Monólogo
Este domingo, día 8 de xullo, ás 19:00 horas regresa a Vilamartín Pequeno o programa cultural A Voltas cos Contos, posto en marcha polo Concello de Barreiros co afán de achegar actividades culturais ás parroquias do interior. O actor Avelino González ofrecerá o monólogo titulado Chistes que foron contos e di que, “mudaron as formas pero non o fondo. Trátase de entreter e facer rir. Son contos sacados da tradición que foron cambiando e actualizándose e son moi modernos! Por iso mola contalos hoxe porque son bos. E así seguimos rindo unha risa que se vén rindo hai moito tempo”.
O programa está enmarcado no circuíto Cultura no Camiño, da Xunta de Galicia, e no Plan Único da Deputación Provincial de Lugo.
A monologuista Cata Ukelele ofrecerá o seu espectáculo titulado In Soportable este sábado, día 21 de xuño, ás 20:30 horas no Cine Teatro Ribadeo. O prezo da entrada é de 5 euros.
Está organizado polo colectivo ribadense As Vacas Fracas, que anuncia: “o sábado 21 de xuño tedes unha cita en Ribadeo! Dende Compostela chega Cata Ukelele, a rookie eterna do stand up galego, cun monólogo cheo de humor ácido, fresco e sen filtro”.
O mércores 12 de febreiro ás 11:00 horas o Auditorio Municipal Hernán Naval, de Ribadeo, será o escenario da obra No solo duelen los golpes, un monólogo autobiográfico da comunicadora e activista feminista Pamela Palenciano. Esta actividade, organizada polo CIM dentro do programa O Concello cos coles, está dirixida principalmente ao alumnado de 3º de ESO do IES Dionisio Gamallo e do Sagrado Corazón, así como a estudantes de Formación Profesional do CIFP Porta dá Auga.
No solo duelen los golpes é un monólogo unipersoal con pinceladas de autoficción que narra a vivencia persoal de Pamela Palenciano na súa primeira relación de noivado, que se tornou violenta ao longo de seis anos. A través da súa experiencia, a autora conéctanos coa historia universal das violencias machistas e a construción de estereotipos que...
leer más
A localidade de Vilela, no concello de Ribadeo, acollerá unha representación teatral este domingo, día 27 de outubro. Será na Escola da Pena ás 18:00 horas.
A Compañía Solitaria do Doutor Monifate ofrecerá a obra titulada “Badman, un home malo”. É un monólogo de 50 minutos de duración para maiores de 16 anos.
Dentro da programación das Letras Galegas organizada polo Concello de Cervo, este sábado, 18 de maio Leti da Taberna ofrecerá o monólogo titulado “Enredada”. Será ás 19:30 horas no auditorio da Casa da Cultura de San Ciprián.
Leticia Miraz, máis coñecida como Leti da Taberna, é taberneira de nacemento e sociosanitaria de formación. En maio de 2020 comezou a subir contidos a TikTok e actualmente acumula decenas de miles de seguidoras nas redes sociais, converténdose nunha "taberneira virtual". Utiliza a retranca para realizar crítica social dende unha perspectiva feminista e en galego.
O coñecido actor galego Touriñán ofrecerá o seu monólogo Aquí Tou! no auditorio municipal de Ribadeo o día 1 de xuño, sábado, en dúas sesións: ás 20:00 e ás 22:30 horas. Anunciouno a concelleira de Cultura, Begoña Sanjurjo, quen destacou que “ata agora a xira deste espectáculo de Touriñán só estivo nas grandes cidades e con moito éxito. Por iso estamos encantados de recibilo en Ribadeo”.
A edil ribadense contou que “neste monólogo Touriñán fai un percorrido pola súa vida, dende a súa concepción nunha noite de San Xoán ata un posible epitafio. Momentos chave do seu camiño vital cos que, como galegos, todos nos sentimos identificados. Mesturando realidade con ficción, tenrura e picardía, anécdotas propias e cultura popular galega, Touriñán lévanos da man pola súa vida cun monólogo no que conta e representa partes da súa vida, e da serie de...
leer más
O auditorio municipal Hernán Naval, de Ribadeo, acollerá o espectáculo Depende, do actor Sergio Pazos, o domingo 7 de abril ás 20:30 horas.
As entradas, que teñen un prezo de 10 euros, están á venda na web https://lagranentrada.com/.../sergio-pazos-depende-en...Tamén se poderán mercar na Casa do Viejo Pancho e na taquilla do auditorio o día da actuación.
O coñecido actor Carlos Blanco ofrecerá un monólogo en Burela o sábado 6 de abril. Será no auditorio da Casa da Cultura ás 20:30 horas.
As entradas están á venda anticipadamente na web www.ataquilla.com a un prezo de 12 euros. E tamén poderán mercarse o día da actuación no despacho de entradas da Casa da Cultura a 15 euros.
A asociación cultural As Vacas Fracas, en colaboración co Concello de Ribadeo, organiza a presentación dun documental sobre a olaría de Buño titulado “Povo de barro” e despois da proxección haberá un coloquio. Será este domingo, 3 de marzo, ás 17:00 horas no Teatro ribadense, con entrada de balde.
O Concello de Ribadeo, anuncia que “este documental é froito do traballo dun colectivo de mozas e mozos de Carballo chamado Bastidores. É unha homenaxe á olaría de Buño e ás mulleres e homes que fixeron dela un modo de vida".
Por outra parte, tamén este domingo, 3 de marzo, actuará en Ribadeo o actor Avelino González, que ofrecerá o monólogo titulado “Contos de contrabando”. Será no auditorio municipal Hernán Naval ás 20:00 horas. A entrada ten un prezo de 3 euros.
A programación cultural do Concello de Cervo inclúe para esta fin de semana un espectáculo de malabares o venres, 8 de decembro, e un monólogo de Avelino González para o sábado, día 9.
O venres ás 17:30 horas terá lugar o show titulado "Cirkote, espectáculo de malabares" a cargo de Kote Malabar. Será nas Escolas Vellas de Cervo, coa colaboración da asociación Airiños do Xunco.
E o sábado ás 19:00 horas o actor Avelino González ofrecerá o monólogo "Contos de Contrabando" no auditorio da Casa da Cultura, en San Ciprián.