As pistas da Veiga, no concello de Cervo, acollerá este sábado, día 12 de abril, o II Trofeo de Marcha Atlética, puntuable para o Circuíto Galego desta disciplina.
A cita arrincará ás 11:00 horas e agardase a participación duns 70 atletas de toda Galicia que competirán nas categorías SUB-12, SUB-10, SUB-14, SUB 16, e absoluta, masculina e feminina, na meirande parte das franxas de idade.
Desde o Concello de Cervo animan a veciños e visitantes a desfrutar da competición e agardan que os participantes aproveiten a ocasión para descubrir todo o que pode ofrecer o concello.