Encontro
Burela acollerá o vindeiro 18 de maio o seu XIV Encontro de Palilleiras, un evento organizado pola Asociación Cultural e Artesanal de Mulleres Palilleiras As Encaixeras, que agarda recibir a centos de palilleiras para compartir arte e tradición.
O evento presentouse no Concello de Burela coa presenza da alcaldesa, Carmela López, o deputado provincial Iván Castro e a presidenta de As Encaixeiras, Paqui Romo.
O encontro desenvolverase integramente no porto de Burela, con horario de mañá e de tarde de 10:30 a 14:00 e de 16:00 a 19:00 horas. Durante a xornada tamén será posible visitar o Barco Museo Reina del Carmen.
A programación comezará coa recepción das palilleiras, dando paso ás 11:30 horas á inauguración do evento, seguida dunha degustación de empanada de pescada e dunha viaxe ó Monte...
leer más
Burela acolle o I Encontro de Coros Infantís e Xuvenís da Mariña Lucense "MariñaEnCanto", organizado pola Fundación Bal y Gay. Desenvolverase do venres 19 ó domingo 21 de abril: o sábado celebrarase o ensaio xeral e o domingo ás 12:30 horas o Auditorio de Burela acollerá o concerto de clausura, aberto ó público.
Participarán entre 200 e 250 alumnos de centros de Burela, Viveiro, Foz e Ribadeo.
O Concello de Trabada organiza un ano máis o seu Encontro dos nosos maiores, unha cita festiva e de lecer ao que están convidados tódolos veciños e veciñas maiores de 65 anos e o seu respectivo cónxuxe ou familiar.
“Despois dunha vida intensa de traballo, as persoas maiores merecen o noso recoñecemento e por iso o concello organiza esta xornada tan especial, unha homenaxe e un día de fraternidade e reencontros, no que xuntamos a diferentes xeracións e a veciños e veciñas de todas as parroquias”, asegura o alcalde de Trabada, Rubén García.
O xantar dará comezo ás 14:00 horas no pavillón municipal de Trabada, con entrega de agasallos e baile posterior.
As persoas interesadas deben inscribirse á maior brevidade posible e, en todo caso, antes do día 24 de abril (mércores) de forma presencial...
leer más
O Concello de Cervo retoma este ano o tradicional Encontro de Palilleiras, que xa vai pola XVII edición e que se celebrará o próximo 25 de maio, na carpa instalada na Praza dos Campos, tal e como informou a edil de Servizos Sociais e Educación, Pilar Armada.
As persoas interesadas en formar parte do evento, con prazas limitadas, poden anotarse na Casa da Cultura (982.59.51.57). A actividade complementarase cunha feira de artesanía e coa instalación de postos de venta de produtos relacionados coa actividade.
A Área de Cultura da Vicepresidencia da Deputación de Lugo, a través da Rede Museística Provincial de Lugo, busca dar visibilidadeao papel das mulleres galegas na historia do país cun novo “Encontro de saberes compartidos”.
Neste encontro, que terá lugar o sábado, 16 de marzo, ás 17:30 horas no Museo Provincial do Mar de San Cibrao, en Cervo, estará presente a historiadora Alba Díaz Geada, que achegará o relatorio "Mulleres en rebeldía: o motín de Cervo, 1892". Unha narrativa na que descubrirá o papel das mulleres nas revoltas do século XIX provocadas pola suba dos consumos e a carestía da vida. Nomeadamente, pola proximidade dos feitos, compartirá o que leva descuberto ata o de agora acerca do motín de Cervo, encabezado polas mulleres do lugar, o 23 de agosto de 1892 e que deixou pegada na historia da localidade.
Ribadeo acollerá do 13 ao 17 de novembro unha xuntanza do proxecto europeo de robótica no que participa Apaga. Ao encontro asistirán vinte profesores e alumnos chegados de Turquía, Polonia e Italia, que ademais visitarán centros de ensino e empresas e coñecerán a comarca e outras cidades como Lugo, Santiago e Avilés.
O presidente de Apaga, Álvaro Doural, contou que “esta é a última xuntanza deste proxecto europeo, que reúne a centros educativos de Turquía, Polonia e Italia. Nesta parte final hai un apartado dedicado á actividade cultural e visitas a empresas. Empezaremos o día 13, cando teremos un acto de acollida no local de Apaga. E despois, ás 10 da mañá, haberá unha recepción no Concello de Ribadeo, na que estará o alcalde. A continuación actuará un grupo de gaitas ribadense e pola tarde faremos unha visita cultural guiada polo casco...
leer más
O sábado, 7 de outubro, terá lugar en Xove o XII Encontro de Palilleiras.
Con ánimo de que este encontro sexa unha demostración do encaixe de bolillos, desde o Concello xovense invitan a todas as asociacións de palilleiras e vendedores artesanais “a que nos acompañen ese día. A día de hoxe temos algo máis de 350 palilleiras inscritas (procedentes das 4 provincias galegas, Asturias e León) e uns 25 vendedores anotados”.
O Encontro, que se vai desenvolver no Pavillón de Deportes, vai comezar pola mañá ás 10:30 horas coa recepción de todas as palilleiras. O horario de apertura ao público vai ser de 10:30 a 13:00 horas pola mañá e der 16:30 a 19:00 horas pola tarde. A entrada, como sempre, vai ser libre e gratuíta para todos.
A organización corre a cargo da Concellería de Servizos Sociais a...
leer más
O xoves, 21 de setembro, ás 20:30 horas na Libraría Bahía, de Foz, terá lugar un encontro coa escritora vasca Edurne Portela e o autor galego Xosé Monteagudo.
Este encontro enmárcase no programa Afinidades Electivas, promovido e financiado polo Ministerio de Cultura.
Edurne Portela doctorouse nos EUA oonde exerceu tamén como docente e investigadora. Vive en España dende o ano 2016 onde publica e colabora en prensa e radio. A súa obra, de grande calidade literaria e ao mesmo tempo capaz de chegar ao gran público, constitúe unha indagación nas distintas formas de violencia, os relatos que construímos sobre a mesma e as feridas que deixan no plano individual e social. Publicou o ensaio El eco de los disparos sobre ETA e a violencia no País Vasco, que vai pola terceira edición e as novelas Mejor la ausencia, Los ojos cerrados e Formas...
leer más
O sábado 7 de outubro terá lugar no Concello de Xove o XII Encontro de Palilleiras. Con ánimo de que este encontro sexa unha demostración do encaixe de bolillos desde o Concello “invitamos a todas as asociacións de palilleiras e vendedores artesanais a que nos acompañen ese día”.
O prazo de inscrición para participar estará aberto ata o día 30 de setembro e pódese facer a reserva a través das solicitudes que se atopan na páxina web do Concello de Xove www.xove.es e enviándoas por correo electrónico a encontropalilleiras@xove.es
O venres, 18 de agosto, terá lugar en Alfoz “O noso teatro”, un encontro teatral de Xesús Pisón e Manuel Lourenzo na Casa de Cultura ás 20.30 horas. O evento componse de diferentes partes que contan coa participación doutras figuras da cultura galega.
Primeiramente, a presentación do acontecemento teatral vai da man de Lionel Rexes. Seguidamente, terán lugar as lecturas dramatizadas dos protagonistas. Por unha banda, “Nai vella”, de Xesús Pisón, estará interpretada por Inma Orol e pola outra “Belicosario”, de Manuel Lourenzo, será exposta polo propio autor xunto a Pepa Lorenzo.
A terceira parte do evento incluirá un relato dos autores no que recorrerán co público os seus comezos no teatro. Finalmente, rematará co participación dos asistentes cun coloquio no que todos poden participar como broche de ouro.