Eventos
A parroquia de Argomoso, no municipio de Mondoñedo, celebra as festas de San Pedro e San Pablo esta fin de semana, sábado 27 e domingo 28 de xuño.
As actividades comezarán o sábado con misa ás 13.00 horas e despois haberá sesión vermú co grupo Greasse, que tamén actuará na verbena xunto ao trío Merengue.
E o domingo tamén haberá misa ás 13.00 horas e despois sesión vermú larga co grupo Montreal.
A organización dos festexos destaca que haberá colchonetas gratis para os nenos.
O Concello de Burela pon en marcha unha nova edición de Burela de Ruta, o programa municipal de actividades turísticas que permitirá coñecer durante os meses de xullo, agosto e setembro algúns dos principais recursos patrimoniais, culturais, naturais e vinculados ao mar do municipio.
A programación deste ano incorpora como principal novidade as visitas guiadas ao Molde do Faro, unha estrutura metálica empregada na reconstrución do faro de Burela en 2014 e situada actualmente nas inmediacións da praia da Marosa. No seu interior pode contemplarse unha obra do artista David Catá. As visitas ao Molde do Faro desenvolveranse todos os martes ás 16.30 horas, terán unha duración aproximada de media hora e serán gratuítas. Debido á limitación de prazas, será necesario realizar unha reserva previa a través da páxina web reservasmoldedofaro....
leer más
Ribadeo acolle esta fin de semana a 12+1 concentración de motos, organizada polo Motoclub Al Corte. O evento ten lugar no aparcadoiro da rúa Daniel Cortezón entre este venres 26 e o domingo 28 de xuño.
A concelleira de Turismo, Marta Saiz, explicou que “tras seis anos de espera os motores volverán soar nas nosas rúas. Esta fin de semana teremos en Ribadeo a 12+1 concentración de motos, organizada por Motoclub Al Corte”.
A edil ribadense dixo que “este parón de seis anos serviu para volver con moita ilusión e con moitas ganas e agardamos reunir a moteros e moteras de diferentes lugares. Contaremos cun calendario cheo de actividades para compartir: rutas turísticas, música en directo, exhibicións e unha exquisita gastronomía”. E engadiu: “xa sabes, teñas moto ou non, ven pasalo ben con Motoclub Al Corte”.
O Concello de Foz únese á reivindicación do Día Internacional do Orgullo LGTBIQA+, “reafirmando o noso compromiso coa diversidade e a igualdade real”, anuncia a concelleira de Igualdade, Ana Rojo, que engade: “como cada ano, o Concello de Foz tingue coas cores do arco iris o balcón da Casa do Concello e do resto dos edificios institucionais, coas bandeiras identitarias, símbolo do colectivo LGTBIQA+, bandeiras que penderán das fachadas ata o remate do mes de xuño, conxuntamente co acendido das luces que iluminarán a fachada da Casa do Concello a modo de celebración e símbolo do colectivo, que se conmemora este 28 de xuño”.
Ademais Ana Rojo salienta: “queremos destacar a nosa meta de construír un concello libre de discriminacións por xénero ou por orientación sexual, onde caben todas as realidades, rompendo estereotipos culturais e sociais...
leer más
O día 28 de xuño arrinca unha nova edición do Mercado dos Domingos, que se desenvolverá na contorna da Praza de Abastos de Ribadeo. Está organizado polo Concello en colaboración coa asociación de produtoras A Sucadoira.
O alcalde ribadense, Dani Vega, contou que “volven os Mercados dos Domingos, que darán comezo o 28 de xuño e se prolongarán ata o 11 de outubro no entorno da Praza da Abastos. O que queremos é seguir con esa vocación de aposta clara polos produtos de proximidade, polos produtos de calidade e desde logo todas estas persoas, todos estes produtores teñen un espazo que xa tradicionalmente teñen en Ribadeo”.
E tivo palabras de agradecemento para A Sucadoira: “agradecer á asociación A Sucadoira todo o traballo que está facendo conxuntamente co Concello e coa co Xunta, agradecer tamén á Xunta con ese...
leer más
O Concello de Alfoz anuncia que continúa “apostando pola posta en valor do seu patrimonio histórico, cultural e natural coa organización dun novo roteiro dentro do programa Polos Camiños do Mariscal, unha iniciativa que busca achegar á veciñanza e ás persoas visitantes os recunchos máis emblemáticos do municipio”. Nesta ocasión a actividade, titulada Roteiro Pazos e Lugares Senlleiros, celebrarase o sábado 4 de xullo, cun percorrido de aproximadamente 6 quilómetros e de dificultade baixa, pensado para que poida ser desfrutado por persoas de todas as idades.
“Ao longo do itinerario, as persoas participantes terán a oportunidade de descubrir distintos pazos, espazos naturais e elementos singulares da historia de Alfoz, coñecendo de primeira man o legado patrimonial que caracteriza o concello”, explica o Concello de Alfoz,...
leer más
A parroquia de San Pedro de Benquerencia, no municipio de Barreiros, celebrará as súas festas patronais esta fin de semana, sábado 27 e domingo 28 de xuño.
As actividades comezarán o sábado ás 13:30 horas con sesión vermú amenizada polo grupo Elebe 2.0, que tamén actuará na verbena xunto a DJ Xulio
E o domingo ás 11:45 horas celebrarase misa solemne cantada polo coro Airiños do Mar. Seguidamente haberá procesión e despois sesión vermú co dúo Puma. Ás 15.00 horas comezará unha comida veciñal e despois do café comezará unha sesión de tardeo con DJ Xulio.
O campo da festa estará cuberto con carpa.
A localidade de Saldoira, no municipio de A Pontenova, celebra as festas na honra de San Pedro da Ribeira esta fin de semana, venres 26 e sábado 27 de xuño.
As actividades comezarán o venres ás 22:00 horas con churrascada. E a continuación haberá verbena co grupo Lume.
E o sábado celebrarase misa solemne ás 13:30 horas, seguida de procesión e sesión vermú co grupo Folixa. A organización dos festexos destaca: “durante a sesión vermú teremos degustación gratuíta de embutidos de raza porco celta no marco do programa Un gusto de rural, un rural de gusto, da Área do Rural da Deputación de Lugo. Haberá merendas no campo da festa, como de costume (merendeiros acondicionados)”. E rematarán os festexos con verbena amenizada polo grupo Folixa.
A rapa das bestas do Campo do Oso, en Mondoñedo, abre este domingo, día 28 de xuño, a temporada na Mariña destas celebracións populares, que contan un ano máis co apio da área de Rural da Vicepresidencia da Deputación de Lugo, que tamén anuncia que “a rapa de Candaoso, en Boimente (Viveiro) o 5 de xullo, e a de Neipín (Pontenova) o 18 de xullo, continuarán unha axenda que dá testemuño dunha forma de vida e unha relación cos animais e co territorio que configurou e mantén as paisaxes do interior da comarca”.
O deputado provincial de Rural, Daniel García, reuniuse cos gandeiros e gandeiras que impulsan esta tradición na comarca, ás que trasladou “o compromiso coa organización das rapas e, particularmente, coa gandería extensiva que é a que sostén esta tradición ligada ao coidado e ao saneamento dos animais que se crían no monte”,
... leer más
As festas patronais de San Pedro, no municipio de Viveiro, celébranse o venres 26 e o sábado 27 de xuño.
As actividades comezarán o venres ás 20:30 horas con churrascada amenizada polo grupo Fol do Raxal, a través do programa Tradigalu, da Deputación de Lugo. Despois haberá verbena amenizada pola orquestra Suavecito e o dúo Belinda.
E o sábado ás 13:00 horas celebrarase misa solemne e procesión. A continuación comezará a sesión vermú coa orquestra Escaparate e o grupo Lecer. Tamén haberá xantar popular e despois baile con Rackel DJ e JLO el Romántico. E na verbena actuarán a orquestra Escaparate e o grupo Lecer.