Charlas
O programa CON-VIVINDO, de Cáritas Diocesana de Mondoñedo-Ferrol, en colaboración coa Oficina Municipal de Voluntariado do Concello de Viveiro, organiza unha charla “para visibilizar a soidade non desexada das persoas maiores e promover a participación cidadá a través do voluntariado”. Será o xoves 23 de outubro ás 17:00 horas na Sala de Usos Múltiples do Concello de Viveiro.
O Concello de Viveiro explica que “este programa busca previr o illamento social das persoas maiores, creando vínculos de confianza e benestar mediante encontros periódicos e seguros, baseados na escoita activa, o bo trato e a empatía” e anima “a participar e a coñecer como o voluntariado pode transformar vidas!”.
Técnicos especialistas en medio ambiente formarán aos inscritos no programa de compostaxe domiciliaria municipal de Barreiros. O día 21 de outubro, martes, realizarase unha charla nas Escolas de San Cosme (ao lado do Concello) ás 19:00 horas. Nestas xuntanzas tamén se entregarán ás persoas participantes os kits de compostaxe compostos por un composteiro, cun caldeiro doméstico, un aireador, un termómetro, unha criba e unha guía de compostaxe.
O Concello de Barreiros explica que “esta iniciativa, que se desenvolve co obxectivo de promover a reciclaxe en orixe dos biorresiduos entre a veciñanza, conta co financiamento da Xunta de Galicia, no marco do Plan de recuperación, transformación e resiliencia, a través da Unión Europea NextGenerationEU e do propio Concello de Barreiros. Os veciños e veciñas que non se inscribiran e aínda estean...
leer más
Os días 17 e 18 de outubro terá lugar a I Xornada arredor do Forte de San Damián, enmarcada no programa Ribadeo cara o Mar.
A concelleira de Cultura, Begoña Sanjujro, explicou que “os días 17 e 18 de outubro, organizadas polo Concello, dentro das actividades de Ribadeo cara o Mar, levarase a cabo a primeira Xornada arredor do Forte de San Damián, un encontro divulgativo que busca poñer en valor o patrimonio fortificado costeiro e promover a conservación dun dos símbolos máis singulares da nosa vila”.
A edil ribadense contou que “o programa consta de 4 sesións temáticas nas que especialistas de Galicia e Asturias abordarán a evolución das defensas costeiras dende o século XVI ata a época contemporánea, con especial atención ao papel estratéxico da ría de Ribadeo”.
Sanjurjo dixo que “...
leer más
Viveiro acollerá unha charla da Policía Nacional sobre seguridade para os maiores. Será este mércores, día 8 de outubro, ás 16:30 horas na Aula CEMIT, que está nos Claustros de San Francisco.
O Concello de Viveiro anuncia que “a Asociación de Familiares de Persoas con Alzheimer (AFA) de Viveiro e a Policía Nacional invítanlles a unha charla informativa sobre o Plan Maior Seguridade. Esta é unha excelente oportunidade para aprender a previr situacións de risco e protexerse fronte a delitos comúns. Temas a tratar: Roubos en domicilios e entidades financeiras, estafas, furtos, e resolución de dúbidas de interese para o día a día”.
A Casa da Cultura da Pontenova acollerá unha charla sobre como vender a través de WhatsApp. Será o día 7 de outubro, martes, de 19:00 a 21:00 horas.
O Concello da Pontenova anuncia: “atención emprendedores e autónomos da Pontenova! Queres aprender a vender de maneira doada, rápida e segura a través de WhatsApp? Convidámoste á charla de balde Vender a través de WhatsApp seguro, onde descubrirás como aproveitar esta ferramenta para facer medrar o teu negocio sen riscos. Non perdas esta oportunidade para impulsar as túas vendas e protexer o teu emprendemento. Charla gratuíta organizada polo GDR3. Non perdas esta oportunidade!”
A asociación Terras de Miranda, coa colaboración do Concello de Burela, organiza unha charla informativa sobre comunidades enerxéticas este mércores, día 24 de setembro, ás 20:00 horas no salón de actos municipal. A entrada será libre e gratuíta para todas as persoas interesadas.
O Concello de Burela explica que o obxectivo desta iniciativa é “achegar á cidadanía o concepto das comunidades enerxéticas e dar a coñecer as súas vantaxes. Así durante a sesión explicaranse todas as oportunidades que ofrecen para a explotación dos recursos locais, os beneficios económicos e ambientais que supoñen, así como os pasos necesarios para poñer en marcha este tipo de proxectos. Dita actividade enmárcase no programa ‘Impulso CERES’, que está a desenvolver charlas informativas en distintos puntos da provincia de Lugo. Este programa é promovido pola...
leer más
O colectivo Mariña Patrimonio convida a todas as persoas interesadas a participar no acto público de presentación das escavacións arqueolóxicas que se están a realizar en Santo Estevo do Ermo, no municipio de Barreiros. A cita será este xoves, día 18 de setembro, ás cinco da tarde.
“Durante a visita os arqueólogos responsables da intervención explicarán o traballo realizado estes días e amosarán os principais achados. Con este encontro preténdese compartir cos asistentes os avances da investigación e destacar a importancia de Santo Estevo polo seu valor patrimonial e arqueolóxico”, explica Mariña Patrimonio.
A intervención arqueolóxica está promovida por Mariña Patrimonio, co apoio económico da Vicepresidencia da Deputación de Lugo e coa colaboración do Concello de Barreiros. Tamén participan a Eira da Xoana-ADEGA...
leer más
Este venres, día 19 de setembro, ás sete da tarde, a Biblioteca Pública Municipal El Viejo Pancho, de Ribadeo, (rúa Antonio Otero, 19), acollerá o evento Soberanía Dixital VII: Contra-algoritmia. “Unha actividade pensada para achegar ó público en xeral a unha mellor comunicación e comprensión do control que podemos sufrir co uso dos programas informáticos a través das redes que usamos para comunicarnos”, anuncia a organización, a cargo do colectivo amarinha.gal.
A actividade consistirá nunha presentación, exemplos, reparto de fanzine e máis, incluído un coloquio no que participará toda persoa interesada. Esta é a sétima actividade do ciclo que se está a desenvolver ó longo de 2025, impulsado polo grupo amarinha.gal, en locais solicitados e concedidos polo Concello para sucesivas presentacións e talleres sobre “a moitas veces...
leer más
A FCAM (Federación de Comercio A Mariña) organiza unha mesa redonda este xoves, 18 de setembro, para facer balance turístico do verán. Será no Cenima, en Foz, ás 19:30 horas. Intervirán: José Carlos Paleo, presidente de Acia Foz; Jorge Orosa, vicepresidente de Acia Burela; Isabel Méndez, xerente do CCH Viveiro; Carmen Cruzado, presidenta da FCAM; Alejandro Balseiro, CEO do Hotel Urban; Belén Prado, CEO de Cámping Rinlo Costa; Andrea Rodríguez, CEO de Apartamentos Casa Fandín; Paloma Vázquez, xefa de Turismo da Xunta de Galicia en Lugo; e Fran Cajoto, alcalde de Foz.
“Queremos entre todas e todos facer un balance turístico do que foi este verán que está a piques de rematar e que nos deixa cifras e imaxes para o análise e a reflexión”, sinala Carmen Cruzado.
O acto é aberto ao público.
O Concello de Cervo anuncia que este xoves 11 de setembro ás 18:00 horas na Casa da Cultura de San Ciprián terá lugar a primeira das charlas de formación en corresponsabilidade, titulada Corresponsabilidade na comunicación afectiva funcional. As seguintes charlas deste ciclo serán os días 18, 23 e 25 de setembro.
Esta actividade enmárcase dentro do Plan Corresponsables 2025, financiado pola Unión Europea e pola Xunta de Galicia, que promove os plans de sensibilización e formación en corresponsabilidade e coidados, con especial incidencia na participación de homes e familias.
“Un espazo de encontro e aprendizaxe para avanzar cara unha sociedade máis igualitaria e corresponsable”, destaca o Concello de Cervo.