Eventos
Acisa Ribadeo celebrará o 19 de outubro a súa XI Gala Anual na que conmemorará o seu 36 aniversario e na que se entregarán varios galardóns: ao relevo xeracional, ao negocio emblemático, ao compromiso na vida empresarial, a toda unha carreira e ao ribadense do ano. As tarxetas para asistir a este evento poden adquirirse ata o vindeiro xoves, día 16.
Carmen Cruzado, presidenta de Acisa, explicou que “consideramos importante esta cita, consolidada xa, como unha velada de encontro entre o empresariado ribadense. Coa súa celebración pretendemos reafirmar o noso compromiso coas nosas asociadas e asociados, os lazos empresariais, así como o intercambio de opinións, experiencias... por elo animamos a todo empresariado asociado e tamén ao non asociado a que poidan asistir o vindeiro 19 de outubro á nosa XI Gala Anual na que conmemoraremos os 36...
leer más
A parroquia ribadense de Piñeira celebra as festas do Santo Cristo esta fin de semana, sábado 11 e domingo 12 de outubro.
As actividades comezarán o sábado ás 22:00 horas coa verbena, na que actuarán as orquestras Capitol e Compostela. E haberá espectáculo de fogos artificiais ás 00:00 horas.
E o domingo celebrarase misa solemne ás 13:00 horas cantada polo Coro Parroquial de Ribadeo; despois haberá procesión co cuarteto Illa Pancha e sesión vermú a cargo de Los Adrianos, con xamón cocido e empanadas de balde.
Os organizadores destacan: “dispoñerase de carpa, amplo aparcamento e colchonetas de balde para os máis pequenos”.
O Seminario de Estudos Terra de Viveiro organiza unha viaxe a Lugo para o día 12 de outubro, Domingo das Mozas. A saída será ás 9:30 da mañá dende a Estación de Autobuses de Viveiro.
A excursión inclúe xantar (con polbo á feira, carne á maragata, bebidas, sobremesa e café), percorrido polo casco histórico de Lugo, variadas exposicións, mostra de artesanía popular e distintas actuacións e eventos nas rúas e no recinto feiral e visita á Rúa dos Viños.
O prezos para os soci@s do Seminario de Estudos Terra de Viveiro é de 45 euros e as persoas que non pertencen ao colectivo terán que pagar 50 euros. Os tickets para participar hai que recollelos en Aquilino MAPFRE.
A Aula Universitaria da UNED de Foz presenta un mes de outubro con tres propostas abertas á veciñanza, combinando cultura, ecoloxía e lecer para todas as idades. Serán os días 16, 20 e 24.
O xoves 16 de outubro de 16:30 a 18:30 horas celebrarase a ruta turística Foz, sabor a mar, un paseo guiado a cargo de Ana Pena, de Guía tu día, guía turística nativa de Foz. A actividade, organizada en colaboración coa Concellería de Turismo, “permitirá coñecer o pasado mariñeiro da vila e afondar na súa identidade costeira, ofrecendo unha nova mirada sobre o patrimonio local”.
A concelleira de Turismo, Katy Navarro, salienta que “esta iniciativa amosa o valor de traballar de forma coordinada entre as diferentes áreas do Concello e a Aula Universitaria da UNED. A unión de esforzos permítenos poñer en valor os recursos...
leer más
O programa da XXXVIII Feira do Mel do Valadouro inclúe actividades os días 10 e 11 de outubro, venres e sábado.
O venres ás 19:00 horas haberá o contacontos musical A abella sabelotodo, a cargo de 2Plicas na Casa da Cultura.
E o sábado ás 10:00 horas terá lugar a apertura da Feira do Mel na Praza de Santa María e nas rúas de Ferreira. Tamén se inaugurará unha exposición de colmeas cedidas pola Asociación Galega de Apicultura (Delegación de Mondoñedo) e decoradas polo alumnado dos CEIP Castro de Ouro e Santa María de Valadouro. Ás 11:00 haberá un obradoiro de velas e pulseiras a cargo de Devalo. Ás 12:00 horas a AC Amado Lar ofrecerá un pasacalles. Ás 13:00 terá lugar unha demostración e degustación de filloas con mel.
Ademais ao longo da mañá haberá degustación de café e de...
leer más
A Espiñeira, no municipio de Foz, celebrará as festas na honra da Virxe do Pilar esta fin de semana, o sábado 11 e o domingo 12 de outubro.
As actividades comezarán o sábado ás 13 horas con misa solemne e procesión seguida da sesión vermú a cargo da orquestra Salsarena, que tamén actuará na verbena xunto ao grupo Beatriz.
E o domingo ás 13 horas celebrarase misa solemne e procesión acompañada da Banda de Música do Concello de Foz. A continuación haberá sesión vermú longa a cargo do grupo Dasilva.
A organización destaca que dispoñen de carpa.
O Concello de Cervo convida á veciñanza e visitantes a participar nas festas de San Román de Vilaestrofe, que terán lugar no pavillón de deportes da parroquia entre o venres 10 e o domingo 12 de outubro. As celebracións foron presentadas pola tenente de alcaldesa Mali Méndez; polo edil de Zona Rural, Adrián Arias; e por representantes da Comunidade de Montes de Vilaestrofe, entidade organizadora das festas coa colaboración do Concello.
O programa arrinca o venres 10 de outubro ás 23:00 horas cunha verbena amenizada polo grupo Los Key. O sábado 11 celebrarase ás 13:00 horas a misa solemne na honra da Virxe do Carme, cantada polo Coro Parroquial de Cervo; a continuación terá lugar a sesión vermú co grupo Fénix. Xa pola noite, a partir das 22:30 horas a verbena contará coas actuacións da orquestra Galilea e do grupo Fénix. O domingo 12 de...
leer más
O Concello presenta Ribadeo en Rede, unha serie de encontros e actividades que terán lugar os vindeiros días 11 e 12 de outubro, sábado e domingo.
A concelleira de Comercio, Marta Saiz, explica que “esta mostra, na que se poderá disfrutar da gastronomía, de obradoiros, de música, así como tamén do mercado de produtos da nosa terra, está organizada polo Concello de Ribadeo en colaboración coa Sucadoira e coa Rede EuSumo para o fomento do cooperativismo e a economía social, na que o Concello está integrada”.
A edil ribadense anuncia que “o programa dará comezo o sábado 11 cunha mesa redonda que levará por título Proxectos en Rede e que servirá para dar visibilidade aos proxectos e entidades que tecen redes e oportunidades no territorio”. Na mesa, que se celebrará na Praza de Abastos, participarán persoas de...
leer más
A biblioteca municipal de Barreiros acollerá un escape room para rapazada de 4 a 16 anos. Será o día 23 de outubro, xoves, ás 16:30 horas.
O Concello de Barreiros anuncia: “achégase o Día das Bibliotecas e queremos celebralo cunha actividade para a rapazada. O día 23 de outubro ás 16:30 horas faremos un escape room na Biblioteca Municipal de Barreiros, onde se agochan unha serie de misterios que deberedes resolver. Por equipos, utilizando a cooperación, o enxeño e a comunicación activa teredes que superar unha serie de probas e descifrar enigmas para conseguir o obxectivo común. Quen será capaz de resolvelo? Trátase dunha actividade moi divertida, que vos permitirá resolver problemas a través do traballo en equipo. De aquí levaredes unha aprendizaxe moi importante para o voso futuro, poñendo en valor a importancia da biblioteca e da...
leer más
O Concello de Cervo convida á veciñanza e visitantes a asistir á II Mostra de Cantareiras/os de Cervo, que se celebrará este sábado, día 11 de outubro, ás 18:30 horas no Salón de Plenos da Casa do Concello.
Esta actividade forma parte dos actos conmemorativos do 50 aniversario da Asociación Cultural Airiños do Xunco, “unha entidade de referencia no municipio e na comarca que leva medio século traballando de xeito incansable na dinamización cultural e na preservación das tradicións musicais galegas”, destaca o Concello de Cervo.
Na mostra participarán A.C. Amado Lar (O Valadouro), A.C. Troula do Ortegal (Ortigueira), A.F. Arco da Vella (San Miguel de Reinante) e as anfitrioas Cordenaia (Cervo), que se xuntarán “para ofrecer unha tarde chea de música tradicional galega e de reivindicación do papel das cantareiras/os...
leer más