Día

Etiquetas:
15/03/2024

O Concello de Burela celebra o Día da Árbore co alumnado de primaria dos dous centros do municipio, o CEIP Vista Alegre e o CEIP Virxe do Carme. Participarán no xogo “Que árbore é?” organizado polas monitoras do Centro de Educación Medioambiental Gaia.

O Día da Árbore celébrase o día 21 de marzo. Nesa data entregarase á clase gañadora do xogo un diploma e a cativada plantará unha árbore, proporcionada pola Delegación de Medio Ambiente, nos xardíns de cada centro.

Lina Gómez Pardo, concelleira de Cultura Medioambiental e Ecolóxica e responsable do centro Gaia, sinala que con este tipo de actividades preténdese “concienciar á comunidade e loitar por un impacto medioambiental positivo, contribuíndo á reforestación e combatindo o cambio climático”.

No día de onte explicouse en cada aula a...

leer más
Etiquetas:
06/03/2024

O mellor para papá é a nova campaña da Asociación de Comerciantes, Industriais, Servizos e Autónomos de Ribadeo para celebrar o dia do pai neste 2024.

A presidenta de Acisa, Carmen Cruzado, contou que “a campaña desenvolverase entre o 8 e o 19 de marzo. Aquelas persoas que fagan as súas compras nos comercios asociados a Acisa neses días recibirán papeletas para participar no sorteo deses dous premios que poñemos en xogo”.

O xerente de Acisa, Jesús Pérez, explicou que “nesta campaña do día do pai desde Acisa Ribadeo sortearemos dous novidosos premios. Trátase dunha experiencia denominada Siente el asfalto, de condución dun coche de alta gama nun circuíto de carreiras, a escoller entre 3.700 opcións, doada por Viaxes Eroski e valorada en mais de 100 euros. E en segundo lugar, sorteamos un reloxo...

leer más
Etiquetas:
05/03/2024

A programación organizada polo Concello de Foz para conmemorar o Día Internacional da Muller inclúe unha concentración, dúas representacións teatrais, unha sesión de contacontos, un obradoiro e unha exposición.

A concelleira de Muller e Igualdade, Elena Martínez Pena, anuncia que “como cada ano, con motivo da conmemoración do 8 de marzo, Día Internacional da Muller, o Concello de Foz súmase a esta xornada de reivindicación e loita, pois é un día no que se celebran os dereitos conquistados polas mulleres en todos os ámbitos e conmemora a longa historia de loitas e sacrificios que tiveron que levar a cabo para acadalos. A nosa programación de actividades prevista para este 8M está chea de reivindicación, cultura e moita forza”. 

A programación dará comezo o venres ás 19:00 horas coa concentración diante do Concello...

leer más
Etiquetas:
05/03/2024

AciaFozCCA sorteará 1.000 euros en vales de compra na súa campaña do día do pai, que terá lugar do 8 ao 19 de marzo. 

O presidente de AciaFozCCA, José Carlos Paleo, contou que “todas as persoas que fagan as súas compras no comercio asociado entre os días 8 e 19 de marzo entrarán no sorteo de 5 premios de 200 euros en vales de compra cada un. O sorteo farémolo en Radio Foz o 21 de marzo e do resultado informaremos, coma sempre, a través das nosas redes sociais e dos medios de comunicación”.

Paleo anima “a seguir apostando polos negocios locais, por ese comercio co que todos facemos pobo. Aquí podemos atopar todo o que precisamos para conmemorar esta data”.

E engadiu que “os Pepes, as Pepitas, os Josés, as Josefas e os papás contan en Foz cunha hostalería excelente para as súas celebracións...

leer más
Etiquetas:
03/03/2024

Dende o Concello de Alfoz programáronse diferentes actividades para celebrar o Día Internacional da Muller.

A semana do 8 de marzo a Casa do Concello estará tinguida de violeta como apoio a todas as mulleres.

“Neste tipo de conmemoracións téndese a traer conferenciantes ou artistas de fóra dos concellos cando o mellor exemplo o temos dentro” apunta Eliseo Lorenzo, delegado de Igualdade do Concello de Alfoz. Por este motivo, o 8 de marzo publicarase a I edición “Mulleres de Alfoz”, con infografías sobre mulleres relevantes do noso concello que serven de exemplo e foron pioneiras na súa vida profesional.

“Non foi doado facer unha selección para esta primeira edición xa que no noso concello contamos con mulleres de carácter que se abriron camiño con valentía e esforzo” afirma o concelleiro...

leer más
Etiquetas:
02/03/2024

A alcaldesa María Loureiro convida a veciñanza "a participar nas actividades para conmemorar esta data tan sinalada e importante, para seguir loitando pola igualdade plena entre homes e mulleres e construír deste xeito unha sociedade mellor". 

Pola súa banda, a concelleira de Muller e Igualdade, Lara Fernández Fernández-Noriega, destaca a importancia de conmemorar este día "para recoñecer tanto os avances feitos ata o momento en materia de igualdade de xénero e feminismo como para reivindicar os que aínda están por facer". 
A programación comezará o propio día 8 de marzo co acto institucional do Día Internacional da Muller e a lectura do manifesto ás 12:30 na praza Maior. 

Ao día seguinte, o sábado 9, terá lugar ás 20:30 a representación da obra 'Boa sorte, mala fama' no Teatro Pastor Díaz ás 20:30, e, ás 22...

leer más
Etiquetas:
29/02/2024

O Concello de Burela presenta a súa programación para conmemorar o 8 de marzo, Día Internacional da Muller.

Sandra Fernández, concelleira de Igualdade, convida a toda a veciñanza "a asistir aos actos en torno a esta data tan sinalada, que este ano teñen como broche de ouro a homenaxe ás guerreiras do equipo feminino do Pescados Rubén Fútbol Sala, mulleres que loitan pola igualdade e a visibilidade da muller no deporte".

Pola súa banda, a alcaldesa Carmela López sinala que “o 8M é un día para promover a loita por un mundo onde as mulleres sexamos socialmente iguais e totalmente libres, e por iso, dende Burela, imos homenaxear ás nosas guerreiras laranxas, as que están, as que estiveron e as que estarán, para que continúen abrindo camiño e,ademáis, facendo historia”.

“Animamos a toda a...

leer más
Etiquetas:
27/02/2024

A Área de Igualdade do Concello de Ribadeo organiza diversas actividades arredor da conmemoración do día internacional da muller. 

A concelleira de Igualdade, Begoña Sanjurjo, indicou que “comezamos o 1 de marzo coa visita de  Nary Ly, unha inspiradora sobrevivente dos campos da morte de Camboya. Nary, que é escritora, científica e olímpica compartirá, dentro do Programa O Concello cos coles, cos estudantes de 3º e 4º de Primaria a súa experiencia persoal e o seu novo libro infantil. O 7 de marzo poderemos asistir a unha charla  sobre a menopausia, guiada polo xinecólogo Ezequiel Cardoso González, quen nos axudará a comprender mellor este proceso natural e as súas implicacións para a saúde e o benestar das mulleres. Será ás 20:00 horas no Centro Social Comunitario”.

A edil ribadense seguiu a relatar que “o 8 de...

leer más
Etiquetas:
26/02/2024

O Concello de Cervo prepara unha axenda cargada de eventos para celebrar o Día Internacional da Muller.

As actividades contan coa organización da delegación de Muller e Igualdade, que dirixe Pilar Armada, e as diferentes asociacións de mulleres do municipio: Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade de Cervo.

O sábado día 9 de marzo terá lugar o tradicional xantar do Día Internacional da Muller, no restaurante O Noso Lar ás 15:00 horas. Todas aquelas mulleres do concello que desexen asistir poderán recoller os tíckets dispoñibles no propio local ata o 5 de marzo. Na comida farase entrega dos trofeos ás gañadoras dos campionatos de tute e parchís que se están a xogar estes días, así como un sorteo de agasallos cedido polas asociacións....

leer más
Etiquetas:
21/02/2024

O Concello de Viveiro únese á celebración este mércores, 21 de febreiro, do Día Internacional da Lingua Nai, e do Día de Rosalía o venres 23 de febreiro. Por este motivo o Concello de Viveiro anuncia o sorteo de 3 lotes de libros. Poderán participar todas as persoas que acudan o venres 23 a retirar un libro da Biblioteca Municipal ou a facerse socios ou socias da mesma. Haberá un lote de libros para público infantil, outro para público xuvenil, e outro para público adulto.

“Dende a Concellería de Cultura animamos a toda a veciñanza a celebrar estes días tan importantes para Galicia e a cultura galega, reivindicando a nosa lingua e a unha das súas figuras máis relevantes, Rosalía de Castro", sinala a concelleira de Cultura en Viveiro, Lara Fernández Fernández-Noriega.