Concerto

15/04/2018

A edil de Cultura, Dolores García Caramés, e o concelleiro de Deportes, José Ramón Soto, presentaron xunto coa artista mariñá Lara o concerto que vai ofrecer a que fora recanteira no Luar o vindeiro sábado, 21 de abril, no Auditorio da Casa da Cultura. 

A cita será ás 20:00 horas e a entrada é libre.

 

Etiquetas:
08/04/2018

A Deputada de Cultura, Pilar García Porto anunciou que a Deputación desenvolverá unha programación cultural coa que o musicólogo sarriano Abraham Cupeiro realizará 20 accións en 16 Concellos da provincia, para amosar o seu traballo de recuperación de instrumentos ancestrais. “Trátase dunha programación que inclúe actuacións nos Concellos de Viveiro, Chantada, Monforte de Lemos e Vilalba, onde ofrecerá concertos abertos ao público en xeral. Ademais, realizará 16 concertos didácticos en centros educativos da provincia, serán concertos pedagóxicos, no que viaxará cos escolares ao pasado máis remoto a través dos instrumentos de vento”, sinalou a Deputada.

García Porto avanzou que “con esta iniciativa damos a coñecer a nosa gran riqueza musical e as nosas tradicións, empregando unha gran colección de máis de 200 instrumentos de Cupeiro, que van...

leer más
06/04/2018

A orquestra Pascual Veiga da Escola Municipal de Música O Pallarego de Mondoñedo ofrece este sábado, 7 de abril, o seu Concerto de Primavera.

A actuación terá lugar no Auditorio Municipal e dará comezo ás 20:30 horas.

Neste concerto interpretará dúas pezas a orquestra infantil, e a orquestra Pascual Veiga, dirixida por Xan Carballal, incluirá no seu repertorio as composicións Chegada da raíña de Saba de Handel, Tres danzas húngaras de Nelson, Oboe de Gabriel de Morricone e Andante concerto para dúas mandolinas de Vivaldi, entre outras.

 

Etiquetas:
21/03/2018

A Banda Municipal de Música de Ribadeo ofrecerá o seu tradicional concerto de Semana Santa o mércores 28 de marzo. Esta actuación terá lugar na igrexa parroquial de Santa María do Campo ás 20:45 horas e nela a Banda interpretará por vez primeira sete obras relacionadas coa Semana Santa e debutará un novo músico. Ademais é o primeiro concerto para a nova xunta directiva da Asociación Amadores da Música, que agora preside Elisa Álvarez Amor.

O director da Banda Municipal de Música de Ribadeo, David Ballester, anuncia que “o mércores 28 de marzo terá lugar o tradicional concerto de Semana Santa a cargo da Banda Municipal de Música de Ribadeo. Este ano retomamos o que anos atrás facíamos neste concerto, que era tocar na igrexa parroquial; así que será ese día 28 de marzo na igrexa parroquial ás nove menos cuarto da tarde. Neste concerto...

leer más
Etiquetas:
10/03/2018

A área de piano da Escola Municipal de Música de Burela ofrecerá un concerto de alumnos o vindeiro martes, 13 de marzo, ás 19.30 horas.  Será no salón de usos múltiples e ten carácter público e gratuíto. 

O director da Escola, Xan Carballal, explica que “se tocarán unha serie de pequenas pezas clásicas e modernas tanto a nivel individual como a catro mans. Abarcan tanto cancións populares como de compositores de renome do panorama musical pianístico como Beethoven, Diabelli, Wohlfart..., interpretadas tanto por pequenos como por adultos”.

Carballal engade que “dito concerto englóbase dentro dos actos programados para o presente ano por mor da celebración dos vinte anos de creación desta Escola Municipal de Música de Burela”. 

Etiquetas:
22/02/2018
O Concello de Cervo homenaxea a figura de Rosalía de Castro coa programación dunha serie de actos culturais que terán lugar ao longo de toda a semana. 
 
Así, este sábado 24 de febreiro, coincidindo co 181 aniversario da escritora galega, inaugurarase un traballo expositivo sobre a súa vida e obra. Será na Sala de Exposicións da Casa da Cultura de San Ciprián. Son 20 paneis nos que se fai un percorrido pola figura de Rosalía de Castro, que se poderán visitar este sábado pola tarde, e durante todo o mes de marzo, de luns a venres. A continuación, o traballo será trasladado á Sala de Exposicións da biblioteca de Cervo, onde permanecerá exposto durante todo o mes de abril.
 
Ademais, para o mércores 28 de febreiro, a delegación de Cultura ten...
leer más
21/02/2018

Aplastanécoras ofrecerá un concerto en Mondoñedo o 25 de febreiro. O quinteto está formado por dous violíns, viola, violonchelo e contrabaixo, e deronse a coñecer no ano 2015. 

Interpretarán versión de Queen, AC/DC, Muse, Abba, Ther Doors, Guns&Roses, The Blue Brothers…

A cita sera ás 20 horas no auditorio municipal Pascual Veiga. O prezo das entradas será de 5 euros, agás os menores de 12 anos que pagarán 2 euros. 

 

Etiquetas:
20/02/2018

O trío de jazz Sumrrá ofrecerá un concerto no auditorio da Casa da Cultura de Burela ás 20:00 horas o domingo, 25 de febreiro. 

Sumrrá conta con quince anos de traxectoria e leva editados cinco discos. Dende o ano 2000 ten participado en numerosos festivais nacionais e internacionais como o Festival de Jazz de Madrid, o Festival de Jazz de Oviedo, o Festival Internacional Tanjazz de Tánger ou o Festival Internacional de Jazz de Santa Cruz en Bolivia.

En 2016 Sumrrá lanza o seu quinto disco titulado Sumrrá V Journeys, editado pola discográfica neoyorquina Clermont Music, e inspirado nalgunhas das cidades polas que ten pasado nas súas xiras como París, Braga, Johanesburgo, La Paz ou Sofía entre outras.

 

Etiquetas:
20/02/2018

Ribadeo conmemora o Día de Rosalía coa celebración dun concerto este sábado, 24 de febreiro.

O grupo Áureas presentará En Voga ás 20:00 horas no Auditorio Municipal Hernán Naval de Ribadeo.

En Voga é o concerto espectáculo de Áureas. Enriba do escenario veremos unha charanga dos anos 20 formada por cinco mulleres, de catro nacionalidades diferentes, que interpretan unha coidada selección de pezas de autor e composicións desa década incluíndo ritmos brasileiros, polacos, arxentinos e galegos.

 

Etiquetas:
31/01/2018

O Cine Teatro de Ribadeo acollerá mañá, 1 de febreiro, un concerto solidario a partires das 20:00 horas. Sons, voces e danzas de Uganda, que interpretará o coro Uganda Natumayini nesta cita solidaria organizada pola ONG Música para Salvar Vidas.

O concelleiro de Cultura, Farruco Graña, dixo que “a organización Música para Salvar Vidas vai visitar de novo Ribadeo, e vaino facer a través do coro Uganda Natumayini. Este coro xa ten percorrido a xeografía española entre o 2005 e o 2016, e agora de novo volve visitarnos a nós tamén. É unha agrupación musical e coral que fai unhas danzas espectaculares e que interpreta uns cantos ben emocionantes”.

O edil nacionalista contou que “ten visitado xa Zamora, Burgos, Valladolid, El Espinar, Ávila… Tense achegado tamén a Murcia, a Cartagena, El Algar e a Caravaca de la Cruz....

leer más