O día 31 deste mes de xullo, venres, celebrarase o encontro anual dos veciños da Regueira, en Ribadeo.
Os actuais residentes e aquelas persoas que nalgún momento viviron nas rúas Deputación e San Lázaro, na zona ribadense coñecida popularmente como A Regueira, están organizando a súa tradicional comida anual, que terá lugar o vindeiro 31 de xullo, venres, ás 14:30 horas no restaurante O Furancho do Camiño, que está na rúa San Lázaro.
O prezo da comida é de 35 euros e as tarxetas para participar neste encontro veciñal poden adquirirse ata o 29 de xullo, mércores, ata ás 13:00 horas na tenda de Sargadelos, que está situada na rúa Reinante, número 22 da vila ribadense. As persoas interesadas en obter máis información poden dirixirse a Mari Carmen Pillado (teléfono 600.277.791), Paco Roibás (639.136.601) e Manolo Álvarez (649.979.036).