Vilela, no municipio de Ribadeo, celebra as festas da Nosa Señora do Carme este sábado, día 25 de xullo.
As actividades comezarán ás 12:30 horas con procesión coa Nosa Virxe do Carme, a Virxe das Dores e San Marcos acompañada por gaiteiros. Ás 13:00 horas celebrarase misa solemne e desde ás 14:00 horas haberá sesión vermú co dúo De Festa e ás 15:00 horas, quinto xantar de irmandade Camiño Norte de Vilela.
De 17:00 a 20:30 horas haberá festa para nenos e nenas con inchables (tobogán, rocódromo, selva, casita de bolas), toro mecánico, etcétera.
Ás 18:00 horas volverá o dúo De Festa e haberá un sorteo sorpresa durante a actuación.
E ás 22:00 horas comezará a verbena co dúo Belinda e o grupo La Noria.