Eventos
A recentemente creada asociación xuvenil La Moderna, de Ribadeo, organiza unha festa de disfraces de Samaín para este venres, día 31 de outubro.
Será na sala ribadense Rosa Lar desde as 23:00 horas e a música correrá a cargo de dous DJs.
A III Noite das Ánimas celebrarase en Burela este venres, día 31 de outubro. Será na Praza de Abastos desde as 17:00 horas.
Esta actividade está organizada pola Asociación Cultural e Musical Arume, de Burela, que anuncia: “este venres 31 agardámoste para celebrar a III Noite das Ánimas, unha tarde chea de tradición e cultura galega. Xogos populares, talleres para decorar cabazas, facer bonecos de millo e as bonecas da vella, música, gran chocolatada para merendar, actuacións en directo e unha Sinistra Compaña que sairá en procesión. Trae a túa cabaza, o teu candil e as túas roupas brancas (opcional) e pasa unha xornada ós pes do Alén. Sortearase unha gran cesta”.
A entrada é de balde.
O Departamento de Xuventude do Concello de Xove organiza unha Festa de Samaín para este venres, día 31 de outubro. Será no Centro Xuvenil de 16:30 a 19:30 horas.
“Poñede os vosos disfraces e vide pasar unha tarde divertida movendo o esqueleto. Teremos música, xogos e moitas lambetadas”, anuncia o Concello de Xove.
O Concello de Foz anuncia que a comparsa As Farangullas será a pregoeira do Entroido 2026.
A concelleira de Cultura, Inés López Couto, explica que “en proceso de recollida de solicitudes para a elección de raíña ou rei do Entroido 2026 vanse confirmando novidades para o mesmo. Un dos eventos máis emotivos en Foz é o pregón que se celebra o venres anterior ao desfile. Este ano o Concello propuxo como pregoeira á comparsa As Farangullas, que non só se encargará do pregón senón tamén da exposición do Entroido que se inaugura o xoves de comadres”.
Inés López Couto engade que “As Farangullas son unha comparsa que comeza a súa andadura no ano 2007 e que participan todos os anos de todos os eventos carnavaleiros. Estamos seguros de que serán unhas pregoeiras que demostrarán o sentimento de Foz co seu Entroido”.
... leer más
O GALP A Mariña-Ortegal realizará o 15 de novembro, sábado, en Foz unha xornada divulgativa e inmersiva para a posta en valor da riqueza dos ecosistemas mariños. O proxecto inclúe unha exposición fotográfica internacional, inmersión 360 e contido exclusivo sobre a biodiversidade e os hábitats submarinos de Galicia.
O Grupo de Acción Local do Sector Pesqueiro (GALP) A Mariña-Ortegal pon en marcha DIVULMAR, un proxecto integral de sensibilización dirixido a toda a cidadanía “co obxectivo de conxugar a posta en valor da riqueza dos fondos mariños coa concienciación sobre o consumo responsable. A iniciativa, organizada por Maremasma, profesionais da bioloxía mariña e a conservación con máis de 10 anos de experiencia, aposta por un formato educativo e inclusivo, onde o obxectivo fundamental é a posta en valor do patrimonio medioambiental do...
leer más
Teatro, música, literatura, exposicións e obradoiros son algunhas das propostas da axenda cultural de Ribadeo para o último trimestre do ano, que foi presentada pola edil Begoña Sanjurjo.
A concelleira de Cultura explicou: “preparamos unha axenda diversa para este último trimestre do ano, pensada para chegar a toda a veciñanza, desde o público infantil ata o adulto, e que combina teatro, música, literatura, exposicións e obradoiros. Queremos que Ribadeo siga sendo un referente cultural na comarca e que cada trimestre a cidadanía poida gozar de novas propostas de calidade”.
Begoña Sanjurjo contou que “durante o mes de outubro destacan as representacións teatrais da XXII Mostra de Teatro Afeccionado Daniel Cortezón, da que xa desfrutamos a pasada fin de semana; os Seráns de Teatro nas escolas das parroquias; e...
leer más
Este sábado, 25 de outubro, terá lugar en Barreiros o primeiro sorteo da campaña De compras polo comercio da Mariña Lucense, que organiza a FCAM. En xogo estarán 500 en vales de compra.
Desde FCAM a súa presidenta, Carmen Cruzado, explica que “todas as persoas que desde o 20 ao 25 de outubro fagan as súas compras nos negocios asociados a Acia Foz-CCA e nos negocios de Barreiros poderán participar no sorteo. So teñen que achegarse entre as sete e media e as oito e media pola Praza do Souto, de San Miguel, a obter as súas papeletas. Por cada tícket de compra que nos amosen recibirán un boleto para participar no sorteo que realizaremos a partir das 20:30 horas. Haberá tres premios en vales de compra de 250, 150 e 100 euros”.
O tesoureiro e presidente de Acia Foz-CCA, José Carlos Paleo, explica que “o obxectivo...
leer más
O Concello de Alfoz organiza para este sábado, día 25 de outubro, obradoiros e xogos na biblioteca municipal e cine na Casa da Cultura.
A biblioteca municipal acollerá unha tarde “chea de diversión e aprendizaxe”. De 17:00 a 20:00 horas haberá obradoiros e xogos para nenos e nenas ata 12 anos, actividade que é de balde e sen inscrición previa. “Unha xornada para descubrir o pracer da lectura e celebrar o papel das bibliotecas como espazos de encontro, cultura e imaxinación”, explica o Concello de Alfoz.
Ademais ás 20:00 horas na Casa da Cultura terá lugar a proxección da película Antes de nós, unha iniciativa da área de Cultura do Concello de Alfoz dentro da programación para celebrar o Día das Bibliotecas. “Unha sesión de cinema con entrada libre que inclúe mensaxes informativos e de sensibilización da...
leer más
La asociación de vecinos San Julián de Sante, en el municipio de Trabada, organiza una fiesta infantil de Halloween para este sábado, día 25 de octubre, desde las 16:30 horas.
Habrá actividades como Truco o trato, Juegos terroríficos, Concurso de postres, Prepara una merienda terrorífica y Juegos vampíricos de supervivencia para mayores de 7 años.
Para anotarse puede enviarse un whatsapp al 696.266.162 o contactar con cualquier miembro de la asociación de vecinos de Sante.
O Concello de Barreiros organiza actividades para celebrar o Día das Bibliotecas este venres, día 24 de outubro, e o martes 28.
“Con motivo do Día Internacional das Bibliotecas, o 24 de outubro, desde o Concello de Barreiros queremos poñer en valor estes espazos cheos de vida, historias e igualdade. Na Biblioteca Pública Municipal o venres 24 de outubro ás 12:00 horas, inauguración do Punto Lila coa doazón de libros dende a área de Igualdade do Concello de Barreiros. A partir deste día a biblioteca contará cun novo espazo onde se albergarán as obras escritas desde unha perspectiva que axude na concienciación sobre a violencia de xénero e á igualdade”, anuncia o Concello de Barreiros.
E na Biblioteca Rural de San Xusto o martes 28 de outubro ás 18:00 horas a área de Igualdade do Concello de Barreiros fará entrega...
leer más