O club de montaña focense Os Sendeiros propón unha nova andaina este mes. Será este sábado, 22 de xullo, cando os participantes realizarán a ruta de San Acisclo. Trátase dunha bonita andaina de 13 quilómetros. A saída será ás 9 horas diante do Concello e alí collerán un bus que os levará ao inicio do percorrido.
O prezo será de cinco euros para os non federados e de cero para os que si o sexan. Para anotarse ou así mesmo recibir máis información existen os números de contacto 670.369.017 (Morís) e o 606.718.482 (Laura) e tamén o correo electrónico ossendeiros@yahoo.es. É obrigatorio anotarse antes do vindeiro xoves 20 de xullo xa que as prazas son limitadas.
Os organizadores informan de que se trata dunha ruta de dificultade media e se recomenda levar equipo adaptado de sendeirismo. O Concello de Foz colabora na organización desta actividade.