Xuventude, pon en marcha a II edición do Programa Avívate en Cervo, dirixido a mozos e mozas de entre 18 e 30 anos, logo da boa acollida que tivo na pasada edición.

O programa, que comezará o 2 de xullo, engloba un curso de monitor de tempo libre, un curso de manipulador de alimentos e un terceiro de primeiros auxilios, como actividades principais.

A iniciativa completarase cunha visita á Escola Infantil Municipal onde as persoas participantes recibirán unha charla sobre o seu funcionamento; que terá lugar o 8 de agosto. Tamén está programado o obradoiro “Non desesperes…Relax”, que é unha xornada de ioga impartida por unha especialista na Casa do Mar de San Ciprián.

As inscricións son de balde e as prazas son limitadas. As persoas interesadas...

leer más
Etiquetas:
25/06/2018

Cervo acollerá a II Quedada (KKD) multimarca Astur-Galega este sábado, 30 xuño.

A concentración, organizada pola asociación local Chatarracing e por Astur-Vag, coa colaboración do Concello de Cervo, foi presentada polo rexedor, Alfonso Villares, polo edil de Deportes, José Ramón Soto, e por varios membros da organización.

A actividade terá lugar no Polígono de Cuíña desde as 10:00 horas, e prolongarase durante toda a xornada; alí concentraranse todo tipo de vehículos, de todos os estilos (clásicos, racing, 4x4…).

Villares apuntou que se trata dun evento co que diversificamos a oferta de ocio do municipio; e desde o Concello sempre “estamos dispostos a colaborar e a poñer a disposición terreos, instalacións e infraestruturas municipais para que as direferentes asociacións poidan...

leer más
Etiquetas:
22/06/2018
O Concello de Cervo vivirá unha fin de semana de San Xoán repleta de actividades para todos os públicos.
 
San Xoán en San Ciprián
O Concello de Cervo convida a veciños e visitantes  a gozar do San Xoán de San Ciprián da man do Grupo A Rebolaxe.
A xornada comezará o sábado, ás 19:30 horas, con música, xogos populares para nenos e maiores, pancetada, salchichada e chourizada,  sorteo dunha cesta de produtos típicos e unha gran fogueira na praia do Torno; ademais doutras sorpresas.
O concerto de “mi rollo es el rock” porá o broche de ouro a partir da 1:00 horas.
 
San Xoán en Rúa
Outra cita ineludible deste sábado será o San Xoán...
leer más
Etiquetas:
14/06/2018

O Concello de Cervo mellorará nos vindeiros días a área de autocaravanas da Veiga tan frecuentada nos meses de verán.

Así o anunciou hoxe o alcalde de Cervo, Alfonso Villares, que acompañado pola edil de Turismo, Manuela Méndez, estivo visitando a zona sobre a que imos actuar nos vindeiros días co fin de regular o estacionamento, “o que permitirá ás persoas usuarias gañar en comodidade durante a súa estancia, ao tempo que ordenamos o tránsito nesta zona”.

Villares puxo en valor este espazo que é a día de hoxe un puntal importantísimo do turismo no noso Concello, tendo en conta que a ocupación rolda o 100% moitos días de verán; polo que “traballamos para conseguir unha contorna que sexa confortable para as persoas que nos visiten; tendo en conta tamén os beneficios que reporta esta modalidade vacacional, tan en...

leer más
Etiquetas:
13/06/2018

O Concello de Cervo convida a veciños e visitantes  a desfrutar das Festas na Honra de San Luis, en Figuerido. 

A cita, organizada pola Asociación Socio-Cultural Ponte da Salgueiriña coa colaboración do Concello, será o 22, 23 e 24 de xuño.

A programación comezará o venres, 22, a partir das 22:30 horas, cunha Gran Verbena a cargo do Grupo Alma Latina e da Orquestra Palladium.

O sábado, 23 de xuño, ás 9:00 horas, terá lugar o chupinazo que anuncia o inicio do día grande das Festas. Ás 11:00 horas haberá pasacorredoiras a cargo dos gaiteiros de Airiños do Xunco, de Cervo. Ás 14:00 horas terá lugar a misa solemne na honra de San Luis no campo da festa; e, a continuación, haberá sesión vermú a cargo do Grupo Alma Latina.

Haberá unha gran lumeirada de San Xoán e...

leer más
Etiquetas:
11/06/2018

O alcalde de Cervo, Alfonso Villares, e a edil de Cultura e Educación, presentaron o Programa de Conciliación deseñado para os meses de verán.

Aos xa consolidados Enredos de Verán –que na pasada edición contaron con máis de 100 nenos inscritos-, e á iniciativa Repasando en Verán, este ano súmase ás actividades estivais o programa específico Cervo Concilia, que, tal e como explicou o rexedor “componse dunha completa axenda de actividades de verán adicadas a nenos e nenas de 3 a 12 anos, co que pretendemos brindarlles ás familias unha ferramenta que lles axude a conciliar a vida laboral co coidado dos seus pequenos e das súas pequenas”.

O cursos levarase a cabo os meses de xullo e agosto, de luns a venres, e en horario de 9:00 a 14:30 horas. O programa, de balde, está dirixido ás familias empadroadas no Concello de...

leer más
09/06/2018

O Concello de Cervo, a través da delegación de Seguridade Cidadá, conxuntamente coa Autoescola Mundial, que dirixe Pepe Soto, e que, recentemente vén de cambiar a súa ubicación para instalarse na Avenida da Mariña, en San Ciprián, ofrecerá ao conxunto da veciñanza, o vindeiro luns, 11 de xuño, unha xornada de concienciación e seguridade vial.

A actividade, que terá como eixo central un simulador de envorco, comezarán no IES Marqués de Sargadelos. Alí, os rapaces, pola mañá e en horario escolar, poderán experimentar o que se sinte en caso de accidente co fin de "sensibilizalos da importancia de usar o cinto de seguridade e facelo de xeito correcto", apuntou Soto.

Xa pola tarde, o simulador estará instalado a disposición de toda a veciñanza no aparcadoiro do estanco, na Avenida da Mariña, desde as 15:30 horas.

Etiquetas:
08/06/2018

O Concello de Cervo convida a veciños e visitantes  a gozar do San Xoán da parroquia de Rúa, dan man da súa Asociación de Veciños.

O alcalde de Cervo, Alfonso Villares, a edil de Cultura, Dolores García Caramés, e os representantes da asociación Miguel Balseiro e Pilar Rivas, presentaron o evento que se celebrará o sábado, 23 de xuño, desde as 20:00 horas no campo da festa, no recinto da escola de Rúa.

Servirán racións de churrasco, chourizo e torresmos de balde para os socios, e por un prezo de 6 euros para os non socios. Os tickets poñeranse á venda no propio recinto ás 19:00 horas.

A festa estará amenizada polo grupo Diamantes, e desde a asociación apuntaron que tamén se elaborarán caipiriñas.

 

07/06/2018
O Concello de Cervo acollerá os vindeiros 23 e 24 de xuño o campionato de España de Motonáutica por Radiocontrol térmico.
 
A cita desenvolverase no Encoro de Río Cobo, e está previsto que participen medio cento de embarcacións, da man dunha vintena de pilotos procedentes de Cantabria, Valencia, Castellón, Madrid, Andalucía e Galicia.
 
O alcalde de Cervo, Alfonso Villares e o edil de Deportes, José Ramón Soto, mantiveron un encontro na Sala de Xuntas do Concello co Presidente da Federación Galega de Motonáutica, José Fernández, co Vicepresidente, Francisco José Pereira, co delegado da Federación na provincia de Lugo, José Soto e co piloto e árbitro Emilio Cadaveira, a fin de perfilar o evento deportivo do que Cervo será sede por terceira vez....
leer más
Etiquetas:
06/06/2018

O Concello de Cervo lembra a obriga de solicitar o permiso para as fogueiras da noite de San Xoán. O prazo para facelo remata o vindeiro 21 de xuño.

Deste xeito, o alcalde de Cervo, Alfonso Villares, sinalou que “é obrigatorio solicitar autorización para poder facer unha fogueira e para iso, unha das persoas da organización, maior de idade deberá facerse responsable da mesma, achegando datos de contacto, como o nome e o teléfono, así como o lugar exacto no que se vai facer o lume; para que en todo momento dende o Concello as poidamos ter localizadas para dar resposta inmediata no caso de que se produza algunha incidencia”.

As solicitudes deber presentarse na Casa do Concello ou na Casa da Cultura; e sen este permiso queda completamente prohibido facer lume.

Villares recordou que o...

leer más