Banda

Etiquetas:
04/05/2022

A Banda Municipal de Música de Ribadeo estreará dúas obras no seu concerto das Letras Galegas. Será o día 14 deste mes, sábado, no auditorio municipal Hernán Naval.

O director da Banda ribadense, David Ballester, anunciouno hoxe: “intentando seguir coa nova normalidade a Banda Municipal de Música de Ribadeo vai continuar a súa actividade cun dos seus concertos habituais na súa programación, que é o das Letras Galegas, que terá lugar o sábado 14 de maio ás 20:30 horas no auditorio Hernán Naval. Como é habitual neste concerto das Letras Galegas o repertorio que imos ter nos nosos atrís inclúe obras tanto de compositores galegos como de temática galega, aínda que tamén tocaremos outras de diferentes estilos. Neste concerto interpretaremos dúas pezas que serán tocadas por primeira vez pola Banda”.

David Ballester...

leer más
Etiquetas:
05/04/2022

A Banda Municipal de Música de Ribadeo retoma a súa actividade co concerto de Semana Santa, que se celebrará o mércores 13 de abril ás 20:45 horas na igrexa parroquial de Santa María do Campo.

O director da formación David Ballester, anuncia que “despois de que a Banda non puidese celebrar o concerto Aquí como en Viena, que tíñamos preparado en decembro do ano pasado, porque daquela había un número importante de casos de Covid na nosa vila, retomamos agora a actividade, esperemos que coa maior normalidade posible, co concerto de Semana Santa. Celebrarase o mércores 13 de abril ás 20:45 horas na igrexa parroquial”.

David Ballester agradece “tanto á asociación Amigos da Semana Santa como ao párroco de Santa María do Campo a súa disposición a celebrar alí o concerto”.

O director da Banda...

leer más
Etiquetas:
16/11/2021

A Banda de Música O Landro, de Viveiro, ofrecerá un concerto este sábado, 20 de novembro. A actuación terá lugar no Teatro Pastor Díaz, ás 20:30 horas.

Este concerto, baixo a dirección de Carlos Tirimaos, celébrase na honra de Santa Icía.

A reserva de entradas pódese facer, de luns a xoves, no teléfono 982 560 162, en horario de 9:00 a 14:00 horas; ademais no correo electrónico rbg.cultura@viveiro.es e en taquilla desde unha hora antes da función. A entrada é de balde.

Organiza este evento a Banda de Música O Landro coa colaboración da Concellería de Educación de Viveiro.

Etiquetas:
16/11/2021

A Banda Municipal de Música de Ribadeo ofrecerá o seu tradicional concerto de Santa Cilla este sábado, 20 de novembro, ás 20:30 horas no auditorio municipal Hernán Naval. Nesta actuación a Banda tocará por primeira vez oito das nove pezas incluídas no programa e participarán tres solistas.

O director da formación, David Ballester Martínez, anunciou que “despois dun breve descanso, tras actuar nas festas patronais, a Banda Municipal de Música de Ribadeo retoma a súa actividade e, como non podía ser menos, faino co concerto de Santa Cilla, a patroa dos músicos. Este sábado, 20 de novembro, ás 20:30 horas no auditorio Hernán Naval terá lugar ese concerto e, como soemos facer en Santa Cilla, sempre nos gusta que algún dos nosos músicos pase pola experiencia de tocar de solista. Neste caso vamos ter tres: un pianista, que vai ser o alumno da...

leer más
Etiquetas:
17/08/2021

A Banda de Ribadeo ofrecerá o seu tradicional concerto dedicado á música de cine este sábado, día 21, ás 22:00 horas enfronte do edificio de Aduanas ribadense, xunto ao parque de San Francisco. En caso de mal tempo esta actuación aprazaríase.

O director da Banda Municipal de Música de Ribadeo, David Ballester, anuncia que este concerto “vai constar de obras de diferentes películas (de animación, de acción, …) coñecidas tanto por novos como por non tan novos e mentres que interpretamos as bandas sonoras estaranse proxectando nunha pantalla escenas desas películas”.

David Ballester destaca que a gran maioría das pezas de bandas sonoras incluídas no programa “serán interpretadas por primeira vez pola Banda de Ribadeo, o que hai que ter en conta porque iso quere dicir que segue funcionando ben”.

... leer más
Etiquetas:
13/08/2021

A Banda de Música de Lourenzá actúa este domingo, día 15 de agosto, en Santo Tomé, concretamente na área recreativa O Pereiro, ás 20:30 horas. Este concerto está incluído no ciclo Música nas parroquias.

Neste evento, que se desenvolverá ao aire libre, haberá medidas anti covid, será obrigatorio o uso da máscara e manter unha distancia de seguridade de 2 metros entre os asistentes.

 

19/05/2021

A Banda Municipal de Música de Ribadeo trasladou o seu tradicional concerto das Letras Galegas, que a semana pasada foi aprazado polo mal tempo, para este sábado, día 22, ás 20:00 horas no campo de herba artificial do colexio Gregorio Sanz. Será a súa primeira actuación neste ano, se as condicións meteorolóxicas o permiten.

O director da Banda ribadense, David Ballester, adiantou que no concerto deste sábado, para celebrar o Día das Letras Galegas, “a gran maioría das pezas que se interpretarán son obras galegas ou de temática galega”.

Ballester remata invitando á xente a que se achegue ao campo de herba artificial do colexio Gregorio Sanz este sábado, día 22 ás oito da tarde. Pero destaca que “polo ben de todos deben gardarse as distancias de seguridade, usar a máscara e todo o que faga falta para que isto acabe...

leer más
Etiquetas:
11/05/2021

A Banda Municipal de Música de Ribadeo ofrecerá o seu tradicional concerto das Letras Galegas este sábado, día 15, no campo de herba artificial do colexio Gregorio Sanz. Será a súa primeira actuación neste ano.

O director da Banda ribadense, David Ballester, anuncia que “despois dunha tempada sen actuacións da Banda Municipal de Música de Ribadeo pois desde o Nadal non puidemos levar a cabo ningún concerto xa que o seguinte que tíñamos previsto era o de Semana Santa pero polas restricións que había nese momento non se puido facer, agora si volve ofrecer o seu concerto das Letras Galegas, que neste caso vai dentro do programa de Letras no Campo, organizado polo Concello de Ribadeo, e será este sábado, día 15, ás oito da tarde no campo de herba artificial do colexio Gregorio Sanz”.

David Ballester agradece a...

leer más
Etiquetas:
16/12/2020

A Banda Municipal de Música de Ribadeo ofrecerá este ano o seu tradicional concerto Aquí como en Viena en dúas sesións, os días 26 e 27 de decembro, ás 20:30 horas, no auditorio Hernán Naval. As dúas actuacións serán con aforo reducido debido ás restricións sanitarias en vigor. O primeiro dos concertos será só para familiares dos músicos e o segundo para o público en xeral e retransmitirase a través de facebook.

O director da Banda, David Ballester, explica que “chegan as datas do Nadal, que é bastante diferente ao habitual, e a Banda Municipal de Música de Ribadeo vai facer o seu tradicional concerto Aquí como en Viena. Vai ser diferente, obviamente pola situación que estamos a vivir e que condiciona a realización do concerto.”

Ballester engade que “dende a asociación Amadores da Música e dende o Concello...

leer más
Etiquetas:
01/09/2020

A Banda Municipal de Música de Ribadeo ofrecerá o seu primeiro concerto deste ano despois de retomar os ensaios en agosto. A actuación, titulada Concerto da normalidade, terá lugar este venres, día 4, as 20:00 horas no campo de herba artificial do colexio ribadense Gregorio Sanz.

O director da Banda de Ribadeo, David Ballester, explica que “despois de retomar os ensaios no mes de agosto tras a situación que vivimos polo covid-19, chegamos á conclusión de que era o momento de seguir como estábamos ata antes de que pasase todo isto. Entón decidimos facer un pequeno concerto este venres, 4 de setembro, ás oito da tarde, que chamamos Concerto da normalidade, no colexio público Gregorio Sanz.”

David Ballester engade que esta actuación “farase no recinto do Gregorio Sanz, no campo de herba artificial, sobre todo porque...

leer más