terceiro

O Concello do Valadouro, a través da Concellería de Deportes, organiza o III Día da Bicicleta “para promover o deporte e o exercicio moderado e as actividades ao aire libre nunha xornada de convivencia entre veciños, familia, amigos e visitantes ademais de visibilizar a bicicleta como modo de transporte ecolóxico e saudable”. Será o sábado 13 de setembro ás 17:00 horas e a inscrición xa está aberta tanto nas oficinas municipais como nas da Casa da Cultura, ademais de pola sede electrónica do Concello ata o venres 12 de setembro.

Ao final do traxecto sortearanse entre os participantes varios vales dun valor de 100  euros para trocar por material ciclista ademais dun casco para a bicicleta.