O Concello de Xove presentará os resultados da escavación arqueolóxica no castro de San Tirso 2025, en dúas xornadas informativas, que inclúen unha visita guiada ao xacemento a cargo do arqueólogo director, David Fernández Abella. Serán os días 28 e 29 de novembro.
O programa de actividades é o seguinte: venres 28 de novembro ás 20:00 horas no Salón de Actos, presentación de resultados da campaña 2025 na área arqueolóxica de San Tirso a cargo do arqueólogo director, David Fernández Abella; e sábado 29 de novembro ás 11:00 horas desde o aparcadoiro da praia de Portocelo (antes do cruce do Portiño), andaina de 1,5 quilómetros ata o xacemento de San Tirso e posterior visita guiada polo arqueólogo director.