Piragüismo

A cuarta regata da Copa Deputación de piragüismo disputarase este domingo, día 17 de agosto, en Viveiro. É unha proba para embarcacións de tipo C-1 e K-1 e servirá para retomar a competición logo das probas celebradas en Portomarín, Ribadeo e Cervo, anuncia o Concello de Viveiro.

As primeiras saídas, das categorías prebenxamín e benxamín, daranse ás 10.30 horas. Despois terán lugar as competicións infantil (11.00 horas), alevín (11.30 horas) e cadete e xuvenil (12.00 horas).

A alcaldesa de Viveiro, Mariña Gueimunde, sinalou que a regata “reforza a aposta do noso Concello polo deporte de base e pola dinamización responsable. Agradecemos o esforzo dos organizadores e convidamos á veciñanza a gozar dunha xornada de piragüismo”.

Foz acollerá este sábado, día 26 de xullo, a 63ª edición da proba de piragüismo Travesía de Foz, organizada polo club Kayak Foz. A deputada provincial Iria Castro participou na presentación da competición, que “segue sumando edicións como unha das máis veteranas do calendario estatal”, destaca a Vicepresidencia da Deputación de Lugo, que engade: “a proba contará este ano coa participación de máis de 150 palistas das categorías cadete, xuvenil, sénior e veterano, masculina e feminina, clubs de toda Galiza, entre eles, ademais do Kayak, o Club Fluvial de Lugo, o Cidade de Lugo, o Altruán de Ribadeo e o Viveiro Urban Hotel”.

Iria Castro parabenizou ao Kayak Foz “pola organización dunha nova edición desta cita histórica que demostra a tradición dos deportes de auga na Mariña e na provincia e a tenacidade da xente do piragüismo de Foz que mantivo esta proba ao...

O Encoro de Río Cobo acollerá o domingo, 28 de xullo, a terceira regata da Copa Deputación de Piragüismo, organizada polo Club Deportivo San Ciprián, coa colaboración do Concello de Cervo.

A rexedora, Dolores García Caramés, e o concelleiro, Alfredo Fernández, xunto ao presidente do CD San Ciprián, Eduardo Rubal, o responsable da sección de piragüismo, Iván González, e o adestrador, Joel González, presentaron a proba, no propio escenario onde se desenvolverá esta competición que arrincará ás 10:00 horas.

Na  proba daranse cita, en representación da Mariña, e ademais da entidade anfitrioa, o Club de Piragüismo Altruán de Ribadeo, o Kayak de Foz e o club de piragüismo Urban Hotel Viveiro; ademais do Club de Piragüismo Cidade de Lugo e o Club Fluvial de Lugo.

A alcaldesa desexoulle moita...

Foz acollerá o sábado, 15 de xuño,  a 62ª edición da proba de piragüismo Travesía de Foz, organizada polo club Kayak de Foz. O deputado de Mocidade Daniel García participou esta tarde na presentación da competición, que segue sumando edicións como unha das máis veteranas do calendario estatal. 

A proba, que puntúa para a Liga Galega, contará este ano coa participación de 216 palistas das categorías cadete, xuvenil, senior e veterano, masculina e feminina, de 20 clubs de Galiza, na grande maioría, pero tamén de Asturias e Madrid. O Club Ría de Betanzos, con 32 palistas e 21 embarcacións, e o Club Náutico de Cobres, con 25 palistas e 19 embarcacións son os que contarán con maior representación na competición, na que tamén tomarán parte os anfitrións, o Club Fluvial de Lugo, o Cidade de Lugo, o Altruan de Ribadeo e o Viveiro Urban Hotel....