![](https://www.faroocionorte.com/sites/default/files/styles/juicebox_medium/public/fotos-noticias/2018/current-datecustomm/reviravolta1.jpg?itok=DRgLCyqv)
Foz acollerá a segunda edición da carreira de obstáculos Reviravolta Normanda o día 24 deste mes, venres, ás 20:00 horas. As inscricións para participar realízanse na web www.championchipnorte.com
A saída e a meta da proba estarán na praza Rosalía de Castro, onde tamén se recollerán os dorsais de 18:00 a 19:30 horas, e a entrega de premios realizarase no Recinto Normando, que estará situado na dársena do porto focense.
A carreira discorrerá por un circuíto de 5,2 quilómetros con diversos obstáculos naturais e artificiais. A idade mínima de participación son 15 anos e os menores de 18 deberán presentar unha autorización asinada polos seus pais.
A proba está organizada pola Asociación Desembarco Normando e conta coa colaboración do Concello de Foz.