O campo de fútbol de Cangas de Foz acollerá o venres 22 de marzo o festival Riosmar Fest, coa presentación da nova xira da orquestra París de Noia e as actuacións dos DJs Litainer e Alejandro Martínez.
Haberá carpa, pulpería e hamburguesería. Ademais a organización ofrece un servizo de autobuses e anuncia: “pensando na comodidade, seguridade vial e persoal dos asistentes disporemos dun servizo de autobuses, que pasarán por todos os concellos da Mariña, trasladando a todas as persoas que o necesiten ou o elixan ao lugar de celebración do Riosmar Fest, evitando así utilizar os vehículos propios, con todos os riscos que isto podería ocasiona”.
As entradas poden comprarse anticipadamente, a un prezo de 10 euros, a través de internet (https://n9.cl/f8nfi) e en establecementos de Cangas de Foz, Burela, Ribadeo, Foz, Ferreira do Valadouro, San Cosme de Barreiros, Cordido, San Cibrao (Cervo), Mondoñedo, Xove, Viveiro e Lourenzá. En taquilla o prezo será de 12 euros.