Charlas
O xoves 21 de agosto ás 20:00 horas no Salón de Actos da Casa da Cultura de O Vicedo terá lugar a presentación do libro “Ciudad de la Selva” (Historia e arqueoloxía da guerrilla nos montes de Casaio), a cargo de Laura Martínez Panizo, arqueóloga e integrante do Proxecto Sputnik Labrego. A continuación haberá a proxección do documental de Miguel Riaño Roa “Ciudad de la Selva. Fuxidos e guerrilleiros nos montes de Casaio”, contando coa presenza do propio director.
O 22 de agosto, venres, ás 20 horas tamén no Salón de Actos da Casa da Cultura de O Vicedo: "Resistencias e protestas en feminino na Galiza durante o franquismo".
Ás 20:05 horas "Prácticas clandestinas, saberes prohibidos. A interrupción do embarazo na ditadura franquista" por Tamara López Fernández, Contratada Posdoutoral da Xunta de Galicia. Proxecto de Investigación...
Mariña Patrimonio organiza unha charla sobre patrimonio inmaterial titulada “Os hórreos, altares do vento”, que terá lugar o vindeiro mércores, 6 de agosto, no Museo do Mar de San Cibrao a partires das 18:30 horas.
Nesta ocasión, a relatora Ana Filgueiras, arqueóloga e antropóloga, falará sobre estas construcións tradicionais galegas que, alén do seu uso agrícola, agochan significados simbólicos e culturais de gran valor.
Ana Filgueiras colabora con universidades e institucións na investigación e difusión do patrimonio inmaterial en Galicia, Portugal, Francia e Suíza. O seu traballo céntrase especialmente nas tradicións, os nomes de lugar e as antigas demarcacións territoriais.
A Agrupación Cultural Francisco Lanza organiza as XXIII Xornadas de Historia Local en Ribadeo desde este mércores, 16 de xullo, ata o venres 18. O título é As mulleres fronte á historia e as actividades serán no salón de actos da Casa do Mar ás 20:30 horas os tres días.
O mércores 16 haberá unha charla coloquio sobre Os ámbitos da cultura e o mundo académico e científico, na que participarán Carmen Rodríguez Cancelo (directora da Coral Polifónica de Ribadeo) e Montserrat Iglesias (farmacéutica e autora de estudos sobre Manuela Barreiro Pico).
O xoves o historiador e investigador Xosé María Leal Bóveda falará sobre Historias de mulleres resilientes nos séculos XVIII e XIX.
E o título da conferencia do venres é A muller no agro galego: afouteza e perseverancia,...
leer más
A asociación socio cultural A Pomba do Arco, de Foz, organiza a vixésimo oitava edición das Xornadas de Historia Local, que se desenvolverán do 28 ao 31 de xullo con catro charlas. Todas elas serán na Casa da Cultura focega ás 20:30 horas.
O luns 28 Ugia Pedreira ofrecerá a charla titulada Achegamento á musica de tradición oral na Mariña; o martes 29 Vidal Martínez-Sierra falará de Os maragatos na Mariña; o mércores 30 haberá unha intervención de Antonio Reigosa sobre A literatura de tradición oral na Mariña; e o xoves 31 Manuel Miranda ofrecerá a conferencia titulada O patrimonio arqueolóxico de Foz.
O Concello de Ribadeo informará sobre a compostaxe doméstica. Será nunha carpa que estará instalada de 10:00 a 13:00 horas no mercado dos domingos o día 29 de xuño e no mercado dos mércores o 2 de xullo.
Desde a Concellería de Medio Ambiente explican: “no Concello de Ribadeo contaremos con 70 composteiros para entregar ás persoas interesadas. Queremos formar á veciñanza e tamén facer seguimento do seu uso e ofrecerlles asesoramento”. E engaden: “as veciñas e os veciños de Ribadeo que precisen máis información poden dirixirse á Área de Medio Ambiente do Concello, chamando por teléfono ao 982 120 701 ou ao correo medioambiente@ribadeo.gal”.
O Seminario de Estudos Os Espigueiros, de San Miguel de Reinante, organiza unha charla coloquio sobre a importancia da obra teatral Os vellos non deben de namorarse. Correrá a cargo do presidente da Fundación Castelao, Miguel Anxo Seixas, e será este domingo, día 29 xuño, ás 18:30 horas nos Colexios Vellos de San Miguel, no concello de Barreiros.
Na charla tratarase sobre “a obra Os vellos non deben de namorarse, que significou e significa para cada un de nós”, explica Os Espigueiros.
A asociación sociocultural A Pomba do Arco, de Foz, organiza para o día 27 de xuño, venres, unha charla do palestino Sami Ashour sobre O xenocidio israelí en Gaza. Será as 20:30 horas na Casa de Cultura Poeta Manuel María.
O palestino Sami Ashour vive en Santiago de Compostela, é natural de Gaza, onde reside a maioría da súa familia, e preside a Asociación Galaico Árabe Jenin.
O xoves 26 de xuño ás 12 horas terá lugar na sala de conferencias do Pazo Santomé a primeira sesión da formación a coidadores, impulsada polo Centro de Saúde de Mondoñedo xunto á Consellería de Sanidade e que conta co apoio do Concello de Mondoñedo.
Sara Val Vázquez (enfermeira do Centro de Saúde de Mondoñedo) será a encargada de impartir esta formación aberta a todas as persoas que queiran asistir. O taller de formación para o coidador/-a principal achegará información sobre aspectos deste eido como son: autocoidado, hixiene, incontinencias e prevención de úlceras.
O Concello de Mondoñedo explica que Sara Val “na súa intervención estará acompañada por membros facultativos do Centro de Saúde de Mondoñedo. Esta é unha gran oportunidade para poder coñecer, de primeira man, as problemáticas dos coidadores/-as e...
leer más
Academia A Mariña, de Burela, acollerá o martes 17 de xuño unha sesión informativa sobre o novo marco de colaboración entre empresas e entidades de formación no ámbito galego. A cita está organizada pola Consellería de Emprego, Comercio e Emigración en colaboración con CECAP.
Desde a organización explican que “estas xornadas teñen como obxectivo dar a coñecer as novidades do programa de Accións Formativas para Desempregados (AFD), así como facilitar un espazo de diálogo entre o sector empresarial e os axentes implicados na formación para o emprego”.
A xornada dará comezo ás 10 da mañá nas instalacións de Academia A Mariña, en Burela. Haberá unha exposición por parte da Consellería sobre as novas convocatorias do programa AFD, unha mesa redonda con participación de empresas e entidades de formación; e un espazo de...
leer más
A asociación Mariña Patrimonio organiza unha charla do investigador e divulgador cultural Xabier Brisset Martín, que “afondará nun momento decisivo da historia mariñeira galega: a transición da pesca tradicional cara a un modelo extractivista, un proceso marcado por profundas transformacións culturais, sociais e económicas”. O acto celebrarase este sábado, día 14 de xuño, ás 11:00 horas no salón de actos da Confraría de Pescadores de Celeiro (Viveiro), “entidade á que agradecemos a xenerosa cesión do espazo”.
“Baixo o título Patrimonio inmaterial: As ribeiras pescadoras e o extractivismo, o divulgador cultural Xabier Brisset Martín abordará o conflito que, a finais do século XIX, enfrontou dúas concepcións opostas da relación co mar: por unha banda, a cultura tradicional da pesca, autorregulada e integrada na natureza; por outra,...
leer más