A asociación Nordés Faladora organiza a segunda edición das Xornadas de Enerxías Renovables que se desenvolverán os días 27 e 28 de setembro. Nas mesmas abordarase o estado do sistema eléctrico español, o impacto que sufrirá polo autoconsumo fotovoltaico, o regulamento do autoconsumo de enerxía eléctrica e o cambio climático.
O venres 27 ás 19:30 horas no Abeiro de Mañón ofrecerá unha charla o doutor Eduardo Lorenzo Piqueras, catedrático da Universidade Politécnica de Madrid e profesor de enerxía solar fotovoltaica.
O sábado 28 ás 11:30 horas haberá unha visita á casa de Eduardo para ver o funcionamento dun sistema de calefacción/auga quente sanitaria mediante enerxía solar térmica con respaldo dunha caldeira de biomasa. Alí tamén falará do funcionamento dos muíños de auga e toda a tecnoloxía que significaban.
Para esa visita do sábado é necesario anotarse (antes do xoves 26) no teléfono 653 756 454 ou en asociacion.nordes@gmail.com.
Tamén é preciso anotarse para acudir ao xantar que se celebrará como remate das xornadas, que terá lugar en Casa Urbano, ás 14:30 horas, e o prezo é 15 euros por persoa.