A ACD Xove abre o prazo de inscrición das Escolas Deportivas e Culturais para a tempada 2017-2018.
A asociación lembra que se pode descargar a folla na páxina de facebook, www.facebook.com/ACD XOVE/, e mandala por correo electrónico, entregala no buzón da ACD. Xove no pavillón ou na piscina municipal de Xove, ou ben facer a inscrición vía online a través da nova páxina web que estará operativa a partir do día 11 de setembro. A asociación comunica que aqueles que non se poidan inscribir por ningún deste medios teñen a opción de recoller a folla na piscina municipal e facer a súa entrega alí mesmo. A data tope de inscrición é o día 20 de setembro.
A ACD Xove oferta dez escolas deportivas nas modalidades de fútbol sala, baloncesto, patinaxe artística, karate, atletismo, tenis de mesa, xadrez, xogos pre-deportivos, aerobic e pilates. Tamén ofrece dúas escolas escolas culturais de teatro e pintura.
Os interesad@s que non sexan socios poden deberán poñerse en contacto con calquera membro da xunta directiva ou ben no número de teléfono 618 97 61 59. A cota de socio familiar son 10 euros ao mes e os socios poden participar en todas as escolas que desexen.