A Festa do Bígaro celebrarase en Foz os días 16 e 17 de maio. Esta nova cita gastronómica está organizada polo Centro Comercial Aberto.

A Festa do Bígaro celebrarase en Foz os días 16 e 17 de maio. Esta nova cita gastronómica está organizada polo Centro Comercial Aberto.
 
O Centro Comercial Aberto de Foz organiza a Festa do Bígaro, na que participarán vinte locais hostaleiros os días 16 e 17 de maio. 
Bares, mesóns e restaurantes servirán durante esas xornadas tapas e racións deste produto típico do Cantábrico. Os locais que participan nesta nova cita gastronómica son: A Bolera, As Torres, Tangarte Mariñeiro, Tangarte Mesón, Asoalta, Anduriña, A Funcional, O Muelle, Dandy, O Chícaro, Acuario, A Rula, Bar 78, O Lar, O Sera, As Brasas, Casa Damián, Pizzería Xoiña e Leytón. 
O Centro Comercial Aberto quere animar deste xeito á xente a achegarse a Foz a disfrutar destas xornadas gastronómicas destinadas a promocionar o bígaro, “un produto moi habitual na zona”. 
O CCA conta coa colaboración da Agrupación de Mariscadoras de San Cosme, coa Confraría de Pescadores de Ribadeo e con Concello de Foz.