O grupo galés de folk Rholben e Mano Panforreteiro, como artista convidado, actuarán no Círculo Habanero da Devesa (Ribadeo) o día 20 de xullo, luns, ás 20:30 horas.
É unha actividade organizada pola asociación cultural A Tribo Da Travesía, que anuncia: “grazas á Área de Cultura da Vicepresidencia da Deputación de Lugo, imos poder disfrutar dun concerto moi especial! Temos ao grupo de folk galés Rholben o luns 20 de xullo no Círculo Habanero de A Devesa (Ribadeo) ás 20:30 horas”. Ademais explica que as interpretacións creadas por Rholben “transbordan tenrura, enxeño e emoción. A súa música transmite lixeireza e contemporaneidade, ao mesmo tempo que nos imbúe da solidez e intemporalidade da montaña que lle dá nome. E aproveitamos a ocasión para ofrecervos un obradoiro de canto tradicional galés, da man de Siriol Davies e John Ruddock, de Rholben. Será esa mesma tarde desde as 18:30 ata as 19:45 horas. Aprende cancións tradicionais galesas con dúas persoas divertidas, profesores con moita experiencia e artistas de extrema sensibilidade. Non é necesario ter experiencia, todas as persoas sodes benvidas!”. Para participar no obradoiro hai que pagar 10 euros.