O Valadouro

Etiquetas:
10/09/2016
A Concellería de Cultura do Valadouro organiza un obradoiro de radio xuvenil, que terá lugar do 19 de setembro ao 15 de outubro.
 
Do 19 de setembro ao 15 de outubro no Valadouro terá lugar un obradoiro de radio xuvenil. Levarase a cabo na emisora local, na Casa da Cultura e contará con clases teóricas e prácticas.
 
Está dirixido a persoas con idades entre 12 e 30 anos e as prazas son limitadas. Os interesados poden obter máis información no número de teléfono 982 57 15 16 ou na dirección de correo electrónico omixvaladouro@hotmail.com. 
 
Esta actividade está organizada pola Concellería de Cultura do Concello de O Valadouro.
 
04/09/2016
Ata o 7 de setembro desenvólvese no Valadouro a XXXI Semana de Teatro Afeccionado, que organiza a Concellería de Cultura.
 
Este venres, día 2 de setembro, comezou a Semana do Teatro Afeccionado de O Valadouro coa representación que correu a cargo do grupo de alumnos participantes no obradoiro que se levou a cabo durante o mes de agosto no Concello. A obra que levaron a escena foi a titulada A Madriña, unha adaptación para o grupo do mestre que impartiu a temática, Tom Arenas.
 
A segunda representación é o domingo 4 coa obra Mal Social, orixinal de Paco Piñeiro e que porá en escena o grupo de teatro Ardora de San Ciprián dirixido por María Paz Rodríguez Silva.
 
O luns 5 estrearase un grupo da veciña localidade de San Martiño, O Centiño, que interpretará O Caldeiro Máxico,...
leer más
Etiquetas:
01/09/2016
A asociación Amado Lar organiza o 3 de setembro a XXVIII Mostra Folclórica do Valadouro. Terá lugar na praza de Santa María ás oito e media da tarde.
 
A asociación Amado Lar organiza para este sábado, día 3, a XXVIII Mostra Folclórica do Valadouro que terá lugar na praza Santa María a partir das 20:30 horas. Actuarán os grupos da Asociación de Bai.le y Música Tradicional La Xordia, de Oviedo; da Sociedade Cultural Airiños dos Carrís, de Cerdido; e do colectivo anfitrión: a Asociación Cultural Amado Lar. O evento foi presentado polas representantes da xunta directiva da asociación Amado Lar Mari Carmen Lorenzo, Esther Cora e Nuria García; o concelleiro de Cultura, Eduardo Chao; e o técnico municipal de Cultura, Juan Novás.
 
A membro da directiva de Amado Lar Nuria García explicou que “é unha mostra que se fai anualmente. Haberá un pasarrúas que se fai desde a Casa da Cultura de...
leer más
Etiquetas:
30/08/2016
Os días 16 e 17 de setembro terá lugar o I Festival Músico Vocal Arcadio Mon, que organiza o Seminario de Estudos do Valadouro.

 

O Seminario de Estudos do Valadouro organiza o I Festival Músico Vocal Arcadio Mon os vindeiros días 16 (Alfoz) e 17 (Valadouro). Nel tocarán moitos músicos antigos compañeiros de Arcadio nas diversas orquestras, ademais da Banda de Foz. Igualmente haberá un concurso para novos músicos ata 20 anos.

Desde a organización sinalan que "en anteriores comunicados dixemos que a inscrición no Festival tiña como límite o 31 de agosto. Agora este prazo amplíase ata o 14 de setembro. Os rapaces de 20 anos ou menos interesados en participar poden inscribirse en peinoster@gmail.com". 

Etiquetas:
09/08/2016
A Ponte Vella de Frexulfe, en O Valadouro, acollerá o 11 de agosto a terceira edición da ponte literaria do verán, na que participarán varios escritores mariñáns.
 
O espazo de lecer da Ponte Vella de Frexulfe, en O Valadouro, acolle o 11 de agosto a terceira edición da Ponte Literaria do verán, que contará coa presenza de escritores de varias localidades de A Mariña.
 
Neste encontro, que dará comezo ás 19:00 horas, participarán entre outros lendo as súas creacións Fran Bouso con Palabras de agasallo-Artigo, Iolanda Aldrei con O rapto de Europa-Poesía, Isaac Ferreira con A casa grande-Conto, Lionel Rexes con Monsieur Bocskai-Conto, Manuel Lourenzo con Catro pontes-Documental, Xesús Pisón con O regreso e televisión-Teatro, e Vera Reges con Abrazo de la ola-Conto.
 
Na primeira edición púxose en marcha de xeito...
leer más
31/07/2016
Durante o mes de agosto impartirase un obradoiro de teatro en O Valadouro. Está organizado polo Concellería de Cultura.
 
O Concello de O Valadouro, a través da súa Concellería de Cultura, organiza un obradoiro de teatro para o mes de agosto.
 
Nesta actividade os asistentes aprenderán cualidades para actuar encima dun escenario, interpretar, locución, escenificación e unha das partes máis importantes do teatro afeccionado que é aprender a improvisar.
 
O obxectivo é fomentar e difundir o teatro entre os veciños de O Valadouro sendo este concello berce do teatro.
 
O número de prazas é limitado e para anotarse hai que facelo nas oficinas da Casa da Cultura de O Valadouro ata o martes 2 de agosto...
leer más
19/07/2016
Este xoves, 21 de xullo, terá lugar un encontro literario na Ponte Vella de Frexulfe, en O Valadouro. O evento está organizado pola denominada Ponte Literaria.
 
Os organizadores da Ponte Literaria* reuníronse o día 13 para artellar as actividades do verán 2016; entre outras resolucións, artellouse unha actividade para a semana vindeira.
 
O novo encontro terá lugar o xoves, 21 de xullo ás 17:30 h., no espazo de lecer da Ponte Vella de Frexulfe (O Valadouro).
 
A experiencia consistirá nun exercicio de creación e/ou exposición literaria cunhas condicións básicas. Toda persoa que desexe participar activamente deberá levar un texto (a temática é libre e non se exixe ningún xénero concreto) para ler ou expor de xeito oral, cunha dimensión máxima de un folio.
 
... leer más
Etiquetas:
12/07/2016
O Seminario de Estudos de Alfoz e do Valadouro organiza o I Concurso Músico Vocal para menores de 20 anos en homenaxe ao músico Arcadio Mon. Será os días 16 e 17 de setembro.
 
O Seminario de Estudos de Alfoz e do Valadouro organiza un concurso músico vocal para rapaces novos, menores de 20 anos, en homenaxe ao gran músico Arcadio Mon.
 
Os participantes deberán presentar unha canción ben interpretada ou cantada, neste último caso terán que acompañar a inscrición cunha gravación instrumental que serva de fondo á súa voz. As bases recollen que no se admitirán as inscricións de grupos só de solistas e as pezas musicais presentadas poderán ser propias ou doutro autor. Ademais as pezas cantadas presentadas a concurso deberán ir en galego podendo ser traducións doutras cancións compostas noutro idioma.
 
Entre todos os inscritos ao...
leer más
Etiquetas:
12/05/2016
O Valadouro acollerá varios actos de homenaxe a Manuel María os días 14 e 17 de maio.
 
Este sábado, 14 de maio, no salón de actos da Casa da Cultura Manuel Lourenzo, ás 20:30 horas, a asociación cultural e teatral Abril de Lume e Ferro de Carral vai representar a obra de Manuel María sobre os mártires de Carral denominada Abril de Lume e Ferro.
 
Esta actividade encádrase nos actos organizados pola Concellería de Cultura de O Valadouro con motivo da celebración do Día das Letras Galegas. O martes, 17 de maio, ás 20:30 horas, o grupo de cantareiras Nova Semente de Celeiro e o grupo de cantareiras do Lar de Ferreira farán a súa particular homenaxe ás letras interpretando cancións populares galegas, e xunto ao coro parroquial Virxe das Dores de Ferreira cantarán varios temas aos que lles puxo a letra Manuel María. Nesta...
leer más
Etiquetas:
21/04/2016
No Valadouro celebran este venres, 22 de abril, o dia do libro con diversas actividades para os máis pequenos.
 
Este venres, 22 de abril, na Casa da Cultura do Valadouro celebran o Día do Libro. A partir das 11:30 horas haberá títeres e música en directo co espectáculo Titeremusicontos! 
 
Ademais desde as 12:30 horas desenvolveráse a actividade Ler conta moito co obradoiro A obra de Castelao en teatro de sombras a cargo do grupo A xanela do Maxín. Está orientado a nenos e nenas con idades entre os 10 e os 12 anos e terá lugar na Biblioteca Pública Municipal de O Valadouro.