Charlas
Este venres, día 7 de outubro, terá lugar a segunda das charlas dentro das xornadas de San Martiño no Camiño que organiza o Concello de Foz. Será na sala multiusos do Centro de Interpretación da Basílica ás 20 horas a cargo da profesora Dolores Barral Rivadulla, titular de historia da arte antiga e medieval no Departamento de Historia da Arte da Universidade de Santiago de Compostela.
Dolores Barral falará da diocese mindoniense no medievo. “Tratarase de facer unha viaxe a vista de paxaro sobre as principais manifestacións artísticas vinculadas á diocese de Mondoñedo-Ferrol, sobre todo no entorno da Mariña lucense, dende un punto de vista patrimonial, co fin de atender e valorar todos os testemuños históricos dunha das dioceses máis descoñecidas de Galicia”, explica o concelleiro focego de Turismo, Chema Linares.
...
leer más
Impartida polo Centro Agroforestal de Riós (Ourense) en colaboración coa Consellería de Medio Rural e a Axencia Galega da Calidade Alimentaria terá lugar unha xornada formativa sobre a plantación de castiñeiros o venres 14 de outubro de 10:00 a 14:00 horas no Salón de Actos da Casa da Cultura de Alfoz.
É unha actividade gratuíta, dirixida a persoas en activo interesadas na xestión forestal. É necesaria inscrición previa e o modelo para apuntarse está dispoñible na web municipal www.concellodealfoz.com, sección noticias, e tamén nas Oficinas de Rexistro do Concello de Alfoz. Unha vez cuberta debe enviarse por correo electrónico a: centroagroforestal@concelloderios.gal
Trataranse entre outros temas a época de plantación, a...
leer más
A Área de Desenvolvemento Local de Ribadeo presenta outro dos enfoques do Ribadeo Suma e que leva por nome, Ribadeo + Economía Circular, que é un programa de difusión, formación, asesoramento, acompañamento de cara a promover e facilitar a transición circular como fonte de vantaxe competitiva para negocios do sector turístico.
O programa contará con 3 fases.
O concelleiro Pablo Vizoso explica que “a primeira fase de difusión do programa no que teremos un charla cun negocio que xa está a pór en práctica medidas circulares como é o proxecto Cabañitas del Bosque. Neste encontro aproveitaremos para explicar o programa e as persoas profesionais e especializadas que levarán a cabo o proceso”.
O encontro será o vindeiro 5 de outubro ás 17:30 horas na Casa do Concello e está aberto a todas a...
leer más
Este venres, 23 de setembro, o salón de actos do Cenima acolle unha conferencia do último membro vivo da guerrilla antifranquista galega, Francisco Martínez (Quico). O acto, organizado pola asociación A Pomba do Arco, comezará ás 20:30 horas e o guerrilleiro estará acompañado pola historiadora Odette Martínez. No mesmo farase un percorrido pola historia da loita guerrilleira na Mariña e na Galiza así como polos máis de 10 anos de loita clandestina de Quico, anuncian os organizadores.
Francisco Martínez (Cabañas Raras, 1925) uniuse á actividade guerrilleira en 1940, na súa condición de enlace. Nestes primeiras, Quico formou parte como o resto da súa familia da coñecida como guerrilla de chan, a estrutura que posibilitou como rede de apoio aos guerrilleiros a loita contra o fascismo. A este respecto, lembra que “o pobo axudou porque había...
leer más
Outro ano máis, e xa van 12, chegan as Xornadas “Memoria dun Tempo” organizadas por Nordés, Asociación polo Desenvolvemento das Terras da Faladora.
Unha ducia de edicións nas que, co obxectivo principal da divulgación e recuperación da memoria histórica, puidemos contar con relatorios, audiovisuais, música e poesía para darlle forma aos contidos de cada unha das xornadas.
Desde Nordés sinalan que “nesta traxectoria fomos vendo como outras formas de expresión artística estaban a ter cada vez maior importancia nesta difícil labor da recuperación da memoria histórica, que Nordés ten asumido xunto outros nas bisbarras do Ortegal e A Mariña Occidental. Así, por exemplo, dende a Banda Deseñada ano tras ano xorden propostas novedosas, imaxinativas e creativas que ao tempo veñen rescatar do esquecemento feitos e personaxes desde a súa propia linguaxe”.
...
O Concello organiza a charla Un galeón na ría de Ribadeo, novos achádegos e perspectivas. Será impartida polo doutor Miguel San Claudio o 26 de agosto ás oito da tarde no Teatro. O obxectivo pasa por difundir os resultados das prospeccións realizadas no galeón afundido na ría ribadense hai catro séculos.
O concelleiro de Desenvolvemento Local, Pablo Vizoso, contou que “continuando coas accións levadas a acabo dentro do proxecto Retornos do pasado para o estudo e difusión da cultura marítima de Ribadeo, o Concello organiza a charla, Un galeón na ría de Ribadeo, novos achádegos e perspectivas, impartida polo Doutor Miguel San Claudio e onde darán a coñecer o resultados das prospeccións realizadas na ría dende o inicio do proxecto. Terá lugar o día 26 de agosto ás 20 horas no Teatro de Ribadeo”.
O edil ribadense...
leer más
A casa da cultura Poeta Manuel María de Foz acolle de 1 a 4 de agosto unha nova edición das xornadas de historia de Foz organizadas pola asociación A Pomba do Arco desde fai 25 anos.
A programación das xornadas deste ano é a seguinte:
Os portos de Foz
Xoán Ramón Fernández Pacios.
Luns 1 de agosto ás 20:30 na Casa da cultura de Foz.
A primeira guerrilla antifranquista na Mariña
Eliseo Fernández e Dionisio Pereira
Martes 2 de agosto ás 20:30 na Casa da cultura de Foz.
A masonería na Mariña
Martín Fernández Vizoso
Mércores 3 de agosto ás 20:30 na Casa da cultura de Foz.
O século XIV. Un momento decisivo para A Mariña.
Francisco Rodríguez Sanchez.
Xoves 4 de agosto ás 20:30 na Casa da cultura de Foz.
O vindeiro 9 de xullo terá lugar ás 11.30 na Casa da Cultura de Foz a conferencia “A minaría aurífera romana”, organizada polo Concello de Foz e maila asociación Mariña Patrimonio. Esta conferencia, que conta coa colaboración da Área de Cultura da Deputación de Lugo, correrá a cargo do arqueólogo especialista en minería romana, Iván Álvarez Merayo, que tamén fará de guía na visita programada á mina de ouro romana da Espiñeira. A visita á antiga explotación mineira arrancará ás 17.00 dende o Campo da Feira de A Espiñeira.
A Mariña luguesa é unha zona rica en explotacións mineiras antigas, lamentablemente pouco coñecidas e escasamente estudadas. Unha mostra da existencia destas explotacións auríferas na Mariña son as dúas minas romanas localizadas pola asociación Mariña Patrimonio no ano 2013 na desembocadura do Masma. Concretamente, unha...
leer más
O 29 de xuño terá lugar unha charla sobre a endometriose. Será no salón de actos da Escola de Música de Ribadeo ás 20 horas. Está organizada pola Concellaría de Igualdade, o CIM e a asociación QuerENDO.
Dende a Concellaría de Igualdade explican: “continuamos coa campaña de difusión e concienciación sobre a endometriose para sensibilizar á sociedade desde unha perspectiva social, integral e de xénero, apoiando o traballo que fan asociacións como QueENDO coas mulleres afectadas”.
E engaden: “o salón de actos da Escola de Música de Ribadeo acollerá ou vindeiro mércores, 29 de xuño, o faladoiro Endometriose, a epidemia oculta, da man de Cristina Fernández Feijoo, presidenta de QuerENDO, a asociación galega sen ánimo de lucro que procura visibilizar a casuística desta enfermidade crónica. O faladoiro explicará, entre...
leer más