O Valadouro

Etiquetas:
18/11/2021

O grupo Teatro de Ningures presenta a obra O OGrocho este domingo, 21 de novembro, ás 19:00 horas, no salón de actos do Centro Sociocultural Xuvenil e da Terceira Idade Manuel Lourenzo do Valadouro.

A obra, dirixida ao público familiar, representa a historia dun pequeno ogro que vive só coa súa nai nunha casa no medio dun tupido bosque apartado da comunidade. O día que empeza a ir á escola e ve a outros nenos descobre a súa diferenza, non só no seu tamaño senón tamén no seu instinto, é o fillo dun ogro que a súa nai amou de forma apaixonada. O Ogrocho, cos seus seis anos, a súa forza extraordinaria e a súa terrible herdanza, intenta reconciliarse coa súa parte oculta, dominar os seus instintos nun intento de parecerse aos demais. Para elo ten que superar tres probas.

Baseado na obra de Suzanne Lebeau,...

leer más
09/11/2021

O Circuíto de Teatro Afeccionado da Vicepresidencia da Deputación de Lugo programa para este sábado, 13 de novembro, en colaboración co Concello do Valadouro, a obra “O Lazarillo do Miño”, do grupo Os Pinchacarneiros, no Centro Sociocultural Manuel Lourenzo ás 20 horas.

O clásico Lazarillo que todos coñecemos dá paso a unha versión á galega, en concreto saída da capital lucense e representada con 13 actrices e actores sobre o escenario, nunha proposta destinada a todos os públicos.

Así, varios Lazarillos localizados nas terras do Miño, amosan unha realidade poboada de xentes de todo tipo, cregos nada caritativos, ricos que son máis ben mendigos, xente que se aproveita da boa fe dos demais ou persoas que loitan por ter un codelo de pan que levar á boca. Neste contexto, os diferentes lazarillos deberán tirar do seu...

leer más
Etiquetas:
27/10/2021

No concello do Valadouro celébrase o 30 de outubro, sábado, o Samaín, un costume de orixe celta, que representa a fin do verán.

Entre as actividades previstas para Samaín a Delegación de Cultura do Concello do Valadouro organiza uns obradoiros, nos que se decorarán cabazas, haberá manualidades, etcétera. Comezarán ás 11:00horas e recoméndase inscrición previa.

Pola tarde, de 17 a 20 horas, con parte dos elementos elaborados pola mañá, organizarase a Festa do Terror, “con moitos xogos, photocall, contos de medo, música, baile e moitas ganas de pasar unha tarde terrorificamente divertida. É moi recomendable acudir disfrazado.
Todas estas actividades están ideadas para realizar nas instalacións da Casa da Cultura e aínda que son de tipo familiar as idades ideais están entre 3 e 12 anos”, explica a organización...

leer más
Etiquetas:
10/10/2021

O vindeiro domingo, 17 de outubro, terá lugar no Valadouro un curso de iniciación ao mundo dos fungos, que será impartido pola Sociedade Micolóxica Lucus.

De 9:30 a 13:30 horas haberá unha clase teórico – practica na escola de agricultura ecolóxica do Valadouro.

As persoas interesadas en participar deben inscribirse chamando ao 982574000 en horario de 9 a 14 horas. As prazas son limitadas.

A actividade está organizada pola Deputación de Lugo e a Reserva da Biosfera Terras do Miño. Colabora o Concello de O Valadouro. 

Etiquetas:
04/10/2021

O vindeiro sábado, 9 de outubro, celébrase no Valadouro a tradicional Feira do Mel que chega xa á XXXIV edición.

Nesta ocasión, a feira estará situada na Praza de Santa María e na rúa Andrés López Palmeiro e contará coa presenza de numerosos produtores de mel, mazá, castaña e outros produtos de tempada. 

Nesta edición, en colaboración coa hostalería local, organízase unha ruta de tapeo polos distintos locais e entre todos os participantes sortearase un premio. 

Ademais tamén se realizará a presentación do libro de Prudencio Vivero "Os irmáns de América", e haberá animación de rúa, xogos pola tarde para o público infantil e moitas máis cousiñas. 

Entre os asistentes á Feira do Mel realizaranse dous sorteos con dous lotes de produtos da zona e de tempada.

... leer más
22/09/2021

Para a tempada 2021-2022 o Concello de O Valadouro ofrece escolas deportivas municipais de fútbol e patinaxe.

O Concello anuncia que está aberto o prazo de inscrición nas distintas categorías de fútbol para nenos que cursen desde 4º de infantil ata 4º de ESO para o curso escolar 2021/2022. Poden consultarse as bases na páxina web do Concello do Valadouro, na sede electrónica e nas oficinas da Casa da Cultura. O prazo de inscrición remata o 24 de setembro e as actividades comezarán o 1 de outubro.

E para a de patinaxe está aberto o prazo de inscrición para nenos que cursen desde 4º de infantil ata 6º primaria para o curso escolar 2021/2022. Poden consultarse as bases na páxina web do Concello do Valadouro, na sede electrónica e nas oficinas da Casa da Cultura.

O prazo de inscrición remata...

leer más
13/09/2021

A asociación Cultura do País organiza a presentación do libro As mulheres da Casa da Bouça da roupa estendida, de Adela Figueroa, publicado por Edicións Laiovento.

O acto terá lugar o próximo sábado, 18 de setembro, ás 12:00 do mediodía na Casa da Cultura Manuel Lourenzo de Ferreira do Valadouro. 

Adela Figueroa é unha autora luguesa que destaca polo seu compromiso ecolóxico e feminista. Bióloga de formación, cultiva, entre outros xéneros, a poesía e a literatura infantil. Ten traballado tamén na recuperación da tradición oral.

Esta novela, a xuízo do experto literario Claudio Rguez. Fer: “É unha obra chea de crueldade e horror, pero tamén contén a beleza da terra, neste caso a do Incio, e da vida, sobre todo a través do amor e da esperanza nun futuro mellor, sen deixar de ser consciente...

leer más
Etiquetas:
01/09/2021

O Concello de O Valadouro organiza unha semana cultural para rememorar as festas patronais condicionadas, un ano máis, pola pandemia. Estas actividades desenvolveranse, dos días 4 ao 8 de setembro, na praza de Santa María.

O sábado 4 ás 20:30 horas haberá unha demostración de baile, música e canto tradicional a cargo da Asociación Cultural Amado Lar.

O domingo 5 ás 21:00 horas celebrarase a Gran Gala do circo, maxia e humor presentado por O Neto do Gayoso.

O mércores 8 ás 13:30 horas haberá sesión vermú co Dúo Epo-K; ás 16:30 desenvolveranse actividades para nen@s con inchables, competición láser, tatuaxe purpurina e globoflexia; ás 18:00 horas, actuarán Seres Fantásticos; ás 22:00 horas ofrecerá un concerto folk tradicional Leirabuxo; e ás 23:30 horas actuarán Los Satélites.

... leer más
22/08/2021

Durante a fin de semana do 28 e 29 de agosto O Valadouro acollerá as xornadas gastronómicas da carne de poldro en colaboración coa Asociación de Criadores do Cabalo de Pura Raza Galega.

O Concello de O Valadouro anuncia que os interesados en degustar este manxar poderán facelo nos locais de hostalería de Ferreira do Valadouro, onde ofrecerán tapas gratuítas eses dous días.

A carne de poldro galego 100% raza autóctona é un produto baixo en graxa, alto en proteínas e moi rico en ferro. O consumo de carne de poldro recoméndase para toda a poboación e en especial para aquelas persoas que, ben sexa pola súa situación (embarazo, anemia) ou pola súa actividade diaria (deportistas) necesiten dunha alimentación altamente nutritiva.

Todos os poldros co selo de calidade 100% Raza Autóctona Cabalo de...

leer más
06/08/2021

Continua o programa Cultura na Rúa cargado de actuacións para as noites de agosto: cinema, teatro e música, daranse cita na Praza Santa María.

O 7 de agosto ás 20:30 horas Teatro Ghazafelhos representará “A illa sen tesouro”.

O día 14 tamén ás oito e media da tarde haberá pasarrúas e concerto tradicional-popular coa Asociación Cultural O Arca da Vella e a ADM Dambara. 

O 21 de agosto ás 20:30 horas nova cita co teatro familiar. Nesta ocasión Pérez&Fernández porán en escena “Picnic”.

E o día 28 haberá Cine na Rúa ás dez da noite coa proxección da película “Lo nunca visto”.
Recoméndase a inscrición previa no 982571516 de 9 a 14 horas e de 15:30 a 20:00 horas.