Cabalos
Os días 9 e 10 de setembro terá lugar no campo de fútbol de Celeiro a cuarta edición das Carreiras de Cabalos de Viveiro. Celebraranse campionatos de diferentes categorías e modalidades así como exhibicións ou mesmo unha feira de gando.
O evento dará comezo o sábado 9 ás 9 horas coa apertura do recinto e unha exposición de maquinaria. Ese mesmo día terán lugar a final do campionato galego de andadura individual e por equipos; a primeira pola mañá e a segunda pola tarde. Posteriormente, procederase á entrega de premios e medallas.
O domingo 10 a xornada comezará tamén ás 9 horas coa apertura do recinto e, neste caso, cunha feira de gando. Durante todo este día, terán lugar diferentes competicións de andadura e galope con premios que alcanzan os 400 euros na categoría de pura raza árabe nacional. O evento finalizará...
leer más
A décima edición da Ruta Cabalar Xinetes de Remourelle celebrarase o 7 de maio.
A saída terá lugar ás 10:30 horas e ás 14:30 celebrarase unha comida. Haberá sorteos, agasallos e durante todo o día soará a música de discoteca móbil.
A venda de tíckets corre a cargo dos compoñentes da directiva de Xinetes de Remourelle nos teléfonos: 659 629 417, 636 864 132 e 676 770 918.
Cada amazona e xinete faranse responsables dos danos ocasionados polo seu cabalo ou égoa e tamén os danos do seu propio animal.
Este evento está coorganizado pola Secretaría Xeral para o Deporte e Xinetes de Remourelle coa colaboración do Concello de Ribadeo.
Lourenzá acollerá o día 27 deste mes, domingo, o primeiro rexistro de exemplares de cabalos de raza marchador galego. Este evento está organizado polo Concello de Lourenzá e a Asociación de Criadores do Cabalo de Pura Raza Galega (PURAGA) e foi anunciado hoxe, venres, pola alcaldesa de Lourenzá, Rocío López.
O xestor do proxecto do cabalo marchador galego impulsado por PURAGA, Nacho López, explica que “dentro do proxecto de recuperación do cabalo marchador galego temos programadas varias quedadas ao longo do ano. A primeira decidimos facela en Lourenzá porque foi onde se fixo o ano pasado a presentación deste proxecto. Trátase de seguir coa nosa idea de reivindicar o cabalo marchador galego, o cabalo tradicional de andadura de Galicia”.
En canto ás actividades, Nacho López anuncia: “faremos pola mañá unha ruta...
leer más
O recinto feiral de Vilanova de Lourenzá acollerá este domingo, día 10 de outubro, concursos morfolóxicos, exposición e carreiras de cabalos de pura raza galega. Estas actividades están organizadas polo Concello de Lourenzá en colaboración coa Asociación de Criadores de Cabalo de Pura Raza Galega (PURAGA).
A alcaldesa de Lourenzá, Rocío López, anunciou que “este domingo, 10 de outubro, o Concello de Lourenzá e PURAGA van celebrar no recinto feiral o primeiro concurso morfolóxico oficial de cabalos de pura raza galega e tamén unha exposición cabalar. Ademais do concurso de cabalos, eguas e poldros, haberá carreiras de cabalos do país de andadura serrada e chapeada. Esta xornada estará animada polo grupo de música tradicional Souto Xímaro e tamén se poderá degustar o polbo nas dependencias da feira laurentina”.
A...
leer más
A Asociación Cabaleiros do Landro, de Viveiro, organiza a segunda edición das carreiras de cabalos Cidade de Viveiro que se celebrará o día 19 de setembro no campo de fútbol de Celeiro.
O colectivo comunica que o programa está aberto a posibles cambios segundo a normativa covid do momento e proximamente presentará as actividades que se desenvolverán nesa xornada.
A Asociación Cabaleiros do Landro naceu en 2018 co obxectivo de ser un punto de encontro para os afeccionados ao mundo equino. A primeira edición desta proba celebrouse en 2019 coa participación dun centenar de cabalos e gran asistencia de público.
Colaboran na organización deste evento: Deputación de Lugo e Concello de Viveiro.
A Pontenova acollerá o día 22 de setembro, sábado, a quinta edición da ruta ecuestre Equus Norte.
As actividades comezarán cun almorzo ás 10 da mañá no Mesón A Mina. O percorrido en cabalo empezará ás 10:30 horas e haberá un xantar ás dúas da tarde. Ás 16:30 horas terá lugar unha carreira de obstáculos a cabalo, despois haberá sorteos e música a cargo dunha discoteca móbil e pola noite farase unha degustación de pinchos.
O Centro de Emprendemento do Conxunto Histórico de Sargadelos acollerá a súa primeira actividade o vindeiro sábado, 9 de xuño.
Trátase dunha xornada práctica que se vai desenvolver nas instalacións que foron adxudicadas semanas atrás á entidade Cabaliño de Pao. Espazo Natural, creada por un grupo de mozos amantes do mundo equino.
O alcalde de Cervo, Alfonso Villares, e a edil de Emprego, Manuela Méndez, mantiveron un encontro cun dos responsables de Cabaliño de Pao, Raúl Fraga, coa directora de Aspanane, Elena Santos e cola Psicóloga desta entidade, Alicia Lage, para perfilar o evento.
En concreto neste recinto, que están rematando xa de adecuar para a realización de actividades de lecer con cabalos para toda clase de público e para a aplicación de distintas disciplinas de...
leer más
O colectivo Cabaleiros de Penabor, de Barreiros, organiza a oitava edición da súa ruta ecuestre para o día 2 de xuño, sábado.
A saída está prevista para as 10 e media da mañá desde o restaurante La Yenka, de Reinante. A comida, que é de asistencia libre, será ás 15:00 horas e despois haberá baile amenizado polo dúo Merengue.
O prazo para inscribirse remata o día 30 deste mes e os interesados poden facelo chamando aos teléfonos 616.439.022 (Miguel) ou 650.521.321 (Mari).
Para a organización deste evento Cabaleiros de Penabor conta coa colaboración do Concello de Barreiros e da Deputación de Lugo.
A 4ª Ruta Ecuestre Equus Norte celebrarase en A Pontenova o 7 de outubro. O programa dará comezo ás 10:00 horas cun almorzo no Mesón A Mina e ás 11:00 iniciarase a ruta dunha distancia aproximada de 18 quilómetros. Ás 14:00 horas terá lugar o xantar e durante toda a tarde haberá sorteos coa a actuación de Discomóvil Blanco y Negro. As reservas poden facerse no Mesón A Mina no 982 336 049, no 649 932 318 (Juan), no 690 164 908 (Aitor) ou no 662 062 625 (Pepe). O prezo é de 25 euros.
Ás 16:00 horas celebrarase unha carreira de obstáculos a cabalo. Para aluguer de cabalos pódese chamar ao 620 302 567 (Moncho) e a organización comunica que cada xinete farase responsable dos danos ocasionados polo seu cabalo.
