Pensamento e Sementeira, de Viveiro, proxecta este mércores, 18 de novembro, a película "O meu tío", dentro do seu ciclo de cine de humor.

Pensamento e Sementeira, de Viveiro, proxecta este mércores, 18 de novembro, a película "O meu tío", dentro do seu ciclo de cine de humor.
 
O cineclube do colectivo Pensamento e Sementeira continúa coa súa programación este mércores, 18 de novembro, coa proxección da segunda das películas do Ciclo de Cine de Humor.Trátase de Mon oncle, O meu tío, de J. Tati , da que  o crítico M.A. Palomo ten escrito: “A obra de Tati permanece como un monumento luminoso á que poucos souberon achegarse […] Nesta obra inolvidable arremete contra a sociedade de consumo e contra o mecanicismo que afoga ao individuo. Así fai presente o absurdo da realidade cotiá nun prodixio de fantasía que encerra ás súas personaxes en secuencias deslumbrantes”.
A proxección será no salón de actos do IES María Sarmiento e dará comezo ás 20 horas. A entrada é libre ata completar o aforo da sala.