Libro
O libro titulado Francisco Fernández del Riego, un loitador pola idea de Galicia, escrito por Malores Villanueva Gesteira, será presentado no Pazo de Tovar este sábado, 4 de febreiro, ás 18:00 horas.
Ademais da autora da publicación, no acto participarán a alcaldesa de Lourenzá, Rocío López García, e Xosé Luis Fernández Rivera, membro da Mesa Coordinadora Don Paco.
Esta presentación está organizada polo Concello de Lourenzá, a Mesa Coordinadora Don Paco e Editorial Galaxia.
A reedición do libro titulado Lourenzá, escrito por Francisco Fernández del Riego, será presentada no salón de actos do Concello de Lourenzá o vindeiro martes, 31 de xaneiro, ás 20 horas. Esta obra de Fernández del Riego foi reeditada polo Concello de Lourenzá e Editorial Galaxia.
No acto participarán a alcaldesa de Lourenzá, Rocío López García; Manuel Román Ramos, historiador estudoso da obra de Del Riego; e o director xeral de Editorial Galaxia, Francisco Castro.
Esta presentación está organizada polo Concello de Lourenzá, a Mesa Coordinadora Don Paco e Editorial Galaxia.
O 16 de decembro preséntase na Casa da Cultura focense o libro "As tarrafas de Foz", de Andrés Díaz.
O venres, 16 de decembro, ás 20:30 a Casa da Cultura de Foz acolle a presentación dun libro de Andres Díaz sobre a arte das tarrafas no concello de Foz. O acto está organizado pola asociación A Pomba do Arco.
O autor explicará na súa conferencia cales son as características destas embarcacións no porto de Foz, as súas diferenzas coas do porto de Viveiro, o número de buques que desde comezos do século XX traballaron nesta arte en Foz e os patróns máis significados e mariñeiros máis significados deste período.
Andrés Díaz proxectará na súa palestra diversas fotos de barcos da arte da tarrafa que tiñan como base o porto de Foz.
Este xoves, 1 de decembro, ás 20:30 horas terá lugar na Libraría Bahía, en Foz, a presentación de Kéltiga, cartas mitolóxicas galegas.
Trátase dun xogo de cartas que representan figuras, lugares e sucesos da mitoloxía galega e que veñen acompañadas dun libro que explica a orixe e sentido das mesmas.
Kéltiga é unha obra de Carmen Tomé, Katova de nome artístico, antropóloga e artista plástica autora das cartas e dos estudio antropolóxico que as acompaña.
Na presentación este xoves estará xunto coa autora, Jacinta Martín coa que relizará unha representación de tres historias utilizando o teatro xaponés Kamishibai.
O vindeiro sábado, 3 de decembro, terá lugar no salón de actos da Casa da Cultura de Alfoz a presentación do libro A montaña do poeta, de Lionel Rexes.
Esta obra foi galardoada co Premio de Novela “Lueiro Rey” do Concello do Grove o pasado ano, e publicada pola editorial Xerais a comezos de setembro.
Lionel Rexes xa obtivera este mesmo premio en 2017 pola novela A raíña das velutinas.
No acto do sábado intervirá ademais do propio autor, o descendente de Noriega Varela e estudoso da súa figura, Pepe de Noriega.
Durante o acto poderán adquirirse exemplares da novela. Ao remate o autor asinará o libro a todos os asistentes que así o desexen.
Organizado por xentileza da asociación veciñal de Mor.
O Observatorio da Mariña pola Igualdade organiza, coa colaboración do Concello de Viveiro, a presentación do libro ‘Pornografía. El Placer del Poder’, o 17 de novembro na Sala Multiusos do Concello a partir das 20.30 horas.
A obra da académica e feminista Rosa Cobo repasa as orixes da pornografía co propósito de espertar conciencias e alertar sobre os efectos do consumo. Neste libro tamén se trata a súa efectividade á hora de construír un discurso e un imaxinario de violencia misóxino, ademais de advertir sobre a relación directa existente entre a pornografía e a prostitución.
Á presentación de ‘Pornografía. El Placer del Poder’ asistirá o Clube de Lectura nunha cita coordinada pola Concellería de Cultura, que contará tamén coa presenza das librarías da vila con exemplares do libro para a súa venda.
A Casa do Viejo Pancho acollerá o vindeiro xoves, 3 de novembro, a presentación de O libro negro da lingua galega, do que é autor Carlos Callón.
A concelleira de Cultura, Pilar Otero, dixo que “o acto terá lugar na sala de presentacións a partir das 20:00 horas. Carlos Callón é doutor en filoloxía e presidente de honra da Mesa pola Normalización Lingüística”.
Otero Cabarcos explicou que “tamén haberá charlas de presentación de Carlos Callón o 4 de novembro en centros de ensino de Ribadeo. Ás10 da mañá será no salón de actos do Colexio Sagrado Corazón e ás 11.30 horas no salón de actos do IES de Ribadeo Dionisio Gamallo”.
A edil ribadense engadiu que “esta actividade, enmarcada no ciclo #OConcelloCosColes, está organizada polo Concello de Ribadeo coa colaboración da Mesa pola...
leer más
A asociación cultural A Pomba do Arco organiza o vindeiro 27 de outubro ás 20:30 na casa da cultura “Poeta Manuel María” de Foz a presentación do libro de Suso Piñeiro “Castelao. Plástica e pensamento”
O traballo de Piñeiro representa un percorrido pola obra artística do primeiro Castelao, concretamente entre 1903-1916, un período de aprendizaxe e lanzamento público do ilustre artista, escritor e político de Rianxo.
Coa colaboración do Concello de Viveiro, o vindeiro venres, 7 de outubro, ás 20,30 horas, no salón de actos da Casa do Concello de Viveiro, presentarase o libro "Un año contigo", de Raquel Amieiro e Pepe Peinó.
Nel cóntase a historia de Raquel durante o ano 2019, en que se lle diagnosticou un tumor canceríxeno de mama, como foi pasando polos diversos tratamentos de quimioterapia, radioterapia e hormonoterapia e como conseguiu recuperar a saúde.
Os beneficios obtidos pola venda do libro doaranse para a investigación na curación do cancro. O acto contará coa presenza dos autores e da psicóloga Teresa Pérez, así como do acompañamento musical do cantante Toni Cazás.
O próximo venres, 30 de setembro terá lugar na sala de exposicións da Casa da Cultura do Vicedo a presentación do libro "Mar Gremial" de Vicente Míguez Salgueiro, antigo mestre do colexio vicedense. Será ás 20 horas.
Ademais do propio autor, na presentación intervirán: Carlos Nuevo Cal, como cronista oficial de Viveiro, e Jesús Novo Martínez, o alcalde do Vicedo.