O sábado, 30 de xullo, terá lugar en O Vicedo a I edición da Romaxe Viquinga.
Comezará ás 9:30 horas coa apertura do campamento ao público e o inicio dos talleres. Entre as 12:00 e as 14:00 horas terá lugar a batalla entre os viquingos e os cabaleiros da orde da Cruz de Santiago na praia de San Román onde ás 13:00 horas chegará o barco viquingo de Olaf Haraldson.
Ás 14:00 horas terá lugar a subida ao campamento e a charla sobre o asentamento viquingo de O Vicedo que ofrecerá o historiador e arqueólogo Iñaki Sagredo. Ás 14:30 horas terá lugar a comida campestre e ás 16:00 horas reiniciaranse as actividades e talleres no campamento das asociacións viquingas Ulf Klan e Jacobsland.
O programa da tarde continuará ás 17:00 horas cos combates no campamento, e ás 18:00 horas haberá desfile-concurso con premios para os mellor vestidos viquingos e cristiáns. Xa pola noite ás 23:15 horas terá lugar a saída do campamento viquingo cara a praia con fachos e ás 23:30 horas celebrarase o espectáculo A Romaxe e voda viquinga.
Haberá servizo de autobuses desde as 21:00 horas entre San Román-O Barqueiro e San Román-Viveiro.