Día

Etiquetas:
05/11/2019

O día 8 de novembro celébrase o día das librerías. O lema deste ano é “As librerías tócannos”.

Para celebralo, na Librería Bahía, terán aberto ata as 10 da noite, farán un desconto durante todo o día do 5% en todos os libros e rematarán a xornada cun coloquio ás oito e media da tarde co escritor Xavier R. Baixeras “co que falaremos sobre a novela de Tina Vallés, traducida por él e editada por Kalandraka, A memoria da árbore”.

Desde a Librería Bahía engaden que “con esta celebración queremos destacar o papel das librerías como espazos de encontro, de dinamización cultural e de descuberta do inmenso mundo que é o mundo dos libros”.

Etiquetas:
24/10/2019

O Concello de Cervo celebra o Día Internacional das Bibliotecas agasallando libros aos máis pequenos. 

Deste xeito, o alumnado do primeiro curso de infantil recibiu, da man do rexedor, Alfonso Villares, e da edil de Educación, Dolores García Caramés, o libro personalizado “Os bolechas van a Cervo”.

Villares e Caramés tamén aproveitaron a acasión para animar aos/ás nenos/as a que, se aínda non o teñen, fagan o seu carné infantil, para retirar todo tipo de libros de balde das bibliotecas municipais.

Ademais, con motivo desta efeméride, este domingo, 27 de outubro, ás 12:30 horas, o auditorio da Casa da Cultura acollerá a representación teatral infantil “Antón e Tomasa: a cabaza encantada!”.

O alcalde de Cervo, Alfonso Villares, destacou neste día a importancia de...

leer más
Etiquetas:
21/10/2019

Este xoves, día 24, ás 12:30 horas, co gallo da celebración do Día da Biblioteca, a biblioteca municipal Juana de Ibarbourou e a do CEIP Juan Rey celebrarán un acto conxunto na Praza do Conde Santo onde se lerá un manifesto e O conto máis longo do mundo, escrito e ilustrado polos alumnos e alumnas do colexio laurentino.

O Concello de Lourenzá obsequiará aos nenos e nenas participantes con agasallos conmemorativos do día.

 

Etiquetas:
19/09/2019

O Concello de Foz organiza un ano máis o Día da Bici, que se celebrará o 28 de setembro. Unha cita moi agardada por pequenos/as e maiores, que a convirte nunha actividade familiar na que compartimos unha marcha polas praias.

Sairá do Parque Infantil de Tráfico ás 16 horas e como é costume, a zona de avituallamento estará no parque do Río Ouro, onde os participantes repoñerán forzas para volver con ánimo ao punto de partida. 

Ao finalizar non faltará o sorteo da bicicleta, de agasallos e dalgunha que outra sorpresa. E como non, a entrega de premios, sempre disputada: mellor disfraz, bici mellor engalanada, máis nova/o e máis veterano/a.

A inscrición será solidaria, aportando 1kg de produtos para o Banco de Alimentos. Agora mesmo o que máis falta fai son leite, aceite, cacao, conservas,...

leer más
Etiquetas:
06/08/2019

Foz celebrará o Día de Mondoñedo o 18 de agosto, domingo, con varios actos organizados por Son´s Varadero, que conta coa colaboración dos concellos de Foz e de Mondoñedo e de comerciantes da zona.

No salón de actos do hotel Isla Nova ás 20:00 horas haberá unha charla coloquio que será moderada por Pepe Rivera e na que participarán o cronista oficial de Mondoñedo, Antonio Reigosa, e o historiador focense Xoán Ramón Fernández Pacios.

E ás 22:00 horas no barrio de Illa Nova empezará a verbena, que estará amenizada por Son´s Varadero.

Etiquetas:
21/05/2019

Este sábado, 25 de maio, na praza de abastos de Viveiro celebrarase o Día Internacional dos Mercados baixo o lema “Quere o teu mercado”.

Haberá demostracións de coctelería con Domingo González, de Temple Cocktail Bar e Marcelo Bartender, de Tiki Bora Bora. Ademais terá lugar un showcooking con Víctor Valenzuela, do restaurante O Muro e Alejandro Balseiro, do Hotel Urban Viveiro. Durante a xornada actuará o grupo Pindusa de Bágoas da Terra e haberá amenización con d´j.

Tamén haberá actividades para os máis pequenos con Eureka, sobre a pirámide alimentaria, a pesca e a elaboración dunha mazá de globoflexia.

Organiza esta xornada o Concello de Viveiro coa colaboración de Bágoas da Terra, Hotel Urban Viveiro, Restaurante O Muro, Temple Cocktail e Tiki Bora Bora.  

 

Etiquetas:
26/04/2019

O Centro Comercial Aberto de Foz sorteará 500 euros en vales de compra na súa campaña do día da nai. 

Todas aquelas persoas que durante estas xornadas realicen as súas compras nos establecementos asociados ao CCA focense entrarán no sorteo de cinco vales de compra de 100 euros cada un para gastar ao longo das vindeiras semanas. 

O sorteo terá lugar o 6 de maio a partir das 11 da mañá e poderá seguirse en directo a través da emisora local Radio Foz. 

O presidente de ACIA/CCA, José Carlos Paleo, anima “a realizar as compras desta tradicional data no comercio local, no que temos a carón da casa. En Foz podemos atopar todo o que precisamos para agasallar ás mamás nun día tan especial”. E engade: “e despois toca celebralo coa familia na hostalería local. Contamos cun sector da restauración moi...

leer más
Etiquetas:
26/04/2019

O Centro Comercial Aberto de Burela inicia unha nova campaña de dinamización do comercio local co sorteo de 700 euros en premios para os usuarios dos locais de CCA Burela.

Este ano a celebración é o día 5 de maio e ata ese mesmo día todas as compras superiores a 10 euros nos establecementos asociados entregarán un ticket para participar no sorteo que se celebrará o día 8 de ese mes e no que outorgarán 2 premios de 350 euros en vales de compra cada un.

Para demostrar a transparencia colgarase un vídeo do sorteo nas redes socias da asociación no que se garante que só sexa o azar a que determine quen levará os premios.
Desde a asociación de comerciantes animan a participar a todo o mundo e xa que confiar no consumo de proximidade trae premios que non permiten outro tipo de comercios.

A...

leer más
Etiquetas:
25/04/2019

A Escola Municipal de Música e Danza (EMMeD) de Ribadeo celebra este venres, 26 de abril, ás 20:00 horas no Auditorio Hernán Naval o Día Internacional da Danza.

Polo escenario pasarán alumnas e alumnos da Escola das diferentes especialidades de danza, dando forma ao programa desta actuación, aberta ao público e gratuíta.

Así mesmo, o grupo de danza da EMMeD foi convidado polo Conservatorio Profesional de Danza de Lugo a participar no Encontro de Centros de Danza, que terá lugar o vindeiro martes, 30 de abril, na capital lucense, dentro dos actos da Semana da Danza, coa participación de diversos centros de ensino de danza clásica e contemporánea de Galicia. Será ás 20:00 horas no Auditorio Gustavo Freire.

 

Etiquetas:
08/04/2019

O Concello de Cervo celebrará a XXXVI edición do Día do Xubilado o 1 de maio.

O alcalde de Cervo, Alfonso Villares, informou de que xa está aberto o prazo de inscrición para participar neste encontro e a veciñanza ten ata o 26 de abril para anotarse na Casa do Concello, en Cervo, ou na Casa da Cultura, en San Ciprián; achegando unha fotocopia do DNI da persoa solicitante e do cónxuxe (se procede) e unha fotocopia da Cartilla de Pensionista.

Ese mesmo día entregaranse os trofeos do campionato de tute e parchís que se está a xogar estes días na Casa do Mar de San Ciprián, no que participan unha vintena de parellas (12 xogan ao tute e 11 ao parchís).