Do 28 de abril ao 7 de maio desenvolverase a campaña "Céntimo Solidario", que organizan o CCA de Foz e a delegación local da AECC.

O Centro Comercial Aberto de Foz colaborará un ano máis coa delegación local da Asociación Española contra o Cancro. A súa presidenta, Antonia García Fra, e o presidente de Acia/CCA, José Carlos Paleo, presentaron a campaña Céntimo solidario, que se desenvolverá do 28 de abril ao 7 de maio. 

Arredor de 50 locais asociados participan nesta campaña organizada para recadar fondos para a AECC. Neses establecementos haberá situadas unhas huchas para deixar os donativos que @s seus clientes queiran deixar. 

Antonia García Fra e José Carlos Paleo fan unha chamada á solidariedade porque “toda axuda é importante”.