O Club de Remo Celeiro (Viveiro) ofrecerá dúas charlas sobre a nova tempada este martes, día 1 de setembro.
A primeira será ás 18:00 horas “para todos os nenos e nenas que fixeron remo en tempadas pasadas e para todos os nenos e nenas que queiran vir a probar un deporte de equipo e compañeirismo, con moita tradición. A partir de 8 anos”, explica o Club de Remo Celeiro.
E a segunda será ás 19:30 horas para adultos, tempada que comeza con novo adestrador, José Antonio Rodríguez Martínez, que é licenciado en Educación Física, adestrador nacional de remo e remeiro con importantes logros deportivos: olímpico en Barcelona 92, dez podios en campionatos de España e campión de Europa en dobre scull sub-23, destaca o Club de Remo Celeiro, que engade: “Se xa remaches algunha vez contamos contigo! Se nunca remaches pero queres probar un deporte de equipo con moita tradición e bo ambiente contamos contigo!”.