Eventos
A creación contemporánea e o coñecemento artesanal das redeiras de Burela conxúganse no proxecto artístico titulado Facer territorio atando cabos, de Irene Trapote e Sergio Marey, impulsado pola Rede Museística Provincial. A deputada provincial de Cultura, Iria Castro; o tenente alcalde de Burela, Marío Pillado; e a concelleira de Servizos Sociais e Igualdade, Sandra Fernández Cillero; acompañados pola xerente da Rede Museística Provincial, Encarna Lago; visitaron a nave de redes do porto de Burela, onde artistas e redeiras comparten xornadas de traballo co obxectivo de crear unha obra artística. A Vicepresidencia da Deputación de Lugo explica que “o proxecto concibe o proceso creativo como un acto de escoita e produción conxunta no que a artista e as redeiras traballan en horizontalidade, e que contará con diferentes fases. A primeira, que se desenvolve...
leer más
O Centro de Saúde de Burela acollerá este venres, día 27 de marzo, unha actividade centrada na alimentación saudable, que terá lugar despois do paseo saudable organizado conxuntamente pola Estratexia Nacional de Saúde do Concello e o Centro de Saúde. A sesión desenvolverase na Biblioteca do Centro de Saúde de Burela e estará dirixida polo equipo de REGAPS da Dirección Xeral de Saúde Pública no marco do Programa de Promoción da Saúde. A actividade require inscrición previa no Concello de Burela ou a través do teléfono 982.586.000. Anunciouno o Concello de Burela, que engade: “durante a xornada abordaranse contidos teóricos e dinámicas prácticas relacionadas coa alimentación equilibrada, empregando ferramentas como o prato de Harvard, a preparación de alimentos de forma saudable e a planificación de comidas. O obxectivo da sesión é facilitar que a cidadanía poida...
leer más
O Centro Histórico de Viveiro (CCHV) anuncia que ofrece para esta Semana Santa Tapeo de Cuaresma e visitas guiadas: “un ano máis seguimos ampliando a oferta de actividades da Semana Santa de Viveiro. Este ano o Juepeo do xoves 26 de marzo será Tapeo de Cuaresma, unha iniciativa posta en marcha en colaboración ca Xunta de Cofradías da Semana Santa de Viveiro e na que, por suposto, ó ser un tapeo de Cuaresma ningunha tapa leva carne. Este ano volveremos a realizar as visitas guiadas polo Casco Histórico de Viveiro da man do historiador Xesús Martínez, tamén en colaboración ca Xunta de Cofradías de Viveiro. Esta é xa a dezaseisava edición, nada mais nin nada menos que 16 anos organizando estas visitas guiadas nunha das semanas mais importantes do ano na vila. Cabe resaltar o éxito obtido nas pasadas edicións, dende o primeiro ano que se puxeron en marcha, que foi no...
leer más
Dentro do novo contrato de xestión do Ciclo Integrado da Auga, asinado o día 1 deste mes de marzo, o Concello de Foz presentará mañá, martes 24 de marzo, novos canais dixitais (web, Facebook e Instagram) para un servizo de abastecemento de auga máis próximo e transparente e unha oficina virtual para poder facer trámites de forma áxil e segura durante as 24 horas.
A presentación, que é un acto aberto ao público, contará coa presenza do alcalde de Foz, Fran Cajoto, e persoal técnico e de dirección da empresa FACSA, adxudicataria do servizo. Será no salón de actos do CENIMA (Centro de Interpretación da Mariña) ás 12:30 horas.
Ademais Fran Cajoto anuncia que “durante todo a xornada de mañá, martes, en distintas quendas de mañá e tarde, alumnos de 5º de Primaria dos cinco colexios cos que conta o noso municipio...
leer más
A Asociación de Veciños O Torques de Marzán, en Foz, celebra a súa XXVI Cea Baile de Irmandade este sábado, día 28 de marzo. Será ás 22:00 no restaurante O Rincón do Mis e estará amenizada polo dúo Epo-K.
“Reunímonos para a nosa tradicional cea de irmandade, que se leva celebrando durante 26 anos”, anuncia o colectivo veciñal de Marzán.
As prazas son limitadas e o último día de venda é este luns, 23 de marzo.
Mondoñedo celebrará a Festa da Árbore este sábado, día 28 de marzo. Este evento, que se leva a cabo na cidade mindoniense, terá lugar nesta ocasión no CEIP Álvaro Cunqueiro.
A Festa da Árbore en Mondoñedo está organizada pola asociación cultural O Pasatempo. As actividades comezarán ás 11:00 horas coa carreira Día da Árbore, promovida pola Delegación de Deportes do Concello de Mondoñedo). Ás 12:00 horas haberá xogos recreativos, ás 13:00 horas levarase a cabo unha plantación de arbores e un recital de poemas con acompañamento musical e ás 13:15 horas entregaranse os premios do XIV Concurso da Árbore e os debuxos participantes neste certame estarán expostos durante a festa.
Cabarcos, no municipio de Barreiros, celebrará a súa I Comida Popular o día 28 de marzo, sábado. Será no campo da festa cerrado con carpa e estará amenizada por DJ Bombarbero e a charanga Europa. A sesión vermú comezará ás 13:30 horas e ás 14:30 servirase a comida.
Este evento está organizado pola Asociación Cultural San Xulián de Cabarcos, que anuncia: “estamos desexando compartir este día tan especial con todos vós! Recordade que a data límite para coller os tickets é ata o luns 23 de marzo. Non o deixedes para o último momento. Contamos con vós para facer desta primeira edición algo inesquecible”.
O municipio de Cervo será o escenario da III Ruta Cabalar, que se celebrará o vindeiro domingo 5 de abril, organizada pola asociación Cabaleiros da Bidueira coa colaboración do Concello, que anuncia: “a saída está programada para as 10:00 horas desde o polideportivo de San Román, punto de inicio dun percorrido pensado para desfrutar da contorna natural e da afección polo mundo ecuestre. Durante a ruta, haberá un aperitivo para os participantes a metade do traxecto, nunha xornada que combinará deporte, natureza e convivencia”.
O Concello de Cervo explica tamén que “unha vez rematada a ruta a actividade continuará no polideportivo con sesión vermú e baile amenizado por Disco Móbil Conxuro. Ademais celebrarase un xantar aberto tanto ás persoas inscritas na ruta como a quen desexe asistir, con ou sen cabalo. O menú estará composto por paella,...
leer más
A FCAM (Federación de Comercio A Mariña) organiza un Foro sobre Economía e Turismo, que terá lugar o vindeiro xoves, 26 de marzo, no Cenima, en Foz, a partir das 19:00 horas.
A presidenta da FCAM, Carmen Cruzado, explica: “o que queremos é afondar, ás portas da Semana Santa, na importancia e na incidencia que ten o turismo na economía da comarca da Mariña. A presenza de visitantes leva anos indo a máis, somos refuxio ou oasis climático no verán, e cada vez recibimos tamén máis viaxeiros en tempada baixa. E todo iso ten un peso económico importante en todo o sector turístico e comercial desta zona”.
E subliña: “ao longo dos últimos anos moitas foron as alternativas de ocio creadas arredor da afluencia turística para satisfacer as demandas deses milleiros de persoas que chegan aquí buscando a tranquilidade, o fresco...
leer más
O Concello de Burela presenta a súa programación de actividades culturais e turísticas con motivo da Semana Santa deste ano que inclúe rutas xeolóxicas e visitas guiadas ao patrimonio histórico e natural do municipio.
Os días 2, 3 e 4 de abril concentrarán o maior número de propostas. “Como novidade este ano, o venres 3 de abril ás 16:30 horas terá lugar unha visita guiada gratuíta ao Molde do Faro. Durante a actividade, as persoas asistentes poderán coñecer a historia da baliza de Pena Burela e acceder ao interior do molde para contemplar a obra artística realizada por David Catá. Para asistir é necesario facer unha reserva previa na oficina de turismo”, anuncia o Concello de Burela, que engade: “as rutas xeolóxicas, xa consolidadas na programación turística do municipio, volverán ofrecer dúas propostas guiadas e interpretadas por unha...
leer más