O alcalde, Demetrio Salgueiro; a concelleira de Deportes, Cristina Iglesias; e Daniel Alonso, do Club de Bolos Xove, presentaron o Campionato de España Feminino Iberdrola 2025. Disputarase esta fin de semana, sábado 20 e domingo 21 de setembro, na Bolera Municipal de Sumoas.
O Concello de Xove destaca que é “unha cita deportiva de máximo nivel: o Campionato de España Feminino Iberdrola, nas modalidades individual e por parellas. Citaranse 25 xogadoras das diferentes comunidades autónomas que loitarán polo título nacional nun ambiente cheo de emoción e compañeirismo. Animádevos a vir e apoiar ás nosas deportistas nun evento que leva o nome de Xove por toda España!”.