Nordés Faladora organiza as II Xornadas de Iniciación á Micoloxía, que terán lugar o 8 e o 10 de outubro no Barqueiro e en Ortigueira.

Nordés Faladora organiza as II Xornadas de Iniciación á Micoloxía, que terán lugar o 8 e o 10 de outubro no Barqueiro e en Ortigueira.
 
O colectivo Nordés Faladora “convídate a participar nas II Xornadas de Iniciación á Micoloxía para que, si queres sair a recolleitalos, saibas cales son as variedades comestibles e diferencialas das venenosas principalmente, así como daquelas que non teñen valor culinario”.
 
Os organizadores sinalan que “da mán de José Luis Cuba aprenderemos non so iso, senón tamén a como collelas para que a nosa acción non supoña a súa desaparición futura”.
 
Para iso farase unha sesión teórica previa na Casa do Concello de Mañón, en O Barqueiro, o xoves, 8 de outubro, ás 20:00 horas, que terá continuidade o sábado, día 10, ás 7:30 da mañá para poñer en práctica os coñecementos adquiridos polos montes da bisbarra. Rematarase a actividade cunha degustación de diferentes cogumelos no Mesón O Malecón de Ortigueira dende as 21:00 horas.
 
O curso ten un prezo de 15 euros ao que hai que engadir outros 10 euros si se quere asistir á degustación. As prazas son limitadas, “polo que aconsellamos chamar ó 653756454 (Ricardo) ou mandar correo ó enderezo asociacion.nordes@gmail.com Así que xa sabedes, armarse de botas, chubasqueiro, navalla, e paxe de vimbio (importantísimo), e veña, ó monte con Nordés. Agardámosvos”, engaden desde Nordés Faladora.