A Biblioteca Pública de Burela pon en marcha unha nova edición do seu concurso de Postais de Nadal e o prazo para presentar traballos remata o 15 de decembro

A Biblioteca Pública Municipal de Burela organiza unha nova edición do concurso de Postais de Nadal, unha iniciativa dirixida aos nenos e nenas do municipio en idade escolar, que poderán participar elaborando as súas propias creacións arredor da temática do Nadal. O concurso está aberto ao alumnado de Educación Infantil e de Educación Primaria, dividido en catro categorías: Educación Infantil, 1º e 2º de primaria, 3º e 4º de primaria e 5º e 6º de primaria. Os traballos deberán entregarse na biblioteca sen asinar e acompañados dun sobre pechado no que figuren os datos da persoa autora, incluíndo o nome, o teléfono, o colexio, o curso e a idade. O prazo de recepción permanecerá aberto ata o martes 15 de decembro ás 20:00 horas.

O Concello de Burela tamén anuncia que unha vez rematado o prazo de presentación, as creacións participantes poderán ser visitadas polo público na Sala de Arte da Casa da Cultura, onde permanecerán expostas desde o martes 22 de decembro de 2026 ata o venres 29 de xaneiro de 2027.

A información sobre o concurso e as bases poderán consultarse na Biblioteca Pública Municipal de Burela e na web do Concello.

O Concello de Burela anima aos nenos e nenas de Burela a participar e “achegar a súa creatividade á celebración do Nadal”.